عمر البشير قال : أنا وراي رجال بياكلوا الظلط ولقد صدق : كتب: Hamad Abuidris
يا جماعة اشتروا لي فهامة ... اصلو مخي بقى تخين ... 24 سنة من حالة اللا تأقلم جعلت مني انسان غير متطور و غير مواكب عشان كدا بقيت زول ما مهم و تم تصنيفي ضمن التلتين القالوا عنهم لازم يموتوا و يبقى التلت عشان يعملوا منه شعب رسالي ...
يا جماعة توسعة شارع النيل بطول 2,400 متر و التي افتتحها رئيس الجمهورية يوم السبت 19/1/2013 بلغت تكلفته 30مليون دولار قرض قطري و بالعملة السودانية قالوا كلف 200مليار جنيه بالقديم كدي تعالوا نحسبها مع بعض و بعد داك فهموني و لزموني الجابرة :
المعطيات:
* طول الطريق =2.400كيلومتر=2,400متر= 240,000سم = 2,400,000ملم
... *تكلفة المشروع بالدولار= 30,000,000 دولار امريكي . تكلفة الكيلو متر الواحد = 12,500,500 دورلار أمريكي أي أن تكلفة المتر الواحد = 1,250 دولار أمريكي أي أن تكلفة السنتمتر الواحد = 12.50 دولار أمريكي أي أن تكلفة المليمتر الواحد =1.25 دولار أمريكي. لحدي هنا الموضوع ظابط معاي و عارف انو التكلفة مبالغة و أن اللقف شغال حتى و انت حنب القصر العتيد الله يهده و يريحنا من الجن السكنوه ديل ، الما ظابط معاي التكلفة الجنيح (الجنيه) و تعالوا احسبوها معاي و بالرغم من إني خريج محاسبة و درست الحساب على يد استاذي احمد الهادي الله يرحمه حياً و ميتاً. مش بقولوا الحساب ولد, و الله لا طلع ولد و لا طلع بت ده طلع حاجة تاني:
قالوا التكلفه بالجنيه بلغت :200,000,000,000 جنيح (جنيه) مائتين مليار جنيه بالتمام و الكمال و لا تنقص جنيه يعني سعر الدولار من4 جنيه في بنك السودان بقى:200,000,000,000جنيه على 30,000,000 دولار = 6,667جنيه في شارع النيل جنب القصر ، ده يسموه شنو؟ لقف و اللا ما لقف؟ يعني
لما الكيلومتر الواحد يكلف83,333,333,333 مليار جنيه تبقى تكلفة المتر الواحد 83,333,333 جنيه يعني السنتمتر الواحد بكلف 833,333 جنيه يعني المليمتر الواحذ بكلف 83,333 جنيه ... شارع مرصوف بالذهب...
انا عايز ابقى مقاول شوارع و كباري .... ابكي عليك يا وطني .... رصف كيلو متر واحد يكلف 12,500,000 دولار و بالسوداني 83 مليار جنيح ... هو الدولار بقى زي جنيحنا؟؟؟ جيبوا لي الزول البفتح ده خلوني افتح راسو عشان يبطل يفتح كباري للسرقة...
اخونا فتحي العاقب لمن زول يرد عليهو بعبارة (( ما عارف)) طوالي رده بيكون (( ماك عارف ...مالك بقيت ديك بطانه يبيجبوه مدلدل و يرجعوه مدلدل))
غايتو أنا ما ديك بطانه يبقى مين؟؟؟؟؟؟؟؟
توسعة شارع النيل في المسافه بين كبريي توتي والمك نمر وطولها اقل من كيلومترين ونصف بلغت تكلفتها 30 مليون دولار (مايساوي 200 مليار جنيه سوداني).
والمشروع قرض قطري .
هذا الخبر رسالة جديده لـ 95 % من السودانيين للتمرد. انهم يتلاعبون باموالكم في توسعة طريق تم انشاءه بواسطة الاستعمار قبل 100 عام، وانتم تموتون جوعاً وعطشاً .
هم في وادي وانتم في عالم آخر .. كان الله في عونكم
ليست هذه هي البشري لكم وحسب، هناك ماهو اعمق .. المشروع بقرض سيعجز السودان عن سداده في موعده وستتراكم فوائد وجزاءات القرض حتي تصبح اعلي من القرض نفسه، وستتحولوا لعبة في ايدي دول لاتعرف غير اجندتها القذره.
يستغلون حوجتهم في شراء كل ماتبقي من منشآت ليصبح السودان اسيرا لعقود من الزمن، هي لعبة الطفيليه القذره نعرفها جيدا.
توسعة شارع النيل نموذج فقط، القائمة طويله !!.
ــــــــــ

سلام شيخ مهند
جبتنا جاريين جري قلنا الحمد لله الزلط وصل الهدي
ويا فرحة ماتمت
برجع ليك بعد افوت الاحباطة دي

يا شيخ بتحسب ليه حق الزلط
في حسابات تانيه انت ما عارفها
ترحيل الفلوس من قطر الي السودان (اضرب سعر كارو الحمار من السوق لبيتكم ثم احسب المسافة من بنك قطر الوطني لشارع النيل واضرب في السعر الأول تلقي سعر الكيلو رخيص جدا)
وحق مسح الشنب (البلد دي فيها كم شنب)
تعرف يا مهند أهم شئ أن الحكومة تعمل حاجة (مش بالدين خلي القطريين يدوروا ليهم علي زول يحل دينهم)

عادل خياري كتب:

سلام شيخ مهند
جبتنا جاريين جري قلنا الحمد لله الربط وصل الهدي
ويا فرحة ماتمت
برجع ليك بعد افوت الاحباطة دي

يا ود خياري أنسي الي في بالك
وعيش الواقع وبلاش أوهام
خليك في أمريكتك
حيث الضمير الصاحي

والله فرحنا قلنا نحن في الهدي الظلط وصلنا وما عارفين
الحمد لله حفر كتيره وتراب ترعه يجيبك متريح وملابسك نظيفه ههه