ما أحلي أن تتناول وجبه غداء كاربه كدا بكسره يتربع عليها ملاح ملوخيه مفرومه أو أم رقيقه ههههههههه الله الله
طبعا كلكم بتكونوا أكلتوا الكسره الرهيفه
مافي زول يقول لي ما بعرفا
لكن بقت المشكله بنات الزمن ده الواحده تلقاها كبيره
و تقول ليك (بري ما بعوس الكسره مالي و مال الدخاخين)
و تخلي أمها هي البتعوسا
و حتي البت بعد ما تتزوج برضو بتكون رافعه راية التحدي طبعا دا من باب العولمه والتحضر وكدا ولو إستمر الحال علي هذا المنوال سوف تكون هنالك كارثه عظمي وهي إندثار الكسره وحيكون مافي زول بعرف يعمله حتي البائعات اللائي يمتحن هذه المحنه بمرور الزمن حيبقوا في خبر كان
كدي رايكم في الكلام ده شنو
يلا كل يدلو بدلوه
تسلموووووووو[img][ندعوك للتسجيل في المنتدى أو التعريف بنفسك لمعاينة هذه الصورة][/img]

سلام سيد البوست حبيبنا محمد الطيب
لك التحية
ولكل الاهل الحنان بتاعين الكسرة
عبى فكرة بالجد كدة بعدين غدانا بي كسرة بي بامية معزوم معانا
وطبعا الملاح جاااااااهز من امس لكن الكسرة لسه ماعاسوها
الكسرة عندنا زي الساندوتش يعملوها ليها قدر الوجبة يقطعوا في السلطة ويعوسوا
في الكسرة في نفس الوقت وطبعا القرقريبة اسكراتش يامحمد
ياحليل الكسرة البعوسوها بي نار شاي الصباح الريكة ملانة تاكل وتدي الجيران
لكن اتصبر بي دي لحدي مااجيك راجع

والله يا عادل ما شاء الله حار من نارو دي دايره طماطم وبهار وبصل مدقوق في الفندك والشطه حضرا
وتتحكر في الواطه والعرق يسيل وبعدها كبايه جبنه مجيهه حليل الكسره كما قال الشاعر ابو شيبه
ما دام نسي الكسره واختار سواها رغيف خلينا للافران باكر مصيرا تقيف

والله ياودابراهيم كمان ما احلى الكسرة العجينا عيش ابيض ومخلوت بشوية قمح ،مع ملاح مفروك ، اذكر أيام كنا فى المدرسة المتوسطة ،كانت عندنا جريدة حائطية وفيها لقاء العدد بيكون مع واحد من الأساتذة طبعا بالدور ،مرة عملنا اللقاء مع الأستاذ حسن حمدان (معلم للغة الإنجليزية ومن الذين يبقون فى الذاكرة )،سألناه عن الوجبة المفضلة فكانت الإجابة كسرة ببامية فروك !! ،الأن صارت الكسرة عند الغالبية تسبب الحرقان وانتو طبعا فى الحقل الطبى شوفوا ليكم طريقة تقلل الحموضة ولذلك الحل يكمن فى خلطة القمح لاستقطاب جيل العولمة ، لك التحية والشوق للكسرة باقى وإن طال الزمن

الكود:

 الأن صارت الكسرة عند الغالبية تسبب الحرقان وانتو طبعا فى الحقل الطبى شوفوا ليكم طريقة تقلل الحموضة

لكن
__________________________________________________________

الحبيب ود الياس
لك التحيه من زمن السهم الزمن اتغير اصبح كل ما يزرع من ذره او قمح واي خضروات تكون الاسمده هي العامل الرئيسي لزيادة المنتج ولا يدرون مشاكلها مثل التهاب المعده والسرطانات وغيرها وعندما تعمل ثقافه طبيه لهذه الاشياء من مضارها علي صحه الانسان تجد الاجابه منهم والله ندوس ساي والباقي علي الله .
تقول ليهم ونعم بالله لكن ربنا جعل سبب لهذه الامراض ونصحكم بعدم تناول كذا وكذا حديثك يضيع سداً
الله يكون في عونهم لان الامراض الخطيره اصبحت تكثر يوميا . اتصلت مره بصديقي البرف د.جيلاني مدير مستشفي الذره اخبرني بان العياده المحوله كل يوم خميس تمر عليه نسبه10 حالات من السرطان
نسال الله السلامه وقال لي كل هذه من الاسمده والمبيدات . ربنا يكون في عون العباد