صحيت ليك من الظهر كدة بعد الساعه 3 بي شوية
القى ليك الحلة تجقجق والبخار طالع يعني قربت تطلع
اشوف ليم عزمي المابغباني واقف في المطبخ بتعمل في شنو ياولد
بعمل لي في مكرونة
وانت بتعرف تعملها براك ماكان تنتظر امك بتجي بعد شوية او انتظرني لما اصحى
قال لي يابابا دي حاجة بسيطة انا فتحت اليوتيوب وشفت بعملوها كيف
تخت مقدار موية معين مع اضافة ملح واول ماتغلي تكب فيها المكرونة لمده 10 الى 13 دقيقة وتنزلها
تكبها في الصحن وتكب فيها الصوص (بكون في برطمانية جاهز زي الصلصة كدة مع اختلاف الطعم)
يعني مامحتاج انتظركم انا جيعان
وكان لازم استفيد من الكمبيوتر ده
قلت ليه والله ياريت نستفيد من الكمبيوتر في الحاجات التي نعوزها في كل حياتنا فاصبح الان كل شئ سهل وميسور
وكل المعلومات في متناول اليد فبكبسة كيبورد واحدة تجيب خبر الهبوب الفي اليابان
فهلا استفدنا من الكمبيوتر في احتاجاتنا الدينية والثقافية وتعليم انفسنا العلم النافع بدلا من ال ........
عشمي

نعم استفدنا من الكمبيوتر في الحصول علي المعلومه بي سهوله وفي الوقت الذى تحدده
وفي الاتصال مع الاهل والاصدقاء
وفي تسهيل الخدمات الماليه
وفي الدراسه والبحوث العلميه
وفي التعرف علي شخصكم الكريم وشباب منتدي الهدي

تشكر يا حبيب
والله الابتوب بقي زي شنطه المصوراتي ما بفارقنا

سلام اخونا مبارك
تشكر على المرور
وفعلا الكمبيوتر سهل لينا انسياب المعلومات والمعرفة
بس ياريت نتعامل معاه بالقدر الذي يفيد
لان الكمبيوتر يعتبره البعض مضيعة للزمن وللالعاب والتسلية ومشاهدة المسلسلات والافلام فقط
تشرفنا من خلال الكمبيوتر ايضا من التعرف على شخصكم النبيل بعد ان عز اللقاء في البلد
دمت بود اخي

محمد الطيب ابراهيم كتب:

تشكر يا حبيب
والله الابتوب بقي زي شنطه المصوراتي ما بفارقنا

سلام اخونا محمد الطيب
تشكر على المرور
ازيدك من الشعر بيت وانت في شغلك ده
اكتب اي معلومة طبية في قوقل او يوتيوب يجيب ليك خبرها في دقيقة
واحتمال بطريقة تانية اسهل من المعلومة العندك ويبقى عندك زيادة معلومات في مجالك
اكتب ماهو الجديد في علاج السكر او الضغط او كيفية الغذاء المناسب للحوامل
او علاج السمنة او الصلع
يديك العجب يامحمد
عليك بفكي قوقل من غير بياض
او يوتيوب صورة وصوت
بالتوفيق

لك التحية محمد الطيب وفعلا النت ماخلا شئ بس نحن كيف نستفيد جري ورحيح يلا نعمل شنو ولك التحية ياغالي

ياريييييييييييييييييييت والله
رائك شنو لو استفدنا من النت ونعمل منو ( ثوره ) ضد الجهل والفقر وال...... ههههههه
لا لا لاااااااااااا الا الاخييره دي انا مامعاكم فيها
ههههههه

اقتباس :

رائك شنو لو استفدنا من النت ونعمل منو ( ثوره ) ضد الجهل والفقر

حسن صاقعة النجم
مااحلى صباحاتنا وانت داخل المنتدى تضيف اليه رونقا وبسمة والفة
حمدا لله على سلامة الظهور
اوع تطول الغياب وانت عارف شوقنا كم
الفرحة لاتسعنا وانت بين ظهرانينا
نعم نحن معاك في الاولى بس ومع وجود الاخت تقوى اخصائية الكمبيوتر ح نتعلم اكتر باذنه انت بس خليك قريب
اما التانية خليها لو الهلال غلب عشان تغيظ الاعادي