طبعا ياجماعه بعد صباح الخير ومساء الخير لناس فرق التوقيت
الجديد عندنا في السودان
لانو نحن شعب بنحب التجديد في كل شئ الا في (الحكومه) ههه
عشان كده اي كلمه نقولا لازم نلحقا بكلمه جديد
وحتي القري ادخلنا فيها جديد وسميناها الجديد الثوره
والحله الجديده وتمو الباقي خيال بقي
الحاجه لو مافيها جديد مابنحس ليها ليها طعم
وعشان تسوق اي بضاعه ليك لازم تقول عليها جديده
ده نحن كده
عاداتنا كده
نعمل شنو بس
الفنان في الحفله لو ماغني اغنيه جديده مافي رول بقوم يرقص ليهو
شفتو كيف نحن مسيطر علينا الجديد في كل شي الا ال....
شعب بحب الجديد مووووووووووووووووووووووووووووووت
في المواصلات الواحد يقول ليك الحافله دي ماجديده مابركبا
في هيستريا اسما جديد
يوم العيد لازم تلبس الجديد
العيد لو مافيهو هدوم جديده ما اسمو عيد
لازم تشتري حاجات جديده للبيت
لو في زول قال ليك عاوز يحكي ليك نكته
اول حاجه بتقولا ليهو انشا الله تكون جديده
في القنوات الفضائيه بنحضر القنوات الجديده بس
عشان كده قناه الجزيره كل ساعه فاتحه ليها قناه جديده
لو الواحد طلع مظاهرات سااااااااااااااااي
يقول ليك بنطالب بالتجديد
شعب غايتو ماعارف معني الكلمه ولا ماعارف يستمعلا
حيرتووووووونا والله
من الصباح اول سؤال قبل السلام
اها جديدك شنو
تقول ليهو مافي جديد .. بكشر فييك
السنه مما تبدا لحدي ماتنتهي شابكننا السنه الجديده السنه الجديده
مع انو نحن في شهر 12
الحكومه ساعه غيرت الزمن .. لحدي هسي بنقول بالتوقيت الجديد
مع انو لينا سنين عددا
كلمه جديد دي لو مسكنا فيها ما بنفكها
بنكنكش فيها
بنعصرا عصر
ماعلينا
تعالو شوف الابداع في الجديد وين
الابداع الاصلي لمن تنظمو للناس الوقت
ماتستغربو اي الوقت
مش اليوم بتقسم لصبح وظهر وعصر ومغرب وعشاء
خلاص ديل لازم تغير فيهم شويه
مامحتاج تتعب ماعليك الا تضيف كلمه جديد بعد كل كلمه
يعني تقول الصبح الجديد
العصر الجديد
المغرب الجديد وكده
طبعا لازم تبدا بالترتيب
بالبدايه بالصبح وعشان نخليها نغمه رنينيه مقبوله
نسميها الفجر
ومع اضافه كلمه جديد
تصبح الكلمه (الفجر الجديييييييييييييييييييييييد)
هههههههههههههههههههههههههههههه
تاني الواحد الا يحدد الفجر القديم ولا الجديد
زي لمن تسال زول الساعه كم
يقول ليك بالقديم ولا بالجديد
جيل البكيمونات ده لازم يحصل ليهو تجديد
جيل مابقتنع بالقديم
الفجر الجديد
وبكره يظهر لينا مغرب جديد
وما بين الفجر الجديد والفجر الكاذب معااااااااااااااااااااااااااااااني
لحدي هسي ماقادرين نحدد
هل هو كاذب ولا جديد
انا بعرف الحمل الكاذب غايتو
لكن الفجر الكاذب ده (جديييييييييييييييييييييييييييد)
ننتظر بس ونشوف فجرنا جديد ولا كاذب
وفي النهايه نحن اللي ضايعين
اذا صار كاذب ضياع واذا صار جديد اضيع
علي كل .... العاوز يعمل فجر جديد يبقي يختار صح
الكلمات الرنانه مابتنفع
العاوز يجدد يبقي يجدد ويحافظ علي سلامه الوطن

سلام ياسيد حسن ياجديد انت
والليلة برضو في الصباح الجديد ده عندنا شكل منتدى جديد
وانا عارفك قاصدو لكن بتجي بي فوق باقي انت راجل دبلوماسي حبتتين
تطلق الكل وتريد الجزء
مرحب بيك ياحسن صاقعة النجم وانت منور المنتدى بالجديد الثورة

عدووله جديدكم والله رووووعه
واهو انتو دايما معوننا علي الجديد
وربنا يخليك ويحضرنا جديد اولادك
وانشا الله يا عادل في السنه الجديده دي نشوف فجر جديد في كل شي
هههههههههههه ده انت بتحلم بقي ههههههههههه

ود المامووووووووووووووون خباراتك صحتك واحوالك
الجديد لمن يكون لاطعم له ولا رائحه اكيد بجيب فوضي ليس الا
الكلمات روعه والله ...
فقط بنطالب بجديد يعود علينا بالخير والبركه وليس جديد ياتي من عملاء الخارج