تعجبني جدا ..

العلاقات الطردية .. فكلما زاد الشىء زاد ضــده

الشاعر :

خافت قلوبنا ألم الرحيل

زي الحراز خـاف المطــر

...

ومانحن زيي النجــوم

دائما تخاف ضوء القمر

الشىء المعروف .. علاقة الحراز وخوفه من المطر

ولكن علاقة خوف النجوم من ضوء القمر دي ماوقعت لي

إنشاء الله يكون فيكم زول عارف يوضحها لي ..

..

وبمناسبة المطــر ..

زمان يقولوا ليك .. يازول أقيف

تقيف حــد للمطــر ..

هل يعني تقيف ســد .. وتحبس المطــر .. والله زي الردمية ..

اقتباس :

تقيف حــد للمطــر ..

هل يعني تقيف ســد .. وتحبس المطــر .. والله زي الردمية ..

______________________________________________________
تقيف لحد نهايه الخريف

سلام الحبيب ابووضاح
ومتعك الله بالصحة والعافية نحاول ان نبين الفهم
لخوف النجوم من ضوء القمر...
اكيد ضوء القمر بحجب ضوء النجوم
زى العروس لما تدخل الكوشة كل الانظار بتتجه ليها
وطبعا قبل ما تجى الانظار بتكون متجه نحو الفتيات
فوجود العروس بطغى على وجود الفتيات على الرقم من وجود فتيات اجمل من العروس
...
زى وجود العجب فى وسط المريخ
او وجود هيثم فى وسط الهلال ..
ووجود ميسى فبرشلونة
ورونالدو فى الريال ...
ههههههه

سلام طارق
تشكر على رفد المنتدى بمواضيعك واستفساراتك
لكن مرات كدة بتجيب الهواء من ناس كدة

اقتباس :

زى وجود العجب فى وسط المريخ

اسه عليك الله يازيادة ده مثل ليك ده
عشان كدة ماخشيت كلية التمثيل زي فضل عشان مابتعرف تمثل حتى في الامثال