لو استطيع انساك واعرف السلوان
ماكان ملكنى هواك
ياريت هواك ما كان
انسانى لوتنسى
انا برضاك راضى
انا للوداد ذاكـــر
طول عمرى اتاسف
من حضرة الحاضر
واعيش على الماضى
الابيات اعلاه لسان حال منتدانا اليوم وهو يشكو فراق احبابه ويتألم للغياب الغير مبرر للاخوه
زياده عبد الباقى والاخ هيثم ابراهيم
وليس بكاء على عابرى سبيل او متاوقين حين الزروة ........!!
ولكنه يبكى غياب الاعمدة والركائز الاساسية والبدريين من ابناءه
الذان حملا هذا المنتدى غرسا صغيرا فى فلاة .. وتعهداه بالسقاية والرعاية حتى اثمر ....
وسهرا الليالى ودفعا بجهدهما ومالهما ووقتهما الغالى فى سبيل ان يكون للهدى متكأ وملاذ
يأوى اليه كل من تلظى بهجير الغربة اللافح .... وعربدت به قوافل الحنين وتباريح البين
حيث المنتدى بساطا ممهدا للقاء الاحباب و إنزالا للحمل القاسى من الهموم ...
ما كان جزاى أهيم
سميرى يبقى البين
وهوانا لسه ربيع
الاخوه الاعـــــــزاء :
..... الكل فى تسآل مستمر عن سر هذا الغياب ويناشدنكم عجلة الاياب
و الله لاتدرون كم كان قاسيا عدم مطالعتنا لاسميكما فى قائمة الحضور لما يقرب العشرة ايام
اخوتى :
....... عليكم ان تقصقصا اجنحة الظنون عندنا بالعودة السريعة والطوعية ...!!
لتطالعا الاحباب بماتع ما تكتبان و شيق ما تنثران ....
قيم واداب وفن وكورة وتاصيل لقيم الخير والجمال .....
ونحن من جانبنا نعتبر الذى حال بيننا وبينكما هو زحمة العمل وليس سواه......!!
اخوتى :
ان كانت النفوس كبارا تعبت من مرادها الاجسام ....
ونعلم يقينا وصدقا انكما كبارا .. همة وعزيمة .. لذلك كتب عليكما التعب .. ولكن لاتتعبونا بهذا الغياب ..!!
يا فاطمة عمق اليم ..
ما كسر المجداف..
كان العشم نتلم ..
نحن القلوبنا رهاف
طول الغياب فوق كم ؟..
وشبح الفراق بنخاف

وعود لينا يا ليل الـفــــــــــرح داوى القليب الانجـــــــــــرح
خليهو يفرح مرة يوم اسبوع تمام ناســـــيهو الـفــــــــــــرح

لك التحية اخونا المهندس وليد
بعد إنسلاخنا .. عدنا إستجبنا لنداء الكثيرين الطيبين ..
ولكن إختفاء بعض الأخوة اثر فينا كثيرا .. لا تكتمل لنا فرحة إلا بعودتهم .. لنعمل جميعا من أجل الهدى .. ومن هنا أناشد الأخوة الذين انسلخوا إنسلاخ غير معلن أن يعودوا الى بيتهم الى منتداهم ليملأوا حياتنا فرح ناعم كما قال عركي .. واذا كان لنا رجاء وأمل عندهم فليظهروا .. ويأسم الهدى التى يحبونها .. قي القلب والخاطر وملأ الجفون وفي حدقات العيون استجيبوا لرجاءنا .. استجيبوا للهدى ..
ولكم محبتنا ..

ود مامون اكيد مضمون

نحييك على المرور وان شاء الله المانع خير ...
ولا نسميه ( انسلاخا غير معلن) حتى نساهم معا فى نسيان هذه المفرده
ولكن غياب معلل بما هو خارج منتدى قبلة الانظار
.....ولا كيف ؟؟.....

الحبيب وليد
كل المنى أن يكون كذلك غياب معلل وبي عذر .. خارج قبلة الأنظار ولكنه طال .. وطال معه الإنتظار .. نطمع في إستجابة سريعة منهم .. لنا عندهم أمل ورجاء .

طارق نحييك ونحيى روح الاخاء التى فيك


عائدون ........ .............عائدون ...............................عائدون

تشكر يا حبيب
وهذا هو العشم ..
منتظرون .... منتظــــرون ...... منتظرون

الاخوان_زيادة_هيثم كل سنه وانتو طيبيين متعكم الله بالصحة والعافية _لاشك ان عطاء الاخ الاكبر زيادة والاخ الاصغر الاكبر يجعلنا نستظل بظله ونتكي عليه مما جعلهم ركائز اساسية للمنتدي وملاذ نستزيد منه لقطع بيادر العمر الموشحة بالتعب _اخوتي الهدي تنادينا يا الله كلنا في حضن الهدي وهيا الي مشاركة فاعله الكل بطريقته _لانحتاج لاستفتاء ولا مفوضيه _لان امنا واحدة ودائما تجمعنا _يا الله يا وليد_طارق _مضوي يا الله كلنا علي البوابة نستقبل اخوتنا العائدون _ونسألكم ..........والوحدة

تشكر يا استاذنا على المرور الجميل والمناشدة الاجمل
.. ............حقا ان انكسر المـــــــرق بتشتت الرصاص ..................
والهدى الان اكثر حوجـــــــــة للم كل السواعد المخلصـــــــــــــــة والفتيه
والمنتدى وهو الواجهة الاسفيرية للهدى يحتاج لجمع كل الابناء من اجل البناء
ولا زلنا نرقب هذه الاوبــة وهى تحمل كل ماهو جديد ومشوق

لاشلت سنة قلمك ياهندسه
المنتدى دا ديوان ود الهادي_ديوان جدي الهادي رحمه الله_ديوان السيد جلال_ديوان حسن مصطفي_في زول بقاطع الدواوين دي؟
أخونا حسن إسماعيل إتعصر هنا لما جاب الزيت_لا إنسلخ لاغاب

سراج يا ود قحيف ( طبعا الاسم دا عاجبنى ) !!

نحييك على المرور والدعوة للصمود فى وجه الاعاصير كما حسن .......!!

وابلغ عبارة للترحاب والبشاشة هى ماذكرته من الدواوين !!

سلام وليد طايشين
نحي فيك تفقدك للغائبين
وياريت كلما غاب منا احد افقتدناه
وهذا من اهم اهداف المنتدى ربط ابناء المنطقة في الداخل والخارج
فما بالك من اعضاء مواظبين ترتيبهم من اعلى المشاركات
في اتصال هاتفي مع الاخ هيثم تجاذبنا خلالها اطراف الحديث المفيد جدا وانه حادب على مصلحة المنتدى بل يستقطب له اعضاء باخبارهم وحثهم على الانضمام والمشاركة الفعالة
وبعدها اختفى فجأة وطبعا هيثم ده بعد كل مكالمة تسمع كلامو تصدقو تشوف عمايلو تستغرب
اخونا زيادة الاتصال كان قبل عشرة ايام وبرر غيابو عن المنتدى بانهم في زحمة ترحيل المكتب وتغيير المكان وزحمة شديدة وبعدما يخلص الدوام المابخلص كان مشغول بسفر الاخت ام وحيد للسودان
لم اشأ ان اتداخل في هذا البوست ليقيني انكم بين برهة وفينة ستكونون فينا ولكنكم استمرأتم الغياب
ولن يهدأ بال لاخوانكم في المنتدى حتى تعودوا لمنتداكم

عادل خياري كتب:

سلام وليد طايشين
نحي فيك تفقدك للغائبين
لم اشأ ان اتداخل في هذا البوست ليقيني انكم بين برهة وفينة ستكونون فينا ولكنكم استمرأتم الغياب
ولن يهدأ بال لاخوانكم في المنتدى حتى تعودوا لمنتداكم

الاخ عادل نحييك على المرور

والله فعلا طالت الغيبة والمنتدى اصبح لنا مقر واصبح سكن .... وهو كالجسد اذا اشتكئ منه عضو تداعى سائره بالسهر والحمى ...!!

تباشير فرح
ياوليد تشكر تاني ولن يهدا لنا بال مثلك حتى يعود الثنائ لحوش الهدى الكبير
وقد ات اتصلت تلفونيا بالاخ هيثم والحمد لله حسب ماذكر صافية لبن ولا شئ مما يدور بنا من وساوس ولكن زحمة شغل مع نهاية السنة ليس الا
وستراه صباحا حسب افادته والكورة الان في ملعبك ياهيثم طمبل

بشرك الله بالجنة اخى عادل

والحمد لله انو صافية لبن (بودرة ) ...... !!

بودرة ولا بعد بودرة ؟؟ هيييي يكا .......!!

والله نسعد بعودة الثنائى (الصفوة) الى منتدى الاحباب

وحاتك نحن منتظرين

وانا كماااااااااااااااااان
ومنتظرين

لك التحية استاذنا ومضوى دوما

و بعد البشريات بإقتراب العودة ’’’ علينا أن نحشد جموعا غفيرة لتقف عند قنطرة المنتدى
وتهتف باسم العائدين فى مواكب للافراح يتقدم المستقبلين طارق مامون ( بحكم السن )
ويحمل لافتة كبيرة مكتوب عليها : ( مرحب بيك يالجيتنا ... جهزنا ليك قاشيتنا )
وعادل خيارى فى منظر امريكانى يلبس قبعة كاوبوى ويقود كلبا وفى يد هقارورة موية صحة
واستاذ مضوى يحمل فى يده كتابا ويلوح بيده الاخرى v النصر

ما عندك مشكلة ياوليد ..
نحن حاضرين .. جاهزين ومستعدين لنكون في مقدمة الركب للإستقبال الحاشد وإنت ما سمعت وفي الصلاة يقولوا ليك : من اراد المفاخر لا يرضى بالصف الآخر .. تقدم يا رجل الى الصف الأول ..
نحن ما بنعرف قارورة لكن ح يكون في ايدنا طليسة كبيرة مليانة عكارة ..

طليســــــــــــــــــــــــــــــة يا طارق ؟؟

ههههههههههههههههههههههههههههه

نقول شنو لى شفع اليو سى ماس ؟؟

والله يازياده وهيثم سويتوها شينة ومابتشبهكم
ماممكن تكونوا مشغولين للدرجة دي
وكل اخوانكم في المنتدى كتبوا ليكم واترجوكم
الحكاية شنو الناس بيناتها ورثة ولا اراضي
الناس بينهم حب للهدي ولمة المنتدى تطرح مزيدا من اللقاءات الحبية بين الاخوان وحتى وان اختلفت الرؤى فليس هذا يعني الخروج عن الاجماع او الهروب من المنتدى
واعلموا اخوتي ان اختلاف الرأي مفروض الا يفسد للود قضية
الدنيا اخرها كوم تراب

انهم آتون من قلب رام الله ,, أول من جبل الزيتون

عادل خيارى

نحيك وانت دوما حاضرا فينا صوت وصورة !!

متعك الله بالصحة والعافية

طارق مامون كتب:

ما عندك مشكلة ياوليد ..
نحن حاضرين .. جاهزين ومستعدين لنكون في مقدمة الركب للإستقبال الحاشد وإنت ما سمعت وفي الصلاة يقولوا ليك : من اراد المفاخر لا يرضى بالصف الآخر .. تقدم يا رجل الى الصف الأول ..
نحن ما بنعرف قارورة لكن ح يكون في ايدنا طليسة كبيرة مليانة عكارة ..

ههههههههههههههههههههههههههههههههههههههههههههههههه
لو ما تميتا بكلمه عكاره دي كان هسي اقول عادل ده الدخلو باسم طارق شنو
ههههههههههههههههههههههههههههههههههههههههههههههه

يا حسن العكارة ذاتا خشم بيوت .............!!

هيهيهيهيهيهي هوهوهوهو هيهيهيهيهيهي

وليد التلب كتب:

يا حسن العكارة ذاتا خشم بيوت .............!!

هيهيهيهيهيهي هوهوهوهو هيهيهيهيهيهي

المهم انها معكره
لانو اذا بقت صافيه
بتبقي مويه
ههههههههههههههههههه

وكمان لو بقت موية سااااااى بكون فيها غش ....... !!

الحبيب وليد السباق دوما للمساعي الحميدة لك مني التحية _وللاخوة _عادل_طارق_حسن _محبتي _حقا اشتقنا لزول يكتب لك خط تحت الكلمة (هيثم) _ولراجي منك إشارة (زيادة) _كلمة تديني البشارة بعودة الثنائي من الغياب عن المنتدي _ لأننا ان شاء الله في المنتدي ما حق تقرير مصير لانو مصيرنا واحد وما عندنا فقشتين يا سراج (فولة واحدة) وزي ما قال اخونا عادل اخرها كوم تراب _وأيه الدنيا غير لمة ناس ساعة حزن او ساعة فرح
وسيييييير سير
يا ولييييييييد

مضوينا دوما يا استاذ

وحقيقة ذى ما قلت منتدانا فولة واحدة ولا تقبل الفقيش .. !! وشعارنا سوا سوا .. !!
ومصيرنا واحد ,, وتقريروا وحدة ,, وحرية كاملة او نموت احرار ,,
وكنيش كنيش يا بوفاطنة جيب المطرة والعيش ,,,, وريادة ريادة بى هيثمنا وبى زيادة !!
وودمامون اكيد مضمون ,, وودخيارى فى الجنة يبارى ,,

حسن اسماعيل كتب:

وليد التلب كتب:

يا حسن العكارة ذاتا خشم بيوت .............!!

هيهيهيهيهيهي هوهوهوهو هيهيهيهيهيهي

المهم انها معكره
لانو اذا بقت صافيه
بتبقي مويه
ههههههههههههههههههه

و صافية بتبقي كتفيــة ....
اتفننتوا في شكل الضحك .. شوفو كيف .. كلمات صينية والله شنو ...

يا طروقة ,, ( طبعا طروقة دى كيفتك )

طبعا الضحكة دى ما صينية ,, لكن الزول كان جابو ليهو عكارة باااااااردة
خاتنها فى صينية فى نص الحوش والهواء ضربا ,, ضحكتو بتبقى متل دى

يا شباب تحياتي لكم جميعا.
ونأسف للدخول المتأخر.
ولكن علي قناعتي الشخصيه كل من يخرج من المنتدي سيعود له وهو أكثر شوق وتلهف ولقد جربت ذلك في نفسي عندما أغيب أيام بسبب العمل أحس بأنني خارج البيت وعندما أفتح المنتدي أشعر بأنني رجعت للمنزل وليس للمنتدي, وكأنني أحس بأني أتكلم مع الجميع بدون ستار فنحن نفتد الاخوان زياده والاخ هيثم بشده لأنهم من أكثر الناس اثراءا لهذا المنتدي ولذلك نحس بأن المنتدي هو الذي سيردهم بقوته الخاصه الجذابه ونتمني اطلالتهم في أي لحظه.
وأكيد عائدون عائدون كما عاد الجماعه لوطنيتهم وأنخرطوا في تدريباتهم ونسوا كل ما حدث لسيهم.
ولكم تحياتي

نحييك صديق

ونحن على قناعة تامة بما قلته ,, وهم حتما سيعودون ,, لان المنتدى هو البيت الواسع الذى يجمعنا جميعا فى كل البقاع ,, نتسامر صفاءا ومودة ,, ونتسامى فوق جراحات الغربة الداخلية والخارجية ,, ونطوف كل الشوارع ,, ونهتف بإسمك يا هدانا ..

يا هدانا اللهم اهدينا جميعا واجعلنا في طريق الهدي واجعل الهدي دائما في طريقنا

اللهـــــــــــــــــــــــــــــم آميييييييييييييييييييييين

الاخ و الحبيب وليد والاخوان الافاضل
تحية طيبة حقيقة لا تطاوعني الكلمات للرد على جميل شعوركم و

سوف نعود لاحقا

هيثم إبراهيم محمد الشيخ كتب:

الاخ و الحبيب وليد والاخوان الافاضل
تحية طيبة حقيقة لا تطاوعني الكلمات للرد على جميل شعوركم و

سوف نعود لاحقا

ياربي ده حلم ولا علم
حبيبنا هيثم شخصيا بيننا اكاد لا اصدق كان تدينا اشارة او ترسل لينا مرسال شوق يقول انك جائي عشان مانتفاجأ
ولو كلمتنا
كنا فرشنا السكة ورود ***** لو كلمتنا كان بالجية
بس مشكلتك جيت بعد نهاية السوق اسه كان ضبجنا ليك خروف اقرن لكن ولايهمك نخليها السوق الجائي ويمكن كمان يكون تور
لو قدرت جريت الحبيب زيادة عشان تبقى الفرحة كبيرة
والليلة جيت شايل الفرح قصدك تعوضنا اللي فات


معليش برضو لو كنا عارفين انك جائي كان لبسنا ليك البلابل احمر

نطالب عند عودتهم بمحاكمتهم ومطالبتهما بالتعويض والاتنين مغتربين وما عندهم مشكلة فى دفع التعويض المناسب
المنتدى يريد محاكمة زيادة وهيثم
عودوا الى بيتكم ومن ثم انتظرونى انا شخصيا لمحاكمتكم [b]

أقبض واحد جاء
سوف ارجعك الى سفنجتك يا هيثم
ثم نحكم بنزعها منك فى المنتدى العام
عشان الشوك يعمل حقر فى رجليك
وعلى العموم عودا حميدا مستطابا
ولينا عودة لموضوع المحاكمة
او تلتمس الرحمة والشرط تجيب زيادة حتى نتفاهم

صديق الماحي كتب:

أقبض واحد جاء
سوف ارجعك الى سفنجتك يا هيثم
ثم نحكم بنزعها منك فى المنتدى العام
عشان الشوك يعمل حقر فى رجليك
وعلى العموم عودا حميدا مستطابا
ولينا عودة لموضوع المحاكمة
او تلتمس الرحمة والشرط تجيب زيادة حتى نتفاهم

لك التحية ..صديق

السفنجة دي ما حقتو .. مقاسها كبير دي حقة عمـــو ( صلاح ) .. عموما عودا حميدا وكنا منتظرين الظهور العلني دا من زمان ..

بكل ايات الشكر والتقدير والعرفان نرد التحية لكل من كتب او علق على هذا الموضوع ولكم التحية مجددا ودمتم
وسوف نعود لاحقا
وحتي الملتقي فى أمان الله