الاحباب الاعزاء...
ارى المنتدى يسير ببطئ شديد..
رغم العضوية المقدرة حتى اليوم..
هناك اعضاء سجلوا اسماء فقط
دون ادنى مشاركة..
وهنلك اعضاء مشاركاتهم تكاد تكون معدومة..
ما دابرين نقول اخير منها العدم...والعدم اسود زى ما بقولو
الحاصل شنو..وين المواضيع ..وين
العلم الفى الراس والفى الكراس
يجماعة اكتبوا لا تترددوا اكتبوا فى شئ وعن اى شئ
وباى لغة حوار حتلقى البفهمك..ويشاركك ويرد عليك
ولو ما ردوا عليك ما تياس اكتب تانى وتالت حتى تقنع الناس برايك
لاحظوا اعضاء المنتدى ناس وليد وحسن..ومنصر
القدموا اكتر مننا ..
بقت علينا حطاية الساعدو فى قبر ابو دس المحافير
وانا بشكرهم وبهنيهم..والله خجلونا عديل
هسى الناس تقول..منتدى الهدى ضعيف..وما بستقطب ناس
شوفوا المنديات التانية..ما بتقدر تلاحق المواضيع القوية
وبعدين ..حكاية الاسماء المستعارة دى مشكلة
بتخلى الناس ما بتعرف بعض
الا يكون اسم مشهور بيه فى الهدى ..
والله حيرتونا كل مرة نخش نقول نلقى جديد
تلاقى الحال ياهو ذات الحال
الوجوه البتكتب اتكررت كتير
والكتير مسيخ لكن
البكا بحرروه اهلوا
بس الدموع قربت تكمل..
تانى الانجيب بكايين باليجار
ايها الاحباب
التفوا حول منتداكم
دعوا الكسل والا مبالاة
انظروا لمن حولكم
الناس مشت
الهدى امانة فى اعناقكم
وديونها عليكم كتيرة
فلا تيخلوا عليها
وفقكم الله
لما فيه الخير
ودمتم

الاستاذ زياده متعك الله بالصحه والعافيه ظللنا ننشر موضوع المنتدي لابناء وبنات الهدي في كل جلسه حتي السوق لكن ماعارف الجهل به لماذا .
وهذا المنتدي يتفاكرو فيه الناس لحل القضايه والمواصله المستمرة مع البعيد والقريب . ولك شكري وتقديري علي هذه اللفته البارعه.

الاستاز/ زيادة لك التحية المنتدى ماضى وبشكل جميل ورايع 00000000000وجودنا فى المنتدى برضو مشاركة000الجاى كتير وعينك ما تشوف الا النور000الاسم المستعار ما فيهو اى مشكلة ان شااللة00000عنى انا واللة الاسم دا بربطنى بماضى جميل00000ولك العتبى حتى ترضى

اولا مرحب ابو سفنجه. نحن نحترم رغبتك .وانشاء الله تقتنع وتكتب اسمك لانو لاسرتك علينا حق.بعدين ياخ نعرفك كيف من الصفوه ولا من الجماعه

ياود الشريف ثحياتنا 00واللة الجماعة زنقونى زنقة00اسكت خليها بس 0000افتح صفحت اختراحات وشكاوى اللة اكفيك شر الزنقة

تاني تجي المولد .زنقه جابت حقها . زول ابوه كان عندو المؤونه يقول ابوسفنجه ولاشبشب سفنجه

لابد من استفزاز اولاد الهدى وبنات الهدى
وبعد شوية اى زول بعرف يكتب بي كى بورد كلموا الشفع يلصقوا ورقة فى خشم بابهم مكتوب عليها متخازل

كتر خيرك ام ضحي كلامك حقيقه
والدليل انا واخوي الكاشف شغالين بالموبايل
ههههههههههههه
انا اسي قلتا عثمان
الكمبيوتر ما كتير لكن زاحف كويس
اما المنتدي والعضويه والمشاركات
صبركم علينا شفع الروضه بنسجلهم
ان شاء الله
بس ايدكم وهمتكم معانا نحاول نعمل دار للمنتدي واكون فيهو كم جهاز واهو اساعد في محو الاميه التقنيه

الاخ زيادة لك التحية
طبعا ليس كل الناس بتعرف الهدى وأين تقع ويجب علي المنتدي أن يوضح حقائق تاريخية عن المنطقة وسوف أقوم بإعداد ملف تعريفي كامل عن المنطقة وعلي كل من يود المساهمة او يملك معلومة التواصل معنا و التصور كمايلى
مدلول الاسم ومعانيه
الموقع الجغرافي وبيان خطوط الطول والعرض والقري المجاورة ( ويارياريت لو أمكن صورة فضائية عن طريق GiS )
المساحة الاجمالية
السكان حسب أخر تعداد سكاني
المرافق التعلمية والمؤسات الحكومية هل تلبي وتتوافق مع الكثافة السكانية
النشاط البشري للسكان وموارد الدخل , وهل توجود ثروات داخل الارض
سكان المنطقة وقبائلهم ( بدون تعصب وعنصرية )
النشاط الرياضى والحركة الثقافية
المشاكل والخطط المستقبلية ,, ودور المنتدى في نهضة البلد

العزيز جداً
زيادة
زادك الله من فضله
وبوركت
صحيح هنالك ضرورة وملحة للاستكتاب والتواصل
خاصة في هذه الفترة وفي كمية القضايا التي طرحت في المنتدي
كرؤوس مواضيع خاصة
الكرين لاين في بوست سعاتك وهيثم وغيرها من الدعوة للتعمق في تاريخ
الهدي وهذا باب لديه رواده
والحاضر والهم الاني وايضا لديه رواده حول المدارس والسوق والكهرباء ....الخ
والمستقبل المنشود والحلم الجميل
لذا بالضرورة بمكان دعوتك هذا لاستكمال
اجندة المنتدي واهتماماته وفق رؤية شامله وليس مضيعة للزمن وملي فراق
وهذا يطلب نحت العقول وشحذ الهمم والتشمير
وتقديم المبادرات
والبرامج
والمشاريع
وطرح مواضيع لاستنباط الافكار والرؤي والنتائج
وذلك لتقديم شي ايجابي ومفيد وطيب وثمين
فالهدي تحتاج للكثير
اهمها اجتماع ابنائها حولها فهما وانتماء واحساس بالمسولية
وبالقلب وذلك اضعف الايمان
دعوتك محل احترام
واستشعار محل تقدير
ربنا يوفق
ودالامين

الحبيب زيادة لك الشكر والتقدير علي فتح هذا الملف المهم وقد تعودنا منك المبادرة دائماً.
لابد أن ندرك أن هناك أشخاص كثيرون من مدينة الهدي لا علم لهم بهذا المنتدي .
هذا يوجب عمل حملة دعاية واسعة لإستقطاب الكوادر الذين لا علم لهم بإنشاء المنتدي.
كذلك أري أن هناك ثمة إلحاح لإستقطاب كوادر من خارج مدينة الهدي ليكونوا أصدقاء لنا في هذا المنتدي كما تفعل كثير من المنتديات.
مثلاً شخصي عضو في منتدي دارفور- منتدي الحلاوين- منتدي أبو سقرة ، ومنتديات أخري خارج السودان.
مع أنه لا تربطني أي علاقة مع ما ذكرت سوي الصداقات.
فدعوتي أن نستقطب أصدقاءنا لهذا المنتدي ، وأن لا ننغلق علي مشاركات أبناء الهدي.
ويعزز هذا الفهم أن الهدي وطن صغير ولكنه كبير بحجم التنوع السوداني.
نأمل أن تجد هذه الدعوي صدي في نفوس الأعضاء.
الزبير

شكرا الدكتور محمد الطيب على المرور والمساهمة
وانا سعيد بمساهماتك ومشاركاتك
والتى تدل على اصالة معدنك وحبك لبدك
واهلك..وليس ادل على ذلك من مشاركاتك فى العمل العام
واقلها حراسنك لعرين النهضة العريقة..
وما تقدمه للمواطنين وزملائك من خدمات صحية
فى احلك الطروف
شكرا اخى محمد
وحاول دخل لينا ناس الهادى وعاصقيل
وود البدرى وقمر وود الشم وودعبدالبارى
وودطه وكل مجموعتكم الجميلة
ودمتم

ةد الشيخ مع احترمنا لماضيك
وذكرياتك مع اسم....
لا يشبهك مطلقا..
فنحن لن نناديك الا بود الشيخ
حتى لو عملت سماية للاسم التقليعة
بزمتك ود الشيخ وود هنونه اجمل
ولا اسمك الجبتو من راسك ده
لو بقت هوستن ما سفنجة ما حانناديك بيهو
واذا اصريت سنرفع الامر الى جهات عليا
وانت تعرف علاقتنا الحوليك كيف
ودمتم يا ود الشيخ.وفى قول اخر
ودهنونه

يا ود الشريف
الجواب بكفيك عنوانه
الزول ده من اسمو ساكت
رشاشة..

الاخوه الاحباب لكم التحيه جميعا و انتم تشدون العزم و تستنفرون الهمم للرقي بمدينتكم
و الشكر الخاص لستاز ذياده صاحب الصرخه و اريد ان اطمئنه بان هذا هو حال المنتديات و ان هذا لفي تقدم (رقم البطء) و البط الزي به مرتبط ارتباط مباشر بلاسباب التي ساقتها الاخت ام ضحي اما الحل فقد تطرق له الاخ عوض خياري ففكرته معقوله جدا في نظري و تقديري فهي تخدم قرضين (عصفوين بحجر و احد)
محو الاميه و في نفس الوقت توفير الجهاز للمتعلمين و تمكينهم من التواصل بسهوله و استمرار بلموقع و قد قال الاخ عوض

بس ايدكم وهمتكم معانا نحاول نعمل دار للمنتدي واكون فيهو كم جهاز واهو اساعد في محو الاميه التقنيه[/quote]

و انا في رائي سواء كان دار او انترنت كافي او معهد كلها ممكن تكون و سائل جازبه لجمع الناس و ربطهم و تواصلم بناس المنتدي لمصلحت الهدي
و انا من جانبي و تضامنا مع الفكره بقدم للاخ عوض اربعه هارد دسك كمبيوتر(كلها شغاله تمام التمام) ما حارسل ليك الهارد دسك بلبوكس و ملحقاتم لانها حتكون شيله كبيره و تقيله كان لقيت ليها زول ! لكن كل الحاعملو حافك الهارد دسك من كل صندوق و ارسلو ليك و انت عليك بلباقي (شاشات كي بورد الخ ) بكده نكون مشينا خطوه في طريق نجاح المنتدي وجمع الناس
و الله الموفق

السلام والرحمة يا شيخ زيادة ياخى كفاى لوم وعتاب 0 اوع من الجهات العليا 00000000000

[quote=" البطء) و البط الزي به مرتبط ارتباط مباشر بلاسباب التي ساقتها الاخت ام ضحي اما الحل فقد تطرق له الاخ عوض خياري ففكرته معقوله جدا في نظري و تقديري فهي تخدم قرضين (عصفوين بحجر و احد)
محو الاميه و في نفس الوقت توفير الجهاز للمتعلمين و تمكينهم من التواصل بسهوله و استمرار بلموقع و و الله الموفق[/quote]
الاخ منتصر مشكور جدا علي التضامن وان شاء الله ربنا يتقبل منا ومنكم صالح الاعمال
وانا باذن الله انا بقوم بالباقي من بوكس وشاشات وغيرها وتعليم وتوصيل بشبكة الانترنت
والله الواحد محتار اقول ليك شنو
بس ان شاء الله في ميزان حسناتك

الاحباب العزاء
ما زلنا نؤذن فى مالطة
ونشكى لوب الارض
كثير من العضاء منزوين تماما
لاحس ولا خبر
وكثير من المتواجدين
يمارسون الكتابة خلف الخرين
بالتعليقات.القصيرة..
واخرون نشطوا الى حدما
نتمى من الجميع المساهمات
والاضافات القوية والفاعلة

تحية خاصة
نزجيها للشيخ مهند
للمساهمات
ونحية ايضا
للاستاذة مسرة
للمجهودات

الخال ابو محمد ..تحايانا مشكور على تفعيل الناس وشحذ الهمم ..وكلام مناسك وعوض ومنتصر ما تدوه الخلا ..والكلام دى سهل يتحقق ..نحن مثلاً طموحنا يبقى عندنا مركز للمرأة فيهو معمل حاسوب وان بقى عينك ما تشوف إلا النور أمانة ماعندنا مواهب قراية وكتابة وتطريز وفنون فالمرأة في الهدى ماشاءالله عليها..وكتر خيرك على الإطراء وربنا يقدرنا بيكم ومعاكم نرقى بالمنتدى والهدى إلى مانصبو إاليه التحية عبر هذا البوست للأخ منتصر عيساوي صاحب المبادرات العملية لحل المشكلات جزاك الله عنا وعن الهدى كل خير

شكرا مسرة علي هذا الكلام الطيب
وياريت الناس تتفاعل مع هذا الطرح والحمد لله قبل كدي بدينا ونتمني انو نواصل

زيادة عبد الباقى كتب:

الاحباب العزاء
ما زلنا نؤذن فى مالطة
ونشكى لطوب الارض
كثير من العضاء منزوين تماما
لاحس ولا خبر
وكثير من المتواجدين
يمارسون الكتابة خلف الخرين
بالتعليقات.القصيرة..
واخرون نشطوا الى حدما
نتمى من الجميع المساهمات
والاضافات القوية والفاعلة

سلام زيادة نظام رفع البوست وكدة وتاييد لكلامك

حقيقي اصبح الأعضاء محيرون ............

طارق مامون كتب:

حقيقي اصبح الأعضاء محيرون ............

صبرك ياطارق
ديل اولاد الهدي مهما غابو عنها فانهم عائدون

حليل الكان بهدي الغير

صبح محتار يكوس هــداي

سلام ابووضاح
لك الاف التحايا وياخي انت زاتك ماتغيب
[quote] [color=red]حليل الكان بهدي الغير

صبح محتار يكوس هــداي
/quote]
الكان بهدى الغير في لخمة وفرحة بوصول الاولاد للارض المباركة عشان كدة رافع القزاز
ومقفل كل الاتصالات
حمدا لله على السلامة ابومحمد

عوووووووووووووووووووك
البلد دي وين

حليل الكان بهدي الغير

صبح محتار يكوس هــداي
..........
هههههههههههههههههه
اوعى يكون ده انا يا ابو وضاح..
على راى الاعر
انا تاخرت بظروفى ..ميعادى معاكم ما نسيتو
ولولا ظروفى حرمتنى كان قبل الزمن جيتو

لكان بهدى الغير في لخمة وفرحة بوصول الاولاد للارض المباركة عشان كدة رافع القزاز
ومقفل كل الاتصالات
حمدا لله على السلامة ابومحمد
.......
ود الخالة
انت ما ياك الحنين
انت ما ياك الامير
(لقيت لاخوك العذر )
تحياتى

عوووووووووووووووووووك
البلد دي وين
.....
البلد بلد الولد
والولد ولد البلد
استاذ مضوى
هكذا تعلم
البلد
واولاد البلد
وسيظلوا

عشقت الهلال لانه امتد زرقته من السماء وبياضه من الماء
وبينهما تكون الحيـــــــــــاة
.......
وانا عشقت السبحة
الشايلها (سيدا)
عشان ارتباط السبحة بالسماء
وممكن كمان
تروب الموية
والحياة ابقى لونها
احمر

لك التحية والمحبة
الحبيب ابو محمد
اظهر وبان
ان شاء الله
منتصرين
ونحن معكم
في خندق واحد
بالسبحة
والدعوات
والي الامام
يا واحد
يا احد

لا فى يوم نسيت حبك ..
وما ازحزحت من دربك ..
وما مرقت من احساسك
ومن قلبك ..
‏ _______
أخوانى ختو الساس
أنا طوبة ما ختيت ..
دين من زمن تاتيت ..
لا من كتبت قريت . .
‏_‏________
تحية واحرتاما لأستاذ زيادة صاحب الهم والهمة المهموم دوما بقضاياا الهدى (المنطقة أو المنتدى)
والتحية لعمالقة المنتدى الشالو هم الناس ما ديل حراس حمى وفراس
محمد طيب _ صديق الماحى _ هيثم _ عادل_ طارق_ أستاذ مضوى _ شيخ مهند _ أم ضحى وآخرين.
وتحية للأعضاء المحترمين غير المحيرين الذين تفاعلوا مع الموضوع
صلاح __ عثمان _ محمد المين _ شيخ الزبير
أعتقد أن المكانات قد تكون عائقا دون تواصل الاعضاء وأضيف ايضا هنالك اسباب فية تعلق بالشخص فمتلا بعضهم يسمع بما يدور في المنتدى ومن حبه للهدى وأهلها يكلف آخر بتسجيله وهو لا يملك أداة اتصال أو مهاراته وهناك اسباب فنية خارجية عدم توفر الخدمة فمثلا انا بحاول فى هذه المداخلة من أمس 9ص بسبب الشبكة وما عارف تتم ام لا
ولكن يبقى الموضوع مستفزا وفى محله هنالك كسل واهمال ولابد من التنبيه والتذكير وتذكية روح االحماس كلما خمدت ..
أشيد بمخترح ا الأخ هيثم واشارة شيخ الزبير وعوووك الاستاذ ..
تحية خاصة جدا لأخ منتصر والبشمهندس عوض والخت مسرة وربنا يتقبل ويرفع الدرجات ..
نحن منكم ومعكم وبكم ولكم ..

استاذ صديق
الحبيب الغالى
لك التحيةوالتجلة
ولك تقديرى
واحترامى
وننتظر المزيد
من ماركاتك
وابداعاتك
وكلك همة
من اجل
الهدى