الاعضاء الاعزاء
رمضان كريم
وانا اتصفح النت بالامس طالعت خبر طلاق الفنان حسين فهمي لزوجته و من اسبوع اخوه مصطفى طلق زوجته ومن قبلهم نور الشريف و الفيشاوي و القائمه تطول وتعج باسماء الممثلين.
مصدر سعادتي بالطلاقات السابقه ليس الفرح بخراب البيوت ولكن لظهور الممثلين على حقيقتهم وليس كما نراه في المسلسلات اولاً وثانياً خدش الصورة المثاليه المرسومه في زهن الحريم عن الممثلين في اجادة حسن تعاملهم مع زوجاتهم.
نساءنا يطلبن منا ان نكون مثل هؤلاء الممثلين في الرقه و قول الحديث الحلو الذي يقطر عسلاً والمنمق الشفيف وان نكون ظرفاء في التعامل اكثر مما هو عليه، ولا يقتنعن بان هذا كلام يملى عليهم وهذه ادوار يمثلونها وليس حقيقه وياخدوا عليها خمة فلوس - يعني نحنا لو ادونا قروش بنقول زيهم- يعني تمثيل - ولا تمثل حقيقة ما يعيشونه في بيوتهم مع زوجاتم الحقيقيات بدليل مشاكلهم الاسريه ولا يحمدن الله بانا نعيش حياة مستقره على الرغم من افتقارها احيانا- نسبة للضغوط الخارجيه- جزءً من الكلام المعسول واننا نبذل كثير من الجهد بان نكون اظرف ما يمكن.
مثل هذه الاخبار تدعم اقوالنا و تعيد لنا السكينه الاسريه و تضحد افتراءات الحريم بانا نفتقد الرقه في التعامل

سلام حبيبنا الهادي
ناس فهمي اخوان ونور الشريف ديل كبار ماقدرنا
ورينا ناس مهند ونور اطلقوا ولا لسة ديل دفعتنا

الغالي صديق الماحي شايف اليومين ديل جرست رمضان وقفت جاتكم مطره ولا مرطب مع ناس الهدى ديل،
ظاهره مؤرقه عندنا في السعوديه عدد حالات الطلاق في العام السابق اكثر من حالات الزواج.
و شكراً على المرور

الدفعه عادل خياري
ناس نور الشريف وفهمي اخوان ديل اهون علينا، ناس مهند ديل كلامهم تاني ديل غير الكلام الحلو جابو ليهم حاجه ماعندنا ليها حل الوسامه، كلام ناس فهمي اخوان داك بنباصروا لكن الوسامه دي حلها شنو.
و رمضانك كريم و متقبل

مهند ونور ديل الهوي زاتو