الانسان عندما يكون فى غربة يتسأل كثيرا اهو فى عيد ام عزاء من الناحية الاجماعية عزاء عديييييل كدة - اقو ل ليكم بصراحة العيد عندى انا بالذات هو اول يوم من شوال وبس - سمعت ان العيد فى المدينة له طعم خاص والسودانين يتجمعوا وطبعا هنالك فى المدينة عدد كبير من الاخوة ناس زيادة ومحمد برعى وعبد الله محمد نور وعز الدين وابايزيد وعيسى بشير وقطعت معهم وعد وليت حاولت ان ان اجد من ينوب عنى فى الوام فلم اجد لاننى مداوم يوم العيد المهم بعداداء صلاة العيد فى مسجد الخيف بمنى رجعت الى السكن بمعسكر الشركة ( التماد العربية )ومديرها (عماد رمضان -سورى ) وتقابلك مجموعة من اليمنيين والبورمة والبنقالا والمصارى - ومجموعة كبيرة من الفيران والكلاب والقطط ومجموعة من المعدات والمستودعات التى تتخذها الحيونات ماوى لها
دخلت الغرفة وهى كرفانة وجلست واحببت ابارك العيد عبر الجوال على ناس السودان واعيش الزكريات عبر المهاتفات لعلى اخفف من مصابى واعيش معهم تلك اللحظة ولكن الشبكة حلفت وجزمت ماتجى معاى احجمت عن فتح التلفزيون اولا حزين على وفاة الرجل القامة( الجعفرى ) طائرة تلودى وزعلان من نتيجة المباراة مريخ هلال طلعت درون


ونقول ربنا يتقبل صيامنا وقيامنا لكن عيد ماشفناهو ولابنكضب

سلام العريز مهند
عيدك مبارك واحلامك وامنياتك تجد طريقها للتحقيق
والعيد الجايي وسط اهلك واحبابك بعد ان يكون عم الرخا
والعدل عموم السودان
شايف اخونا زياده كتب في بوست منفصل لهم عيد بطعم الهدي
بعد ان التقي بكل الاخوان من بيشة والمدينة وكانت جلسه ما احلاها
ابن انت من تلك القعدة المطعمة بنكهة اولاد الهدي
البركة فيكم في وفاة الجعفري
وماتكترث لنتيجة مباراة الهلال والمريخ وتوجع قلبك ساي خليك علي وجع الغربة المجرساك دي

وانت في تلك البقعة الطاهرة
نبلغك سلامنا الي الحبيب المصطفي
ونسالك ان تدعو لنا في الروضة ان امكن الي ذلك سبيلا
المهم ان تدعو لنا بالخير والمغفرة والرحمة وان يوفق الله ابنا الهدي
ويجمع كلمتهم علي الحق وان يولف بين قلوبهم

يا مهند دعاية ام تى ان كانت بتقول رمضان احلى فى السودان
والعيد ايضا احلى فى السودان
بس يا مهند ياريت لو كنت معانا لانو بصرحة كانت ايام جميلة

التحية ليك الشيخ مهند

وكل سنة وإنت طيب وانشاء الله ربنا يحقق الأماني ..

أصبر ساااي يا زول وأرقد لي خشبتك ( كما يقولون )

باكر جلدك بتخــن .. وبتتعود ..

أعانك الله ..

نحن لينا سنين عددا في هذا الحــال ..

حتى نسينا ذاتو .. شكل العيد وطعمه .. ولونه