بيض الحبل
عبدالرحمن الأبنودي

ننتظر فيهم يموتوا.. ما بيْموتوش.
حتموت الحِمْلان..
وتفضل الوحوش.
الوحوش
مابيزعلوش
ما بيتعبوش
واقعيين..
عمرهم ما بيحلموش.
مهما نصرخ من ألم
ما بيسمعوش.
ما بيرحموش..
لإنهم ما بيشوفوش.
ما بيعرفوش حتي احنا مين..
ما يميزٌوش أكثر من اللي
بتسمعه الكروش!!
الدنيا وسْعت ضاقت الأدوار
ضِقْنَا بحكماءْنا الكبار
أكوام من الأصفار
جنود العار.
ملٌينا أطفالنا الصغار.
أحياء يموتوا الأصدقاء
باردين.
اللحم يرجع من جديد للطين.
هذا الزمان لصفْوة الصامْتين.
هذا المكان..
بيكره العارْفين
ولا فيش غرق في البٌر
ما غْرقتوش..
كل الأغاني مقطعة الأوتار.
هذا المكان..
بيكره العارْفين
ويعذب الأخيار
وما يجلب إلا سيء الأخبار.
كل الخطي للخلف
كل الخطي.. للحتْف
كل الأمان.. أخطار.
كل الخطي.. للعار.
للحق سيف تالم
لا ناجي ولا سالم
الجاهل العالم
والجاهل الحاكم
والظالم العادل
والعادل الظالم
سور.. يكره الأحجار
إذا عِلِي..
ينهار.
الشمس بتموت فوق
والدنيا ميٌت حلمها بنهار.
كإنه ليل
في عتمته..
تاه كل حدٌ ف حدٌ
كإنه ضِل..
نِقصَّره.. يتمدٌ.
زحف الجِزامْ من الجبين
للخدٌ.
والعدوي ترفس دار
وتحضن دار.
وجوه بتمضي علي عجل.
راكبة الجماجم.. ع البِدَل.
وابوكرش..
كنَز القِرْش
لا خايف ولا محتار.
أبو كرش..
بيتاجر في دمعتنا
وخيبة الأمل.
أبوكرش بيتاجر في تعاستنا
وفي بيض الحَبل.
كداب.. وغاوي النومة
في ضل العروش!!
وننتظر فيهم يموتوا.. ما بيموتوش
حتموت الحِمْلان..
وتفضل الوحوش!!
Li

لك التحية الأخ مبارك النعمة

دائما تتحفنا بما هو جميل ورائع ..

والله ياصديق الماحى لو علقته فى رقابهم لما نقشت نقطة فى قلبهم
والله اسمعناهم ما اسمعناهم ولاكن لاحياة لمن تنادى

التحيه والصمود للشاعر الابنودي
ولكم مني السلام
ومروركم هنا سلام