سلام وكل عام وانتم بالف خير وعيد مبارك على الجميع والعفو في العافية
بخت الناس الركبت الحافلات من الدغش وجري على الحلة عشان يحضرو العيد السعيد
مع الاهل والحبان
زماااااااان واحد كتب في الجريدة انو ايام العيد الخرطوم بقت فاضية لانو الناس مشت تعيد عند اهلها
اسه من ماشفت المنتدى فاضي عرفت الناس مشت تعيد عند اهلها
عيد سعيد لمن يحضره في وسط الاهل
بس لمن ترجعوا ورونا اخر الاخبار شنو

الحبيب عادل خياري
كل عام وانت والاسره بخير
ربنا يحفظهم من طريق الخرطوم مدني
واذا امد الله في العمر بعمليك وجع وش [img][ندعوك للتسجيل في المنتدى أو التعريف بنفسك لمعاينة هذه الصورة] [/img]

الناس قرفانه من اهانه الوطن
لاكن ما بالليد حيله
والتسوي بي ايدك اغلب اجاويدك

لك التحية يا دفعة
وعيدك مبارك ولكل افراد الاسرة
بس انتو عرفتو العيد ده كيف
طبعاً جمعية الرفق بالحيوان محرمة عليكم الضبح
اوعى الكعك يكون مافي كمان.
يا حليل لما كنا صغار عايزين متين نكبر عشان يشيلونا صواني الكعك نوديها الفرن،عشان لما تجي راجع تكون حفيت اطراف الصينيه كلها.
الا ليت ايام الطفولة تعود يوماً.
لك التحية مجدداً واسف على عدم التواصل