الآن مستلقي علي السرير(مستمخ)وبديت أحلم !
قطع هذاالحلم مايسمى عندنا
ب(شمس التهاني)وهي
دعوه لأهل الهدى الطيبين عبرالمايك للمشاركه في
التأهيل والزفاف غالباما
تكثرهذه الدعوه يوم الجمعه(تخيل من عيدرمضان هذه الشمس لم تغب)
ياشمس يامنوره غيبي
وكفايه ضيك ياحبيبي
خلفت (كراعي)وبديت أفكرفي المجتمع المترابط
وفي التكافل والتعاون والتعاضدوالتحالف بينهم
كل بيت يتوزع أفراداسرته
إنت أمشي لدعوه فلان وإنت أمش لي فلان وهكذا!!!
تأملت في هذاالإقبال علي
الزواج هل دافع العفه(أم ضامن دفرة العيزومه)
إرتفاع في الأسعار!
وإرتفاع في عددالزيجات!
تناقض!
الله كريم (وثلاثه علي الله عونهم)
زمان كانت الدعوات هذه تكب باليد(وكنت من أحدالكتاب بحكم الخط والسرعه)
والآن أصبحت بالمايك(وكنت أحد المزعين بحكم الصوت)
وهس بكب الزوغه بحكم
الجيب!
وكان اول من دعابدعوى الماجاهليه هذه أخوناودالفيل (ركب راسو أقصدعربيتوولف الحله بالمايك)
سنه حسنه مش كده
سنه ياأنا!
ياعادل خياري ويازياده وياصديق الماحي:
زواجكم كان بي شنو؟
إتخيل لي كان بالدعوات الصالحات !
لاخطابات ولامكرفونات
كيري ساي

‎

الصادق عكاشه كتب:

وكان اول من دعابدعوى الماجاهليه هذه أخوناودالفيل (ركب راسو أقصدعربيتوولف الحله بالمايك)
سنه حسنه مش كده
سنه ياأنا!
‎

معلومة
يا عكاشة عند كميات من اول واول دى
ياريت تفتح ليها بوست
ما تفتح ليها بنعنى تنساها

الصادق عكاشة تحيات زاكيات اكتر من زاكي الدين خالد زاتو

اقتباس :

. ياعادل خياري ويازياده وياصديق الماحي:
زواجكم كان بي شنو؟

كان بي ماجي
عشان كدة عايزين نعبدو ياتلفوا لينا بي المايكرفون وتعملوا لينا نقطة وشولة
بالجنيه القديم