الاخوة اعضاء المنتدى لكم التحية والاحترام كل ما يدور فى راسكم عن الهدى ومدارس الهدى وتشجير الهدى وشوارع الهدى داء كل كلام ولجنة الهدى والتعمير مافى حاجة الا حاجة واحدة بس وتعجب هى تكيف المساجد ماشاء الله مشروع نجح 100% اما المدارس تنقصها الكهرباء والصيانة الكاملة لكل الفصول من والى ارضية جدران سقف كنب كراسى يعنى النسبة الموجودة 25% ومافى اى لجان لها دور فعال للعمل وربنا اصلح الحال ؟؟؟؟؟؟؟ للحديث بقية ....

سلام اخونا البشري
وحمدا لله علي سلامة العودة بالسلامة
بس انت ان شا الله تكون قضيت اجازة سعيدة
وتشكر علي التنوير الحقيقي
لكن يابشري ياخوي الحل من وجهة نظر زول جا من البلد وعايش الاوضاع علي الحفيقة والطبيعة
شنو وكيف التوصل لما فيه مصلحة ونهضة الهدي

حمدا على السلامة

الأخ بشرى خالد وعودا حميدا

هل نسبة الـ 25 % دي هي نسبة أداء المدارس

أم نسبة ما تم إنجازه عبر النفرات ؟

او بمعني اوضح هل كل الدعم الذي تم عرضه هنا بالصورة والكاميرا يساوي فقط 25%

سؤالنا الثاني بحكم مشاهدتكم للأوضاع عن قرب

ماهي مرئياتكم وإقتراحاتكم حتي نصل الى نسبة 100% من النفرة

حتى تكون على مستوى مشروع التكييف

الاخوة الاعزاءعادل خيارى وطارق مامون وصديق الماحى وكل ابناء الهدى الذين يحبون الهدى اولا نسبة ال25% هى ماتم انجازة فقط سقوف زنك مخرمة سبورات على جدار قشرة ابواب حديد وشبابيك مر بطة بالسلك وكنبة واحدة جالسين عليها 8 طلاب وهى مخصصة للاربعه طلبة فقط ولاتوجد كهرباء نهاى والكلم داء كل اسال من مدير المدرسة المعلم الغيور الذ يعمل بجد واخلاص لترميم المدرسة بجهدة الخاص الاستاذ الهادى عبدالرحمن الذى قام بزراعة جنينة خضروات فى فناء المدرسة خضراء ورجلة وجرجير واسود لبيعها فى السوق ليشترى بثمنها الاسمنت والطوب واجرة العمال ليصين ما يقدر علية 0 طبعا دى مدرسة واحدة والباقى اسواء واسواء 0 والحل هو جمع تبرعات وتسليمها للاستاذ الهادى عبدالرحمن ولكم الراى ( وموضوع الكهرباء مهم جدا ))))))

اما بخصوص الكهرباء لجنة الكهرباء لا دراية لها بشى عن الكهرباء الا من اين تجد فائدتها الشخصية 0 مدارس الهدى العتيقة بدون كهرباء مدارس العقدة باكهربته وداغيبش كذلك المحريبا كذلك الا الهدى لماذا ؟؟؟؟؟؟

اين مجلس الاباء واين لجنه الخدمات مع بدايه
العام الدر اسى الجديد ( طبعا بداية السنة لجمع المال
من الطلبة الجدد والسنه دى طبعا فى زيادة )
يا اعضاء المنتدى والحادبين على مصلحه الهدى اسالوا هذه الجان اين
ذهب المال وما عملوا به ؟ وماذا يريدون ان يعملوا ؟
( للحديث بقية )

سلام اخونا بشرى خالد
والله موضوعك ده اخد مني زمن كتير خلاس عشان القاه
المهم اخيرا لميت فيه
وانت عارف ليه
لانو اتصلت تلفون بمصدر ثقة جدا
قال لي بالحرف الواحد انتو ناس برة ديل تعبانين ساكت الناس دي ماشغالين بي موضوع الهدى ده نهايئ الا على نطاق ضيق جدا من اشخاص معينين وحالات فردية تعتبر حلات شاذة غير افاقة
حتى التشجير القايمين وقاعدين بيهو طلع اي كلام ولا حتى ال25% الذكرتها انت دي الراجل ده ماذكر الا التكييف فقط
والله ياناس الهدى بس الجو يساعدوه في قبر ابوه دس المحافير
مع بعض المحاذير للحادبين على مصلحة الهدى

اقتباس :

( للحديث بقية )

منتظرين منك البقية