والله ياجماعه الزمن ده كلو انا فاكر انو الخرطوم دي زي مادرسونا ليها زمان
انو اسمها الخرطوم على وزن خرطوم الفيل عند التقاء النهرين ولكن
اليوم ببحت في الويكيبيديا جاني الخبر ده
وقلت اشوف رايكم بتفق مع التعليق اعلاه ولا كلام جرايد ساي

إختلفت الروايات حول سبب تسمية المدينة بهذا الاسم وحول أصل التسمية ومعنى اللفظ. فهناك من يقول بأن التسمية ترجع إلى شكل قطعة الأرض التي تقع عليها المدينة والتي يشقها نهري النيل ويلتقيان فيها مع بعضهما في شكل إنحنائي يرسمان بينهما قطعة أرض أشبه بخرطوم الفيل، إلا أن الرحالة البريطاني كابتن جيمس جرانت الذي رافق الكابتن جون اسبيك في رحلته الاستكشافية لمنابع النيل ذكر بأن الاسم مشتق من زهرة القرطم التي كانت تزرع بكثافة في المنطقة لتصديرها إلى مصر لاستخراج الزيت منها للإنارة.

أمسك في كلام الخواجات بشدة
لأنهم عارفين البير وغطاها
وأعتقد أن خرطوم الفيل جاء من العرب
من باب الاستهزاء خاصة من أولاد النيل
الذين يفتكرون السودان عبارة عن غابة وتعيش فيه الحيوانات
اضافة للشعب السوداني
فبعضهم من يقول أن الثعابين ماشة عادي في شوارع مدني
وهكذا حكاوي

تشكر الحبيب ابو الطيب

كلمة قرطم قريبة شديدة من حيث النطق من الخرطوم

لذلك ربما يكون صحيح

على كل هي معلومة جديدة علينا

ومنكم نستفيد

سلام اخونا صديق خالد
وربنا يحفظكم من كل مكروه ياخي واصل وماتطول الغياب للاطمئنان عليكم
ان شاءالله تخت نقطة وماتخاف مانقطة يعني كشف بي قروش
المهم

اقتباس :

الذين يفتكرون السودان عبارة عن غابة وتعيش فيه الحيوانات
اضافة للشعب السوداني

قعلا ياصديق العراقيين ديل تركب مع بتاع تاكسي كان عندهم اسئلة غبية جدا
يابا من وين
من السودان
يابا عدِكم (عندكم) سيارات بالسودان طبعا الرد عندنا سيارتين سيارة الرئيس وسيارة السفير العراقي
يابا عدكم سماء بالسودان الاجابة لا فوق هورة ساي
ياباعدكم حريم بالسودان الاجابة لا امي راجل
وهكذا
دمت بود وخليك قريب

سلام اخونا طارق
تسلم عزيزي على المرور

اقتباس :

كلمة قرطم قريبة شديدة

قرِط على كدة