ياجماعه كل عام او رمضان وانتم بخير
اولاد الهدي في الداخل والخارج تفاعلوا مع موضوع التكييف
السؤال
هل المكيفات اتركبت واشتغلت ؟
عشان الناس دي لو عايزة تحسب على اجر الهواء البارد تعرف حاجة
والدنيا رمضان معناها الاجر مضاعف طوالي

يا مان سلامااااااااااااااااااااااات
الكتاب المدرسي عندكم مكتمل
الادراج اي تلميذ لاقي درج
المستشفي مكتفي من كل الادويه
التكيييف ده مرحله لسه ما اظن نصلا قريب نحن في السودان

اخونا الرايح حسن اسماعيل
رمضان كريم وتصوم وتفطر علي خير
ومن المقبولين المعتوفين في هذا الشهر باذن الله
وحمدا لله علي ظهورك وابقي طمنا عليك
بالنسبة للاعمال الخيرية الاخري كالمستشفي والمدارس
فالحمد لله كلها جنبا الي جنب وبخطي رغم البط ولكنها خطوات في الاتجاه الصحيح
نتمني ان تصل الميس بدون كدة
انظر الي بوست فلنوحد الصفوف الي مدرسة حي الصفا كانموزج وهذا لم يعيق من مشروع
تكييف المساجد والتي تم توصيل المكيفات البها بواقع مكيفين لكل مسجد لخمسه مساجد
وخمسه مكيفات للمسجد العتيق وواحد مكيف للزاوية فالشكر لله اولا وللشباب الذين قدموا الفكرة
ورعوها الي ان اتت اكلها
ونتمني ان يتواصل العمل بنفس الروح لتكملة المدارس وتطوير المستشفي
مشروع التكييف تم بخير وسلمت المكيفات الي الجهه المعنية والبوست يسال هل تلك الجهه قامت بالتركيب
والله المستعان والدنيا رمضان

اقتباس :

. يا مان سلامااااااااااااااااااااااات
التكيييف ده مرحله لسه ما اظن نصلا قريب نحن في السودان

الحمد لله نحن في الهدي وصلنا ليها بعون الله وتكاتف ابنا المنطقة

لمن قريت العنوان قلت المكيفات دى من جنس تمباك وسجائر وكدة

صديق الماحي كتب:

لمن قريت العنوان قلت المكيفات دى من جنس تمباك وسجائر وكدة

سلام ابووحيد
تشكر على المرور والتعليق
سؤالك عن المكيفات التانية ممكن يجاوب عليها ناس مختصين في الفتاوي
لكن سؤالنا ده ماصعب اي زول يمكن يجاوب عليه المكيفات شغالة ولا لا
الصعب فيه شنو
غايتو ناس اصلا ماببردوا ليك بطن في رمضان السخن ده

سؤال صعب الاجابة

شكرا صديق الماحي
وانت في مصر المؤمنة تدينا خبر مكيفات الهدى شغالة ولا لا
السؤال ده ح نوديه امتحان الشهادة السودانية لانو صعب الاجابة