ياجماعه انا عندي زعلة بايته ليها سنين من طارق الواحد ده وحاولت اتناساها
ونسيتها بالفعل واعتبرتها من الدعاوى التي تسقط بالتقادم اوالديون الهالكة
ولكن ظهور اخونا طارق مره اخرى على سطح حياة المنتدى هيج في خاطري
زعلتي الزمااااااااااااااااااااااااااااااااانك ديك
وعشان ماتسرحوا بعيد طارق ده عندو حبة قلزنة من القلاليز ويوم السيره بتاعتو
قام وزع كروت للناس البمشوا معاهو السيره وعلى يقين انا ماشي ماشي
واليوم داك من دون الايام استحميت واتريحت والهدوم جاهزااااااااااات فوق الكرسي بس على الهبشه
واصلا انا تاني يوم من الصباح مفروض امشي الخرطوم قلت اهو سترة وصلحة
واهم شي الواحد يتعشى الظلع الماخمج حق ناس الخرطوم ويوصل مجان يوفر حق بص سرحان المكعكع ده
اتخيلوا ماجاني كرت
اسه اسوي فيه شنو الزول ده انا بعد السنين دي كلها
اطالبو بي حق البص والضلع ولا اخليه

حبيبي ياعادل ..

لسه فاكر ، جاي بعد كل السنين دي تعاتب . معليش حقك علينا . انت مفروض تشاكل ناس بلال والنور والجماعة ديل . أصلوا أنا عريس وبالي مشغول زي ماعارف . و الزول يوم عرسوا وسيرتوا بكون ماعارف العزموا منو وما عزموا منو .
بالله ملابسك مازالت مكوية وجاهزة فوق الكرسي لسه . ما إتكرفست طول السنين دي ؟

لكن ولا يهمك خروفك ( مربوط ) من هسـع .. بس ربنا يجمعنا على خير
عشان نديك حق البص بالسعر القديم داك . يعني يطلع كم ؟

على فكرة إنت ماتحاول تجي ليك عمرة بي جاي .. وتزور الرسول .

لك محبتي . اخوك طارق مامون

سلام طارق يازول طالما بدلت الضلعة بي خروف حق البص عفيناه ليك تب
تشكر على الرد السريع
وياريت لو تكرمت ومريت على التواصل والتعارف

كتر خيرك عادل وبارك الله فيك .

ماعفيت بالساهل . لأنك عارف بسعر الصرف الجديد ماح تطلع ليك حاجة .
سوف امر على التواصل إنشاء الله .

لك التحية

والله ياعادل الله اديم المحبة
زعلتك فشيتا بي خروف
بس انا زعلان منك انتا دا
كان امرق لي بجدادة منك كويس
ههههههههه