زمان كنا بنعرف المعكرونة بالقيمة ( اللحمة المفرومة )

أو المعكرونة بالجبنة

لكن منذ ظهور مذيعة قناة النيل الأزرق اللامعة

تسابيح خاطر

في برنامج كنور على النار الذي يقدمه الكوميدي جمال حسن سعيــد

أدخلت في قاموسنا

المبكبكة

أو المعكرونة بالخضار

و أصبحت هذه الوجبة الخفيفة الظريفة جزء من حياتنا .. حتى أطلق عليها أفراد الأسرة تسابيح

اليوم الغدا بي شنو ..

اليوم الغداء تسابيح

يعني معكرونة بالخضار ..

وطبعا دي أسهل وأخف وجبة تعملها المرأة .. في حالة الزنقة ..

التحية للمذيعة تسابيح ولنجم الكميديا جمال حسن سعيد

سلام سيد طارق
لك التحية ومرحبا بوجبتك الخفيفة كمواضيعك الظريفة الدسمة
قال الشاعر وماحب الديار شغلن قلبي ولكن حب من سكن الديارا
بيني بينك ياطارق عاجباك الوجبة ولا ست الوجبة
وبعدين تاني من ماقمنا اسمها مكرونة بالسوداني
ياتري زيادة حرف العين دي تزامنت نع زيادة الاسعار
ولا حنكشة مغتربين
كل الود

ابو وضاح سلام
وجبة خفيفة وظريفة
بالهناء والشفاء
اها نحن دايرين لينا
كسرة لقمة حارة
بملاح لوبة تقيل
اها الوجبة البتجيب لينا
ابو كباس دى نسميها شنو ..
ما تستعجل هسى ود خيارى بجيك ناطى بعدة اسماء
ههههه

لك التحي ابو وضاح
المجتمع السوداني مشهور بخلق المسميات.
منها ما هو للكسب المادي كالذي يطلقه اصحاب المحلات على الثياب و العربات(زنقه زنقة،النار ولعت وهلم جر) .
ومنها ما هو عفوي وليد حدث معين.
ظهرت تسريحة شعر اسمها اندومي يعني جعل الشعر مجعد كالاندومي.
لكن يا عم طارق ما تكتر من اكل المكرونه بالخضار(تسابيح) بعدين الرأة تفتكرك بتاكلها عشان اسمها و تبطل تعملها.
تحياتي

عادل خياري كتب:

سلام سيد طارق
لك التحية ومرحبا بوجبتك الخفيفة كمواضيعك الظريفة الدسمة
قال الشاعر وماحب الديار شغلن قلبي ولكن حب من سكن الديارا
بيني بينك ياطارق عاجباك الوجبة ولا ست الوجبة
وبعدين تاني من ماقمنا اسمها مكرونة بالسوداني
ياتري زيادة حرف العين دي تزامنت نع زيادة الاسعار
ولا حنكشة مغتربين
كل الود

لك التحية الحبيب ابو الطيب

ست الوجبة .. بقت قسايا زي .. ما الدنيا لي نسايا

وماتجيب لينا الهوا ..

زيادة عبد الباقى كتب:

ابو وضاح سلام
وجبة خفيفة وظريفة
بالهناء والشفاء
اها نحن دايرين لينا
كسرة لقمة حارة
بملاح لوبة تقيل
اها الوجبة البتجيب لينا
ابو كباس دى نسميها شنو ..
ما تستعجل هسى ود خيارى بجيك ناطى بعدة اسماء
ههههه

التحية للحبيب ابو محمد وشكرا على المرور على هذه الوجبة الخفيفة

وطبعا أكيد عصيدة بي ملاح لوبا تقيل دي

ماممكن نقول عليها تسابيــح ..

ممكن تسميها الشول .. والله ام بلينا .. التومة ..

وكل زمن وليهو ناسو ..

alhadi mohd yahya كتب:

لك التحي ابو وضاح
المجتمع السوداني مشهور بخلق المسميات.
منها ما هو للكسب المادي كالذي يطلقه اصحاب المحلات على الثياب و العربات(زنقه زنقة،النار ولعت وهلم جر) .
ومنها ما هو عفوي وليد حدث معين.
ظهرت تسريحة شعر اسمها اندومي يعني جعل الشعر مجعد كالاندومي.
لكن يا عم طارق ما تكتر من اكل المكرونه بالخضار(تسابيح) بعدين الرأة تفتكرك بتاكلها عشان اسمها و تبطل تعملها.

تحياتي

التحية للحبيب الهادي محمد يحيى .. والله مشتاقين

شكرا على الإضافة والمداخلة .. وما أكثر التسميات التى يطلقها السودانيين ..

من زمن ليلي علوي ( اللانكروزر ) ومرورا بأسماء الجوالات .. والثياب السودانية

وكل كما تفضلت إرتبط بحدث أو مناسبة .. معينة

وهي تقليعات وموضة .. تأخذ وقتها وتنتهي ..

ونحن مع جيل اليوم أصبح حالنا كمسلسل محمد صبحي

الذي كان يحاول تربية ابناءه .. وأصبح هو في حاجة للتربية من جديد

وكم يشكل الأبناء ثقافتنا الغذائية بأدخال عادات جديدة في البيت

وأمام طلباتهم تجد نفسك مضطرا فلإستجابة وتتغدى بأشياء حسب رغبة الأغلبية

حتى لا تكون أب ديكتاتوري ..

أجدد لك التحية يا حبيب

صديق الماحي كتب:

لا بأس بتسابيح مرتين فى الاسبوع
اقصد المكرونة
ما تودونا فى داهية

التحية للحبيب صديق الماحي

تسابيح عند اللزوم

تسابيح عند اللزوم[/quote]
بعد كل صلاة يكون كويس

الاخ ابو وضاح
الزمن دي العيشه بقت صعبه وما في زول الا ما ندر وقت الاكل يقول بسم الله وبعد يشبع حليل الشبع يقول الحمد لله . الان انقلبت وقت يلقي الاكل يقول الحمدلله القينا اكل ووقت ينتهي الاكل يقول بسم الله دي انتهي بتين.