حليل زمان وسنين زمان ياحاجة لو تتذكري
زمان لما الواحد يستحمي يوم الجمعة او يكون جاينكم ضيوف مهمين ريحة صابون فنيك شندي تغطي كل مسامات جسمك وتبقي اي تعبق رايحتة المميزة لحين ان ياتيها قيم كورة شراب يطيرها منك ولكن قبلها تتعمد الا تستعمل بشكير هذا ان وجد اصلا والا الفتيلة او الجلابية المستعملة جدا جدا لدرجة تطغي فيها الاتربة بلونها الداكن لتضيع لونها الاصلي هي المنشفة
اما في بعض فلتات التسوق قد يكون هناك صابون اب ريحة وهو صابون بوكيه ذو الرائحة المميزة التي لا تجعلك تتبشكر حتي وان وجد الي ذلك سبيلا
ليه
ايواااا
انا اقول ليك ليه
عشان تحس بي نوع من العظمة قدام الاولاد وانت مستحمي بي صابون اب ريحة حتي معرفة اسم المنتج لانعلمها الا ان نوصف باللون او الريحة كمعجون ابووردة
طيب الكلام ده اتذكرتو لي شنو
اتذكرتو لانو طقتني مغسة
طفولتنا سنين صباتا المبكرة وراحت دون الاستمتاع بالصابون السمح
كبرنا ولفينا وصاحبنا ناس نوع حمامهم ماعايز سفر او تركب ليه عجله جوة الغرفة بتاعة النوم او في نهاية الصالة واهم شي في الموضوع مافي بلاعه بغرفوها سوا قبل او بعد الجمام طيب يلا الناس المرتاحين ديل حمامهم جوة زاتو يشهيك الحمام او حاجات تانية حامياني
مراية كبيرة اكبر من مراية قرشي الحلاق الله يطراه بالخير وقدامها عطور وزهور استلموا المجال العطور معروفة الزهور دي علب كريمات وكده

ده
شنو الحاجات دي كلها
قال
دي كولون يعني في التهاية عندنا ريحة لكن زايدين ليها موية تستعملها بعد الكزيم الًًًذي تستعمله عشان ماتطلع وريحتك صابون والًذي يمتاز بريحة
تضاهي الكريم والريحة مجتمعتين
يعني كريم يطير ريحة الصابون
وكلون يطير ريحة الكريم
وريحة تطير ريحة الكلون
ونحن الكنا في زمنا فرحانين بالبوكيه
حكمة والله وحكاية وحليل زمن حمام حي اوب بتاع الطش مع صابون اللساتك او العدة
ز

صباح الخير عادل

ياود الحلاوين .. يا حلو يامستحمي

رحم الله تلك الأيام

وفعلا يا لها من ذكريات معتقة برائحة صابون الفنيك ( ارنب ) أو ( فيل ) وارد شندي ..

ولنا أن نفخر عادل .. لأننا كنا نستحمى بصابون معروف عنه أبادة لجميع الجراثيم

حتى أصبح الآن توصي به منظمة الصحة العالمية كأحسن مطهر لغسيل الأيدي بعد أن تم إضافة

مادة عطرية قليلة الى نكهته الأصلية وتغيير مسماه من فنيك الى لايفبــوي

وحتى شركة لوكس لها منتج شبيه من صابون الفنيك القديم الزمان داك مع إضافة مادة عطرية قليلة اليه

ليصبح له مسمى آخر تغيرا ماجستيك وهو بنفس مواصفاة الفنيك

ويا لها من ذكريات وأيام .. لايعرفها إلا الناس الكبار

على فكرة إنت .. صديق الماحي دا يوم كشفك ..

وقال تاريخ ميلادك 1962 وأنا إندهشت ..قلت يعني عادل دا أكبر مننا بي سنتين بس ؟

لكن هذا البوست ثبت هذا الكلام

لا لا يا ابو وضاح 62 دى التسنين بتاعتى انا وهى غلط
غالبا 64 او 65
يعنى خليك فى كلامك الزمان دائر تكبرنا معاك ولا شنو؟ نحن اولاد متين
ههههههههههههههههههه
هنا فى مصر مستحمى فيها تورية طريفة ومضحكة
اسأل اى مصرى جنبك وحاتموت من الضحك
قول ليهو بس انت مستحمى النهاردة ولا ايه
نرجع لى ضابون عادل ابو ريحة
نحن الله يكون فى عوننا عدم الصرف الصحى أرهق أهلنا بى حقر الادبخانات
فى الظروف دى ما ممكن تعمل ليك حمام جوة اوضة النوم لأننا نفتقد الى اوضة النوم نفسها
ياخى الصرف الصحى دة نعمة
يعنى لة اتظبط الصرف الصحى بعد كدة ممكن تتظبط الحياة كلها

سلام ابوضاح
ياخي حمدا لله على سلامة ظهورك من جديد
وانت ذو الحضور اللذيذ النكهة اكثر من ريحة صابون البوكيه زاتو
خليك قريب لنتنسم عبق حروفك ان لم يكن صابونك
تشكر على المرور والاضافة
اما بالنسبة لموضوع شهادة الاخ صديق الماحي بخصوص تاريخ الميلاد
فالله الحمد فانا في هذه البسيطة منذ يوم 6 شهر 3 سنة 1964
اتمنى ان يختم الله ايامنا يصالح الاعمال ويجعلنا ممن يتركون بصمة لخدمة المنطقة

سلامات يا أبو الطيب، وأبو وضاح، وأبو وحيد.
أتصور أن هذا البوست طُرحت فيه قضية بشكل مُبسط؛ ولكن من الممكن أن يصير إرشيفاً يُوثق حياة الطفولة في مدنية الهدى. وياريت يا ناس عادل لو ذكرتو لينا حساسية أحياء الهدى الأخرى تجاه الحلاوين. وطبعاً كانت في حساسية كبيرة تجاه الحلواين بسبب التقدم في العمران والرقي وامتلاك ( التلفزيونات) ياريت يا عادل والإخوة المشاركين لو وثقنا لهذه القصص والحكايات التي يُمكن أن تصير رواية كاملة تمتع جمهور القراء على امتداد السودان. فاالفكرة بسيطة ولكنها يُمكن أن تصير كبيرة.
مع خالص السكر والتقدير.
الزبير