اولا نترحم على العزيزين عبدالوهاب دفع الله وعبدالغفور محمد نور
سائلين الله العلي القدير ان يتولاهم برحمته التي وسعت كل شئ
وان ينزل على قبريهما نور مد بصرهم وان يؤنس وحشتهم ويقيهم ظلمة القبر
من الملاحظ ان جموع المشيعين وبعد الرجوع من المقابر واجراء اللازم من تجهيز للصيوان ومكان استقبال المعزيين من المنطقة او المناطق الاخرى ويكون التجهيز من كل مايحتاج لترتييبات الماكل والمشرب وحتى المبيت
وهذا كلام طيب وجميل
ولكن الماجميل
مجرد ان جلس القوم بعد رفع الفاتحة وتناول الماء البارد والشاي ينبرون لمواضيع انصرافية وهذا ليس مكانها مهما كانت من الاهمية حيث انه من المفترض انهم يعزون ويواسون اهل الميت بطيب الكلام والمساعدة في اي عمل يمكن ان يخفف عنهم او اقتراحهم بعمل يعود للمتوفى بحسنات بعد موته وان يكون هذا انذار لهم ولنا باننا في قطار سائر بنا الى محطة لكل منا زمان ووقت محددين وان محطتنا لم تحن بعد وحتما واصليها ونسال الله حسن الخاتمة
نلاحظ كثرة الهرج والمرج الصرف الفات خسموا مني قروش برا سبب ساكت المفتش ده قاصدني عديل كدة والسوق الفات العيش اول السوق اشتريت العيش بي 600 علا اخر السوق بقى بي 550 خسرت لي فيه 50 جنيه لا ايدي لاكراعي
والحكومة دي فاسدة وناسها حرامية واي زول جابوه ينهب بس زول واحد اشتغل بينا مافي
والهلال طلع من الدوري بدري والمريخ القلنا احسن طلع زي الزفت والفريق القومي طلع من اثيوبيا
وبرنامج اغاني واغاني السنه دي احسن من السنه الفاتت شفت البت الجديدة دي غناية كيف وشديدة شدة
اما المسلسل كانت قوية وحلوة جدا ويقاطعه انت شفت الكاميرة الخفية لمن مقلبو الراجل ولبسوه مريلة الولد الصغير وطلع الشارع وهاك ياضحك هههههههههههههههه
يضحكون ملء جضومهم واهل الميت وحدهم من يكتوون بفرق عزيزهم
هل مازالت بيوت البكاء مكانا للضحك
الرحمة لموتانا وموتى المسلمين

اللهم اغفر لي عبدالوهاب دفع الله وعبدالغفور محمد نور
يا ود الماحي الفرق كبير ممكن تدريجيا تكون في مجتمعنا

التحية للشاب عادل خياري

والأخوة المتداخلين صديق الماحي وأخونا مبارك النعمة

وكل عام وأنتم بألف خير وصحة وعافية

حقيقي موضوع في غاية الأهمية ياعادل .. وهذه عادة من العادات القبيحة التى ليس لها لزوم

والتي يجب على الناس محاربتها

بل هنالك الكثير الذي يحتاج من الناس لتغيير المفاهيم حوله

وحقيقي نحن شعب متخلف جدا في مثل هذا الأشياء ..

أجدد لكم التحية جميعا

ونتمنى مزيدا من النقاش حول هذه الظاهرة السالبة

للوصول الى حلول مرضية ومقبولة حول العزاء

وكيفية جعله مبسطا ومقبولا

مثلا أدخال مكبرات الصوت مع وجود مسجل وتسجيل للقران

تكون مستمرة ومسئول عنها شخص بعينه

يديرها كل ما إنتهي الشريط حتي يجعل الناس تنصت وتستمع بدل الونسة

سلام ابووحيد
لك التحية وعبرك لوحيد وام وحيد وخال وحيد

اقتباس :

العزاء عند المصريين تقريبا احسن مننا كتير

والله احسن مننا في كل شئ\لكن نحن المكابرة مابتخلينا نمشي لي قدام
مهما كانت منهم من تجاوزات واناس مخالفون وشواطين وبتاعين السبعة ورقات
لكن تعال شوف بالمقابل العقاد طه حسين رفاعة رافع بك والازهر
على الجارم مصطفى امين وعلي امين
احمد عرابي الشعراوي كشك جمال عبدالناصر وام كلثوم
ولاحصر للعباقرة والمبدعين والمفكرين والوطنيين
ومعظم السودانيين في السابق نهلوا العلم من الجامعات والمدارس المصرية
ويكفي انها ذكرت 3 مرات في القران
اصلا مافي مقارنة لكن قول ممكن نتعلم منهم
هم في التهاية بشر زينا لكن عارفين حقوقهم وواجباتهم يعني اي رئيس لجنة جابوه لخدمة الحي يخدم الحي باخلاص ولو حصلت منه اي تجاوزات او تقصير يحاسب ان دعي لذلك ويسلم دوره لشخص في اقل من اسبوع الناس تعمل لخدمه الحي السكني كما للخدمة الشخصية
كما لخدمة الوطن باخلاص وتفاني

مبارك النعمه النعيم كتب:

اللهم اغفر لي عبدالوهاب دفع الله وعبدالغفور محمد نور
يا ود الماحي الفرق كبير ممكن تدريجيا تكون في مجتمعنا

سلام مبارك
تشكر على المرور
ياريت يكون تدريجيا مهما كان بطئ لكن برضو خطوة نحو التغيير للاحسن

سلام ابووضاح لك التحية وتشكر على المرور والتعليق الجاد

اقتباس :

وهذه عادة من العادات القبيحة التى ليس لها لزوم

والتي يجب على الناس محاربتها

التي ليس لها لزوم اتمنى لها الاتدوم