والله اللوحة دي لو اي واحد فينا قالوا ليه قدر ليها كم مايعرف سعرها فوق الخيال والتصور لانو سعرها كان عمل لينا 5 مدارس كاملة
ومستشفي تخصص كبير
ووصل الزلط
وعمل وعمل والباقي يودوا بيه ناس الحلة الحج
برضو مايكملن القروش نقوم نوصل الزلط للحلة جوة ونبدا بالشوارع الرئيسية ونجي للشوارع الفرعية ونوصل زلط للمناقل والعزازي والعقدة وبرضو مايكملن

نديكم تفاصيل الخبر بعد تنبلع لي انا سيد الخبر

قال ليه ياولدي تعيش كتير تشوف كتير
قال لا ياحاج تلف كتير تشوف كتير
انا لافي في باريس معاي صاحبي قال لي نخش هنا في معرض
لقينا المعرض زي الشخابيط دي (على الاقل في نظرنا)
والله لوحة زي دي مع اختلاف الالوان اللوحة ديك كلها خشبة او لوح ضاربنو بوهية بي فرشة خشنة كمان والوانها كلها بالاحمر بس متدرج الالوان من احمر فاتح لي احمر عادي لي غامد لي غامد جدا حتى وصل الى مرحلة اللون الاسود
انا هنا لا ابخس العمل لكن مستغلي السعر
لانو كان عالي جدا فقلت بي بالانجليزي
اصلو فيها شنو اللوحة دي غالية كدة الوان بس مافيعا اي رسمة
وكانت بجانبي المانية طلعت زائرة لليلة واحدة فقط لانها مضيفة في لوفتهانزا(شرح اكتر من اللازم)
المهم قالت
بالنسبة لي انا اتفق معاك في كلامك ده لكن يجيك واحد من ناس الفنون يطلع ليك فيها كتاب وقصة ترمز للايه والمقام التاني دلالة على الشنو كدة ماعارف ومايسكت
اسه لو فيكم زول بتاع فنون يجي يشرح لينا بالعربي فيها شنو اللوحة الفوق دي عشان نتنور ونعرف ونتثقف صوريا

غايتو عشان مااسرح بيكم كتير
هذا مقال عن اللوحة وسعرها

اقتباس :

.لوحة للرسام مارك روثكو تحقق 75 مليون دولار في مزاد في نيويورك
آخر تحديث: الأربعاء، 14 نوفمبر/ تشرين الثاني، 2012، 23:57 GMT
Facebook Twitter ارسل لصديق اطبع نسخة سهلة القراءة .
أثارت لوحة روثكو والتي تحمل اسم (الأحمر والأزرق الملكي) حرب مزايدة ساخنة

حققت لوحة للرسام التجريدي، مارك روثكو، مبلغ 75.1 مليون دولار في مزاد أقيم في نيويورك.

وأثارت لوحة روثكو والتي تحمل اسم "الأحمر والأزرق الملكي" والتي وصفتها صالة سوذبي للمزادات بأنها "تحفة جماهيرية"، حرب مزايدة ساخنة.

روابط ذات صلة"طيور أمريكا" أغلى كتاب في العالمفلوريدا: عالم هاري بوتر السحري في متنزه جديد " نساء في الحمام التركي" تتصدر مبيعات سوذبيموضوعات ذات صلةثقافة وفنون
إذ ارتفع سعر اللوحة خلال عملية البيع من 35 مليون دولار إلى 50 مليون دولار، ولكنها فشلت في تحقيق مبلغ 86.9 مليون دولار وهو السعر الذي حققته لوحة أخرى له بيعت في شهر مايو/أيار الماضي.

وشهد المزاد أيضا بيع لوحة جاكسون بولوك التي رسمت عام 1951 بمبلغ 40.4 مليون دولار. تلك اللوحة المرسومة بالنقاط استطاعت بسهولة أن تتجاوز السعر السابق لها وهو 23 مليون دولار خلال هذه المناسبة الفنية التعبيرية التجريدية.

وتعد لوحة روثكو واحدة من ثمان لوحات تم اختيارها للفنان الروسي الأمريكي في معرض المعالم السياحية الخاص به عام 1954 وذلك في معهد شيكاغو الفني، وظلت محافظة على تصنيفها لمدة ثلاثين عاما حتى وصولها إلى المزاد.

ولفت مزاد يوم الثلاثاء الخاص بلوحات ما بعد الحرب والفن المعاصر في سوذبي أنظار العديد من المستثمرين بعد أن وصلت حصيلته الإجمالية إلى 375 مليون دولار وهي الأكبر في تاريخ المزادات في دار سوذبي.

وبيعت لوحة آندي وورهول "الكارثة الخضراء" بمبلغ 15.2 مليون دولار، وحققت لوحة "القبلة" للرسام بيلا لوجوسي 9.3 مليون دولار، في حين حققت اللوحة الأخرى لوورهول"انتحار" مبلغ 16.3 مليون دولار بعد أن كانت التقديرات ترجح أن يتراوح سعرها بين 6 و8 مليون دولار.

ووصل سعر لوحة "صراخ البابا" للفنان البريطاني فرانسيس باكون إلى 30 مليون دولار، في حين لم تحقق لوحة ويليام كووننج سوى 20 مليون دولار، بينما حققت لوحة غيرهارد ريشتر 17.4 مليون دولار، إضافة إلى 9 ملايين دولار حققتها لوحة شيناندواه لفرانز كلين.

وقال طوبياس ماير رئيس قطاع الفن المعاصر على مستوى العالم في دار سوذبي :"إذا أحببت أن تتحدث عن انتعاش السوق وتعافيه فتعال إلى هنا، فهو هنا يعتبر في أفضل حالاته."

ويُتوقع أن تدخل المزيد من اللوحات ذات السعر المرتفع المنافسة يوم الأربعاء في فترة ما بعد الحرب بدار سوذبي، إضافة إلى لوحتين من دار كريستي تركزان على نفس الفترة وتأخذان موقعهما في صالة نيويورك هذا الأسبوع.

العندو مال محيرو يشترى حمام ويطيرو

يا عادل انا بحب الفن التشكلي
وبي الزات لوحات الفنانين السودانيين
لوحتك دي بي 10 يورو ما بشتريها
العندو مال محيرو يشترى حمام ويطيرو

اذا لوحه مارك بي كم مليون يورو ؟؟
لوحه ابو شريعه دي اكثر من ذلك؟.؟
[img][ندعوك للتسجيل في المنتدى أو التعريف بنفسك لمعاينة هذه الصورة][/img]

والله لو لقيتا واقعة ما حا ادنقر اشيلا
ولو فى طريقة اديها نفخة تطير
دى بتعريفة مخرومة ما ادفعها فيها
واحد هللا ما اشتريها
يا عمى قوم قال لوحا نحن فاضيين؟

ههه هههه هههه :
مصطفي قلته لي ما تدنقر تشيلا

انا ح اشتريها ب عشرة جنيهات (قيمة اللوح الخشبي المرسومة فيه )
لانو احتمال استفيد منو اعملو قالب طوب وللا اقفل بيه شباك الحمام
ههههههههههههههههههههههه

صديق الماحي كتب:

العندو مال محيرو يشترى حمام ويطيرو

سلام ودالماحي
حمام شنو البطيروه بي 75 مليون
والله ده كان اشترى ليك حمام السلام كلو وعم الامن والامان كل البلاد المغتصبة
تشكر على المرور

مبارك النعمه النعيم كتب:

يا عادل انا بحب الفن التشكلي
وبي الزات لوحات الفنانين السودانيين
لوحتك دي بي 10 يورو ما بشتريها

سلام مبارك
تشكر على المرور
ياخ انت زول بتحب الفن زيدها من ال10 يورو دي شوية
كان كدة مانلوم ودالبلة القال بي تعريفة مخرومة مابشتريها
ههههههههههههه

سلام اخونا صلاح
وحمدا لله على سلامة الظهور من جديد اولا
ثانيا

اقتباس :

وللا اقفل بيه شباك الحمام

قرِط على دي لانو الخشبة خفيفة مابتستحمل تكون قالب طوب
كن مواصل عزيزي

سلام ودالبلة يالذيذ يارايق
ياخي انت مفروض تكون 24 ساعه بي هنا عشان انت زول ظريف ودمك خفيف وزل قديم
اسه لو ماقديم في زول بعرف ليك تعرفة مخرومة او حتى عديلة
تشكر على المرور الطيب