مافي كلام؟؟ مدرسه ود الامين؟؟ مشروع متفرد

وحيات ابتسامتك

انت رائع يا مبارك
لكن الله يستر على الزول دة البت دى من مل تقابل ليها زول ترسله الى عزرائبل باطريق الدولى

سلام مبارك
تسلم علي الزوق الرفيع
ماشا الله الفيديو زبط معاك
تهانينا

والله يا ود الماحي وعادل الله يستر
بعدين ود الامين في الحلقه الثالثه بكي امام زوجته وبكا معاهو كل من كان يشاهد كانه اخر وداع

عزي املي
وابكي علي اطلال غرامي واذكرو
واطري العواطف
الما حصل اتنكرو
واضعف الايمان
اخلاصي ليك اتذكروووووووووووووووووووووووووووووووووووووووووووووو
حينما بكي ود الامين علي محمد علي جباره

ودالامين خلاص انتهى لانو الشروق دى قناة فاجعةرمضان المضى وردى منتظر رمضان

عليك الله قول تف وطلع الشينه من حشمك
طول العمر وبعد الشر عليك

رائع انت يا مبارك
عودنا فى التلفزيون عود مرة
انا متابع قهوتنا معاك عشان ما عندنا قوون اصلا
وهنا ريحتنا من مضايقة الناس وحرمانهم من مسلسلاتهم

تسلم يا ود الماحي

لك التحية الأخ مبارك

وود اللمين ... مافي زول زيو

لونية خاصة ومدرسة قائمة بذاتها ومتفردة

شكرا ليك يا مرهف الأحاسيس كلك ذوق

رمضان كريم عليك

السلام عليكم
ومتعكم الله بالصحة والعافية
وصيام وقيام مقبول
التحية للحبيب مبارك وكل الاحباب المتداخلين
الفديو ما ظاهر لى
لكن الاستاذ الموسيقار الفنان محمد الامين
طاقة لحنية ..وحديقة غنائية راقية
ترتقى بنا اغانية الى عوالم من السحر ودنيا من الجمال والبهاء
يعرف كيف يختار كلمات اغانية ويعرف كيف يضعها فى قوالب من الالحان الزاهية
اما عن الاداء فهذا هو السر الذى جعله يحتل قلوب الملايين من المحبين والعاشقين....
وتظل اغنياته تزين ساحة الغناء السودان بكل جمال
التحية للاستاذ الرائع محمد الامين ومد الله فى عمره
والتحية الى الجزيرة التى قدمت العملاق للسودان
والتحية الى قرية ود النعيم الى اهدتنا هذا العلم والرمز الشامخ

ارجو من الحبيب مبارك او الحبيب عادل
او اى حبيب اخر
ان ينزلوا مشاركة الاستاذ ود الامين فى خمسينية الاستاذ وردى
فى بعض اغانيه
وبالتحديد...الاغنية الشهيرة
( نور العين )
وتاملوا الاداء العالى لهذا العملاق وتاملوا تفاعل الجمهور
وقبل ذلك تاملوا مدخلة للاغنية او المقدمة وكيف صمت الجميع لمتابعة
العزف المتفرد للعود

كما ارجو ان تنزلوا مشاركة العملاق
للفنان عبد القادر سالم على مسرح الجزيرة
فى ختام الدورة المدرسية
والمشاركة فى اغنية
مكتول هواك يا كردفان
وتاملوا لهذه القامة الفنية
والملكات التى يتمتع بها
وتاملوا ايضا تفاعل الجمهور والذى شقت اصوات بالاعجاب عنان السماء
تحية للاستاذ
وتحية للجزيرة
ولود النعيم
ولمبارك الذى اسعدنا بهذا البوست

هذه الملحمة التى اداها العملاق وسطرت التاريخ البطولى لهذا الشعب
قصّة ثورة

لما الليل الظالم طوّل

وفجر النور من عينّا اتحول

قلنا نعيد الماضى الأول

ماضى جدودنا الهَزَمُوا الباغى

وهدّوا قلاع الظلم الطاغى.



وف ليله وكنا حُشود بِتصارع

عهد الظلم الشبَّ حواجز

شبَّ موانع

جانا هتاف من عِند الشارع

قسماً...قسماً

لن ننهار

طريق الثورة

هُدى الاحرار.

وغضب الامه اتمدد نار

والكل يا وطنى حشود ثوار

وهزمنا الليل

هزمنا الليل.

والنور فى الآخر طل الدار

والعزة اتهادت للأحرار.

وطنى أنحا سيوف امجادك

ونحنا مواكب تفدى تُرابك

ولِسّه الشارع بِشهَد لينا

فى يوم الغضبه حصاد ماضينا

مشينا نَعَطّر حقل الثوره

بِدَم نَفْدِيبُو بلادنا الحره

وكان اكتوبر فجر الغضبه

كسرنا قيود الماضى الصَعَبه

لما مشينا مواكب صَامده

تهدر- وتغلى ... وتهتف راعده:

الرصاص لن يفنينا.



وسال الدم فى أرض الوادى

فَدينا النور بالروح يا بلادى

وكانت صفحة حكاها العالم

وفجر اكتوبر طَلّ وسَالَم



كان فى الجامعه موكب هادر

صمَّم يجلى الليل السّادر

وكان الليل السادر غادر

فجّر غدرو سموم دخان

ورُصاص من صوته صِحَا السودان

والشعب الثائر

صمّم هادر

يصرع ليلنا الداجى الطَّوَّل

وكان القرشى شهيدنا الاول

وما اتراجَعنا

حلفنا نقاوم ليلنا وسِرنَا

نذرنا الروح ومَسَكْنَا دَرِبنَا

للشمس النايرة قطعنا بحور

حلفنا نموت أو نلقى النور

وكان فى الخطوه بنلقى شهيد

بى دمه بِيِرسُم فجر العيد.

يا اكتوبر

أنِحْنا العِشنا ليالى زمان

فى قيود ومظالم وويل وهوان

كان فى صدورنا غضب بركان

وكنا بنقسم بالاوطان

نَسَطَّر اسمك يا سودان

بدمانا السّالت راويه الساحه.

وحلفنا نسير ما نْضوق الراحه

شهرنا سيوف عِصيانّا المدنى

إيد فى ايد حلفنا نقاوم

ما بنِترْراَجع وما بِنءسَاوم

بينّا وبينك تار يا ظالم

خُطانا تسير فى درب النصر

هتافنا يدَوّى يهز القصر

كسرنا حواجز ..أزِلنا موانع

صفنا واحد

عامل.وطالب..زارع وصانع

وهزمنا الليل

هزمنا الليل

والنور فى الآخر طل الدار

والعِّزه اتهادت للأحرار

يا ساحة القصر..يا حقل

ويا واحهَ بتَحَضِن روح(نَصّار)

روينا ورودك دم ثوار

وشتَلنا فضاك هتاف أحرار

خَطّينا ترابك احرف نايره

بتحكى سطور ايامنا الثايره.

وشلنا الشهدا مشينا ونهتف

وجرح النار فى قلوبنا بينزف

سَجّينا الشُهدا وجينا نقاوم

ما بنِتراجع وما بِنساوم

وفجأه ونحنا صفوف بتصمم

زغرد فجر الثوره الحالم

والنور فى الآخر طل الدار

والعزه اتهادت للأحرار

قسماً..قسماً يا اكتوبر

نحمى شعارك

ونجنى ثمارك

ونرفع راية الثوره الغاليه

عاليه ترفرف فوق الساريه

عليها شعار الثوره الأكبر

رسُمه النادر زاهى واخضر

ولِسّه بنقسم يا اكتوبر

لما يطل فى فجرنا ظالم

نحمى شعار الثوره نقاوم

نبقى صفوف تمتدّ وتهتف

لما يعود الفجر الحالم

تسلم يا زياده

الان انا خارج هولنده وبدخل النت من الموبايل
في الاسبوع القادم سوف انزل لك كل طلباتك
تحلاني

طارق المامون
شكرا علي المرور