حكمة سودانية قديمة متجددة ولكنها حقيقة ثابتة جدا وحقيقة لمن اضطر لاستىلاف او اقتراض مال معين
وعندما ياتي وقت سداد الدين تحصل الجقلبة خصوصا ان لم تتمكن من الوفاء والالتزام بتسديده في الوقت المحدد
وتكثر من الاعتذارات والزوغان من صاحب الدين وعدم الرد على مكالماته الهاتفية
وتكون في حالة نفسية مديونة بمبلغ معين وبكلمات اعتذار تبرر موقفك وتكون في موقف سيئ لاتحسد عليه
وعندما تقابل صاحب الدين وجها لوجه وياويلك وسواد ليلك لو قابلك قدام ناس وقام فتح ليك الموضوع او حاول ان يسمع الحاضرين
تقول الواطة تنشق وتبلعك جووووت
وبالمقابل تاتيك قروش من اخوك او صاحبك او هبة او واطة قديمة ناسيها يجي واحد يشتريها منك باكتر من مبلغ الدين نفسو
يااااااااااااه
في الحالة دي تقوم تصلي ركعتي شكر اولا
وبي وضوك داك تقوم تمشي لي صاحب الدين بي قلب قوي وتدق ليه الباب وتديه قروشو
وشوف الهم النزل منك واللحظات النفسية التي تنزل على روحك وتتنفس الصعداء وتحس كانك ملكت الدنيا وتمشي بين الناس رافعا الراس
واثق الخطوة تمشي ملكا اااه
وتحس بانك اغني انسان في الدنيا وانت خالي من الديون وتتذكر هذا المثل
فقيرا من الدين غني
واكثر من قول المصطفى صلى الله عليه وسلم
اللهم اعوذ بك من الهم والغم والعجز والكسل واعوذ بك من الدين وقهر الرجال

عادل خياري
عقب سلام
فقريا من الدين غني
فقريا فقريا ياخي ما فقيرا اتا ود راحات ولا شنو ؟
المثل دا انا حفظتو حفظ لانو كرهني حياتي
ونحن درافين صغار ننتظر يوم الصرف بفارغ الصبر عشان نلقى لينا قرشين تلاتة حمرررررر جداد
اها اجي ابوي الله يرحمه من الصرف اوزع القروش
ديل حقات ود التويم وديل حقات ود ابراس وديل حقات كمال الحلبي وديل حقات الفكي ود الفحل ...... واحت ايديهو تقوم الوالدة الله اديها العافية تطمنو بالمثل دا وتقول لينا مافي حاجة ولاتعريفة وفقريا من الدين غني
قال مبرد على التلفون قال
اها بطير وين بجيبك بالباب

ودالبوش ياحبيب كيفنك عنك طيب
ولوتعرف اللهفة والشوق والعذاب
ماكنت ورحت طولت الغياب
المحيرني كمال الحلبي الله يرحمو بتجروا منو شنو للصرف

غني ....أصبحت فقير ......أنا من الفقراء ولا أحسبني سأصبح يوما من الأغنياء لكن يقال أن تتحول من الفقر إلى الغنى أمر صعب وأن تتحول من الغنى إلى الفقر أمر أصعب منه.