البنك معروف محل قروش ماشي البنك يعني سحب او إيداع غالبا معناها انت عندك قروش حلالك بلالك اوحرامك مابلالك المهم عندك قروش. يعني مرطب بالعربي حقنا لدرجة انك عايز تخت قروشك دي في مكان أمين لحين عوزة
والدور المهم جدا للبنك تنمية المنطقة وأنسانها من خلال دعمه للأفراد بالدخول معهم في مشاريع مشتركة تعود علي الجميع البنك والمواطن بالفائدة للطرفين
نستعلم لنعلم مامدي استفادة إنسان المنطقة من وجود البنك الزراعي
وهل قدم خدمات جديدة للمنطقة
ماذا قدم إنسان المنطقة للبنك للاستفادة من إمكانياته لآخر قطرة
هل فهم الإنسان العادي او الآلي أهمية وجود بنك متخصص زراعة
يعني بذور محسنة تجارب علمية تقاوي تقاوم الآفات توجيه وإرشاد
أم أننا لم نفهمه لتستفيد منه فسجنا انفسنا في عدم المعرفة القديم
أم لم يفهمنا هو كيفية الاستفادة منه فسجننا حقاً في غياهب السجون
بعد ان أغدق علينا مرابحاته التي ضيعت كثير من أهل المنطقة
فعلا لم يجبرك ولكنه يغازلك بنظرة وبسمة وسلام وكلام ولقاء
فالنظرة هي مانراه في من سبقوك ونالوا وتناولوا فلوس من البنك
والبسمة ان تري تبدل حالهم حتي لو بي ملابات جديدة
والسلام كدي انغشي ناس البنك ديل نسلم عليهم لي الله
والكلام هم بقعدوه ليك انت أبدا بس ونحن بنساعدك
واللقاء معروف وقع الأوراق والشيكات واستلم
إها وبعد داك لو انت زول شاطر ترجع راس مالهم وربحك
وإلا فالقانون الذي لا يحمي المغفلين بالمرصاد
سجن وبشتنة ورقاد واطة
ياريت نستفيد من البنك قبل الخدمات البنكية إسهام في تنمية المنطقة ومساهمة منه في صيانة المدارس والمستشفي
احتمال يخدم نحن ماعارفين عايزين تسليط الضوء
وندوات عن كيفية التعامل مع البنك والاستفادة من المرابحات بحكم تجربة البنك بدلا من الدخول في الشيكات والتأمل في الخروج

سلام عادل سكيتنا سك شديد فعلا مقصرين ف المنتدى لكن ظروووف بتعدى ومواضيعك شيقة ومهمه واديك اقتراح المدير الجديد زول كويس وبحاول من انبه الناس للجانب المشرق للبنك ولف الدكاكين والمدارس والموظفين وقدم مشاريع اعاشه جيده بقر وجداد وعجول وبناء وتلاجات وبارباح معقولة ياريت لو لقيت زول نشيط ربطكم معاهو ونشيل كل التساءؤلات دى ونخت ليهو بب كدا ف التربيذه
لكن تخريمه(دى عجبتني عن مبارك النعمه) البنك اتخايلى زى كباية القزاز الفاضية كان داير تخت فيها عصير مممكن نتيجتها معروفة ولا تملاها وسكى ودى عاقبتها ----------؟
يعنى زول داير بقرات واستلم بقرات قدام الموظف البوديهو بعد الموظف يفوت استلم القروش من التاجر شنو؟؟؟؟؟؟؟؟؟؟

سلام اخونا كباشي
حمدا لله على الظهور الانيق ونتمنى الديمومة والمواصلة لرفد المنتدى بالمعلومات المهمة
التحية لك ولكل العاملين بالبنك بمناسبة راس السنه واعياد الاستقلال
وتحية للمدير الجديد الذي يجعل من البنك اداة لخدمة الناس ومساعدتهم وان يجعل البنك صديق للكل بدلا من ان يكون عدو يخوفك بالسجن
الدور والباقي على اهلنا الطيبين في ان يعوا دورهم في كيفية التعامل
دمت بود

لك التحية حبيبنا ودخياري وفعلا البنك هو حافظ للاموال ولكن اذكر قبل كدا فتحوا لناس الهدي برنامج اغنام علي ماأذكر في البنك الزراعي والجماعه ماصدقوا وانبهلوا وفي الاخر دخلوا السجن في غنمايتين اما اصحاب القروض الكبيره ديل خليهم ساي في الشرد وفي الباع حواشتو وفي الباع بيتو أنسي بس فلابد للانسان ان يدرس المشروع جيدا وحتي لو في طريقه يضرب ارباحو او فوائده قبل بداية المشروع وبعد داك يتوكل علي الدايم

شكرا أخي عزالدين علي المرور والإضافة
نعم مفروض إمعان النظر مرتين قبل الدخول في الشيكات والتأمل في الخروج المشرف ولو دورن في ارض الخصم يعتبر نصر
حمانا الله وكفانا وإياك شر الديون كان من بنك ولا افراد

بسم الله كدي النقوم اجس بدينا حاجا للمدرسه