لهذا الرقم سر في حياتي يبدولي ..
واسأل الله أن يكون فال خيــــر ..

كنت وأنا في المدرسة الإبتدائية ينتهي عنــدي التصــفيق .. وذلك عند إعلان النتائج بعد الإمتحانات حيث يتم التصفيق وإذاعة العشرة الأوائل وينتهي عندهم التصفيق .
كانت شلتنا في المدرسة ، شلة جميلة على سبيل المثال : أخونا ابو محمد (زيادة عبدالباقي ). خالد محمود الشريف ، صديق محمد المهل ، محمد عبدالله عبدالحليم ، عوض رحمة المولى عجيب ، سامي حمد ، زاكي الدين خالد ، سيف الدين خالد عبدالفضيل ، عبدالغفور محمد نور ، محمد خالد محمد على عبدالله عبدالرحمن الدويرس ، عمر عبدالمؤمن , سيف الدين محمد الطيب ، فتح الرحمن عثمان السماني . عبدالله محمد الشيخ , العبيد محمد العبيد ، احمد محمد على العباس ، حامد محمد نور ، ابراهيم مهــدي . .الخ
ينتهي عندي التصفيق ، حيث كان ترتيبي ولعدة سنوات الـ 11 في كل إمتحان تكون نفس النتيجة مع إختلاف بسيط أن تكون العاشر مشترك .
وطبعا أخوانا زيادة ، وخالد الشريف هم اوائل دفعتنا بالتناوب .
أعود لسر الرقم . وبالصدفة العجيبة أكتشف بأن لهذا الرقم في حياتي شأن . حيث أنني ولدت يوم 11 - من الشهــر 11 - الساعــة 11 الســنة دي خلوها ؟

فالرجاء اذا كان في منتدي من له معرفة .. الإفادة .

لكم جميعا محبتي ..
ابو وضاح

شكرا اخونا طارق
اولاً نشكر جميع دفعتك لانهم اصحاب عقول نيره لكن ذكرت ابراهيم مهدي اكيد كان جاكم عائد وكان بجي الكم ولا يوم النتيجة الورق بكمل عندو
اما الرقم 11الان لابسو لاعب اسمو ساااااااااادومبا اخونا زياده بكون بعرفو

العزيز طارق: إن شاءالله 2011 تكون ليك سنة (تخا ورخا)وللفايدة تخا ترقيق لكلمة طخا وتعني السحاب والرخاء معروف. يعتقد الكثيرون بأن للأرقام أسراراً في حياة الناس حاضرهم ومستقبلهم بل أن بعضهم يربطها بالمعتقدات الدينية وللبهائيين مع الرقم 19 شأن و الرقم13 الذي يعتقد في أسراره
الأستاذ صديق أبوضفيرة (قسم اللغة الفرنسية بجامعة الخرطوم سابقاً ولا أدري أين هو الآن)والغريب أن الرقم13 يتشائم به كثير من الأوربيين، هذا من ناحية.
والعرب كذلك تعتقد أن للأرقام والحروف أسراراً وعليها قام علم السيمياء وهو يعني علم الدلالة أو الإشارة أو الهيئة
سبيلاً للإستدلال على المخبر عبر المظهر.
والقدماء قاموا بترقيم الحروف الأبجدية واستخدموا الأرقام بديلاً للحروف وقلدهم المعاصرون وجدك الراحل المقيم ود البشرى(تغمده الله بواسع رحمته)متمكن في هذا الفن ولديه بيت شعر ينتهي ب(ستين معاهن ستة)أي 66 وترمز لإسم الجلالة كذلك أحد شعراء الحقيبة صاحب أغنية(من فريع البان اليسوح نديان الله ياسلام)ذكر في مقطع منها(العجب سبعين كان تفك الحد)و70 هوالحرف ع إشارة لإمرأة يعحب بها .
وللإنسان أن يتفائل بالأرقام والأسماء والحروف ولاتنسى رؤيا النبي يوسف (أحد عشر).
لك التحية أبو وضاح

الأخ محمد الطيب إبراهيم
لك التحية على المرور الجميل ..
وأجمل شىء أنه يحمله سادومبا

الخ الصادق خالد الشريقاوي
لك التحية . ــ
نسأل الله أن يكون عام خير وتخا ورخا على الجميع ..
تذكرت ابيات لجدنا ود البشرى تقول :
خمسة وخمستين في خمســة
اسقط خمسن تجد الأضوي الأمساء
حننوا البنات في خناصروا الخمسة
إتخازز وإخز من لمسة الخمســـة

لك محبتي

طارق مامون محمد البشرى كتب:

الخ الصادق خالد الشريقاوي
لك التحية . ــ
نسأل الله أن يكون عام خير وتخا ورخا على الجميع ..
تذكرت ابيات لجدنا ود البشرى تقول :
خمسة وخمستين في خمســة
اسقط خمسن تجد الأضوي الأمساء
حننوا البنات في خناصروا الخمسة
إتخازز وإخز من لمسة الخمســـة

لك محبتي

الرائع دوما طارق : أنظر هذا الوصف البديع للرقة في الشطر الأخير وقبله وصف الجمال في الشطر الثاني أرجو إنك تبحث عن الإسم فهو 44
إذا طريقتي صحيحة مع عاطر تحياتي

رائع جدا هذا الادب الرقمي في عصر صار كل شئ رقمي
وكما ذكر انو الناس زمان كانو برمزو للحروف بالارقام
وهذا مايعرف بالتشفير
وكثير مايستخدم هذا
الضرب في الادب .
اما الرقم 11 لي صديق
له موقف مع الرقم 11
ولذا فهو عالق بذاكرته
وذاكرة العالم اجمع وبالاخص
الامريكان
احداث 11 /9

الاخ طارق سلامات
ذكرت في الموضوع من دفعتك ابراهيم مهدي قال كان بجي في العشره الاوائل
الكلام دي صاح ولا الورق بكمل عندو اكيد

لك التحية /طارق

اتمنى ان تكون شفرات كل ما يخصك 11من رقم سيارتك ورقم شنطتك ورقم شقتك ورقم حسابك
عشان يكون البساط احمد ى

واتمنى ان يكون ترتيبك بعد العشرة المبشرين بالجنة

الأخ الحبيب مهند
لك التحية على مرورك الجميل .
لكن ما صعبتها شوية ؟
ونسأل الله أن نكون جميعا من المبشرين بالجنة ومامهم الترتيب هنا يازول انشاء الله ولو قبل الأخير .

انشا الله تكون مامولود سنه 11 بس
هههههههههههههههههه

الأخ محمد الطيب إبراهيم

لك التحية .

ولك العذر لعدم ردي على مداخلتكم .
يا أخي ابراهيم مهدي زول شاطر ..
شطارتو زي كورتــو .

سجم رمادو فصاحه ساي
ههههههههههههههههههههههههههههههههههههههههههه

الأخ محمد الطيب

لك التحية . ـ

ابراهيم مهدي دا ثيردباك فريق النهضة من زمان وهو وراء الدفاع مؤمن والناس بترمي لي قدام ..

محمد الطيب ابراهيم كتب:

اما الرقم 11الان لابسو لاعب اسمو ساااااااااادومبا اخونا زياده بكون بعرفو

للعلم والتزكير الرقم (11 ) ايضا يلبســــــــــــــــــه لاعب اسمو راااااااااااااااااااااااااجى

الحبيب ابو وضاح(يا صفوة)
بالامس تحدثنا عن فوائد المنتدى
فكان اللقاءبكم وبوليد(الصفوة)
خارج شبكة المنتدى..
الحبيب وليد
وبرضو لو وضعنا علامة زائد وسط (11)
(1*1)=2
وده استنتاج مهداه الى استاذ مضوى (لانو استاذ رياضيات)
تخريمة
الكى بورد حول علامة الجمع الى (نجمة)شعار الصفوة
فى حب اكتر من كده
و(راجى )منك بس اشارة؟؟؟؟؟؟؟؟

الأخ الحبيب وليد
الأخ الحبيب ابو محمد

انا اكثر الناس سعادة بهذا التواصل الجميل داخل وخارج المنتدي .. ولكن أن اكون صفوة( كما تدعون ) دا من رابع المستحيلات ..
أن أغير إنتمائي لأهلي وناسي وقبيلتي الزرقاء ..
أن أقتلع من جذوري .. مابين الأرض والسماء ..
وحبك يجري في العروق مجري الدماء ..
ومهما يكن إنت سيد بلد .. وعلمتنا معنى الإنتماء .
وبرضو بنحبك ياهلال .. غالب ومغلوب ..

ويضع سروا في اضعف .. راجو

وللمعلومية هو من مشاطيبنا .. وهلالابي بالإنتماء.

ابووضاح(يا صفوة)
دى فى المنتدى ..ديك براها
الهلال شطب ..راجى....
يعنى التسوى بايدك اغلب اجاويدك
وراجى منك بس اشارة؟؟؟؟؟؟؟؟

الحبيب وليد
الحبيب ابو محمد

شنو حكاية .. صفوة دي القاعدين توزوعوا فيها دي . فهل هنالك من مخطط لتحويل المنتدى الى منتدى الفريق الواحد والله شنو .. والله نحن نخشى على صغارنا من تسمم الأفكار دى أكثر من موضوع البوست داك .. وعشان كدا يا أبناء القبلية الزرقاء إنتبهوا .. هنالك مخططات لتمريخ المنتدى وغرس تشجيع الأحمر دون غيره .. إنتبهوا .. يا أبناء القبيلة الزرقاء ...

وليد التلب كتب:

محمد الطيب ابراهيم كتب:

اما الرقم 11الان لابسو لاعب اسمو ساااااااااادومبا اخونا زياده بكون بعرفو

للعلم والتزكير الرقم (11 ) ايضا يلبســــــــــــــــــه لاعب اسمو راااااااااااااااااااااااااجى

---------------------------------------------------------------------------------------------------------------
راجي دي بتاع كرستال البلح ولي شنو السنه الجايه بلبس رقم 40

لا خلاااااااااااااااص يا محمدطيب
وسادومبا دا جايبنو من خلاوى الغبش ؟؟
ولا انت قاعد تشجع فى فريق الساجدين حقيقة كما تدعون وتهتفون !! ... انور الشعلة كيف ؟؟

انت عارف ياطارق الجمهور في السودان ينقسم الي :- 1/ هلالبي 2/ هلالبي زعلان ... ان شاء الله بعد الاستفتاء يرفع الزعل ويتوحد الكل حول الهلال الاولاد ديل زعلاننين بكرة برجعوا ... ههههههههههه

الحبيب ابوضاح
تحية ود
التسمم ممكن يعملو الشربوت
بعدين عوزين نخليك صفوة
دى نقلة حضارية مكانية وزمانية
من زريبة العيش الى الرد كاسل
يلا يا ابناء زرقان انتباه..
لموا الحجار والقوارير

الحبيب محمد الطيب
سادومبا(ولدنا)
وراجى منك بس اشارة
يا دكتور محمد
كل الصفوة بنسال منك عشان بالعيد
(اهنو)

يا وليد يا (يا صفوة)
ده جايبنو من (الزريبة)

الحبيب مضوى
فى الاصل كان المريخ
وانفصلت مجموعة كونت ابو الهل
وبدون استفتاء

محمد الطيب ابراهيم كتب:

وليد التلب كتب:

محمد الطيب ابراهيم كتب:

اما الرقم 11الان لابسو لاعب اسمو ساااااااااادومبا اخونا زياده بكون بعرفو

للعلم والتزكير الرقم (11 ) ايضا يلبســــــــــــــــــه لاعب اسمو راااااااااااااااااااااااااجى

---------------------------------------------------------------------------------------------------------------
راجي دي بتاع كرستال البلح ولي شنو السنه الجايه بلبس رقم 40

راجي دي اسم الماركه الجديده اللي حتزل في الاسواق قريبا
مشروب شعير خالي كحول
ههههههههههههههههههههههههههه

زيادة عبد الباقى كتب:

الحبيب ابوضاح
تحية ود
التسمم ممكن يعملو الشربوت
بعدين عوزين نخليك صفوة
دى نقلة حضارية مكانية وزمانية
من زريبة العيش الى الرد كاسل
يلا يا ابناء زرقان انتباه..
لموا الحجار والقوارير

الحجاره يلما رمزي
والقوارير يلما راجي
هههههههههههههههههههههه

انت قايل نحن اخترنا الحجاره والقوارير عبثا ساااااااااااااااااااااااااي كده
نحن اي حاجه عندنا بنظام
لما تجيبو لينا فلسطيني بنديكم حجاره
ولما تجيبو لينا كريستال بلح بنديكم قوارير
يعني دايرين ولدنا راجي يمشي من المقبره بدون قارورايه
معقوله بس
قول ليهو ماتخاف طول ما المقبره قاعده القوارير متفره
خليهو يترقي شويه
شيل الاكياس ده الناس زمااااااااااااان خلتو
شفت نحن بنعلمكم الحضاره كيف
ياكفوه
اقصد
ياصفوه

حسن اسماعيل كتب:

زيادة عبد الباقى كتب:

الحبيب ابوضاح
تحية ود
التسمم ممكن يعملو الشربوت
بعدين عوزين نخليك صفوة
دى نقلة حضارية مكانية وزمانية
من زريبة العيش الى الرد كاسل
يلا يا ابناء زرقان انتباه..
لموا الحجار والقوارير

الحجاره يلما رمزي
والقوارير يلما راجي
هههههههههههههههههههههه

انت قايل نحن اخترنا الحجاره والقوارير عبثا ساااااااااااااااااااااااااي كده
نحن اي حاجه عندنا بنظام
لما تجيبو لينا فلسطيني بنديكم حجاره
ولما تجيبو لينا كريستال بلح بنديكم قوارير
يعني دايرين ولدنا راجي يمشي من المقبره بدون قارورايه
معقوله بس
قول ليهو ماتخاف طول ما المقبره قاعده القوارير متفره
خليهو يترقي شويه
شيل الاكياس ده الناس زمااااااااااااان خلتو
شفت نحن بنعلمكم الحضاره كيف
ياكفوه
اقصد
ياصفوه

حسن لك التحية

طيب ممكن تشرح لينا القارورة المظلومة من سيد اللبن دى وضعها شنو
والحجارة العملو ليها ساتر بالمراتب حتى عرفت بمعركة ذات المراتب وضعها شنو
والهروب من الفاتح من سطيف , دا نظامو شنو
والصفر ذو ال81 دا نظامو شنو متوالية هندسية , ام متوالية عددية, ام مصفوفات, ام تباديل , والله جابر بن حيان ذاتو يحتار فى نظام الصفر دا

ارجو الاتصال بموقع الفيفا لمعرفة ترتيبكم
البسمع فصاحتكم يقول شلتو كاس العالم
هههههههههووووييييييييييي

زيادة عبد الباقى كتب:

الحبيب محمد الطيب
سادومبا(ولدنا)
وراجى منك بس اشارة
يا دكتور محمد
كل الصفوة بنسال منك عشان بالعيد
(اهنو)

------------------------------------------------------------------------------------------------------

راجي تاني كان شاف اشاره بقول دي عربة دوريه وبعمل شتات

سؤال محير الجميع لماذا دخل معتصم جعفر غرفه الملابس ومنع جميع اعضاء اللجنه
من الدخول معه.

وليد التلب كتب:

لا خلاااااااااااااااص يا محمدطيب
وسادومبا دا جايبنو من خلاوى الغبش ؟؟
ولا انت قاعد تشجع فى فريق الساجدين حقيقة كما تدعون وتهتفون !! ... انور الشعلة كيف ؟؟

------------------------------------------------------------------------------------------------------------

]size=24] سادمبا دي معروف ديانته لكن الكلام في جماعة كافوري [/size]

حلوة يا محمد طيب جماعة كافوري كان بجيب اخبارهم محمد طه محمد احمد والله يرحموا ويغفر له .

ده اشارتو مزقت قلوبكم
وهو جارى ترلاتكم ومواسيركم وراه
اجمل حاجة المعز شربكة
واقف اتفرج على المستديرة وهى تتهادى
داخل المرمى..فى سيمفونية(رصاصة الرحمة)
وبرضو راجى منك بس اشارة

الاخوة الصفـــــــــوة

دعوا الصفراب يتبجحوا ويبرطعوا كما يحلو لهم هؤلاء القوم ينطبق عليهم المثل القائل :
(( السعن الفاضى جلباق ))..........!!

الأخوة الأعزاء
كلم احبكم .. سواء اسياد بلـد أو خلافه ..

و ارجوكم جميعا .. اسحبوا قواريكم وحجارتكم .. وسعنكم الجلباق فاضي ومليان من شوارع هذا البوست الجميل .. الذى كتبته عن سر رقم ملازم لحياتي وذكرت فيه ابناء دفعتي الذين نعمنا معهم بأجمل سنين حياتنا في مرحلة عمرية معينة ومازلنا في تماسك وترابط جميلين .. نسأل الله أن يديم هذا الحب الكبير لأميز دفعة شهدتها .. متميزة أخلاقيا .. وفكريا ..
فرجاء ا لا تحولوا كل مواضيع المنتدي الى مناكفات وماهترات كروية .. وأرجو أن تكتفوا بمنتدى الرياضة لنشر كل غسيلكم هنالك ..

ومافي واحد يهوب بي جاي .. ويجي يقولي كورة تاني .. رجاءا

الحبيب ابو وضاح
نعتذر عن الدخول واقحام
مواضيع ليست من اصل البوست
ودى واحدة من عيوب التطرف الرياضى..
ونستعيد بعضا من الزمن الجمبل..
وتحديدا فى الصف الخامس وانا كالعادة
بجلس بجانب الشباك الاخير من الجهة الشمالية
وكالعادة جارى الاخ عوض رحمة المولى عجيب
وكنا نجلس لامتحان الفترة الاخيرة
وجلسنا لعدد من الامتحانات وتم توزيع الاوراق
والعادة ايضا بدينا نجمع الدرجات وكان الاخ خالد الشريف قدسبقنى
بدرجات بسيطة..ثم جاء امتحان الرياضيات..وكان يدرسنا لها الاستاذ بحر الضئ
وهى اول عهد له بالتدريس..وجاب امتحان(كافر عديل)
وكل الفصل رسب ..الا انا احرزت 37من 50وهنا ضمنت الاول فقد سبقت الاخ خالد بكم درجة
وضمت الاول فى جيبى...
ثم جاءت المفاجاءة..با امر الناظر الفاضل عمر باعادة الامتحان
وكانت التالتة ثابته تفوق خالد الشريف
فجاء الاول وجئت الثانى...وكنت قد تاخرت فى استلام النتيجة مظهرا امتعاضا
وبعدها اخذنى الفاضل عمرى ..وهون على ..وادانى تمر ةبلح من درج مكتبو البين الصفين الخامس والسادس..التحية للدكتور الحبيب الخلوق خالد..والذى ما زلنا على عهدنا القديم فى الحب والمودة
وفى اخر اجازة له...كان فى زيارة الاسرة والوالدة التى تحبه كما تحبنى
وكان ابنى محمد قد ذكر ان صاحبك الدكتور عم خالد زارنا ومعه الحبيب الجار خلف الله عبد الرحمن
من الدفعة الجميلة الانيقة الرايقةالرائعة والتى ما زالت تتواصل فى حب وود
ودمتم

وبعد هذه المساجلات الكروية نرجع للرقم 11

لاعبى الكورة داخل الميدان عددهم 11

(عدد ) السبحة ............. 11

الجماعة فى العسكرية ........ 11

اسهل جدول ضرب ......... 11

انهيار برج التجارة العالمى يوم 11

عدد حروف طارق المامون 11

ميلاد ابنى محمد يوم 11

الهلال نال كاس الممتاز شهر 11

المريخ نال كاس السودان شهر 11

وآخر هدف فى هذا الموسم سجله لاعب رقم 11

الأخ وليد
مشكور على المرور والإضافة لأسرار هذا الرقم .. وان شاء الله يكون فال خير علينا
والحضرى جايي المريخ يوم 11 .. وح يلبس فانية رقم وفي المنتدى الآن المتواجدين 11 عضو متخفي
هههها