سلام صديق
مواضيعك في الصميم

اقتباس :

هو ابن الهدى وايضا عضو نشط فى هذا المنتدى
السيد المحترم ابراهيم على الصادق الشهير بكباشى

الكان نشط
يا اخ كباشي الضرائب التي تتحصل من الهدى هل برجع منها دعم خدمي للمنطقة
بعد ان يتم التحصيل من مواطن الهدى
اين تذهب تلك المبالغ
وكبف توزع
وشكرا

ناس الضرائب ديل يا صديق لاحقننا في عوض العليم
ضريبه العيش
ضريبه العتب
ضريبه المواشي
وبعد ده كلو اكان مشيت قلته ليهم المدرسه وقعت في الخريف والله ما تلقي منهم حاجه
عشان كده قنعنا من دعم منهم ؟مدرستنا وقعت الخريف الفات ما ادونا مليم واحد وبي سواعد
الشباب الان بنبني في الفصل الرابع
ما ح تلقي جواب
وما ح تعرف الضرائب مشت وين





تخريمه بره الموضوع ؟ رسلت ليك رسال في الخاص ..
راجع بريدك الخاص
تقبل تحياتي

مدير الضرائب بالهدي لديه طفله طريحة الفراش بالمستشفي
ربنا يعطيها تمام الصحه والعافيه

اللهم رب الناس اذهب الباس
اللهم اشقها شفا لا يغادر سقما
كباشي ربنا يشفيها ويكون في عونكم

امين

؟؟؟

الاخ كباشي
أولا ربنا يكتب سلامة البنية ويديم عليها الصحة والعافية
نتمني دخولك الموقع لانك قلم مهم يسهم ويسلط الضو علي البقعة السوداا لتعرف وان لم يكن قلمك من يساعد في الحل فرب متصفح عنده الجواب
فعد أخي كباشي فانت مفتقد كعضو مؤسس
وعلي رأي بتول البركة كلتوم الاشتغلت نرتاح من نقة آمال
اسه تعال نرتاح من نقة صديق
ومبروك التلفون الجديد الطيارة محمد حسين

ناس المنتدى سلام وسلام حتى الرضا .الطولة مابيدنا لكن الظروف جبرتنا ليكم كل الود والاحترام .
ودالطيب ماقصر قدم العزر لكن التقصير موجود وصدقا لكلامو انا دى الوكت جيت من المستشفى ف الليل المتاخر دا ودى فرصة اصلو مساهر مساهر انسامر معاكم والملم شوية كلام امكن اجاوب ع جزء ولو بسيط ف الموضوع الحي دا

اولا التحية للخال ابووحيد دايما بعرف للمحن وابدا من النص من اخونا مبارك عشان الفهم بتلخبط من هنا قال ف عوض العليم عندهم ضريبة الزراعه والعتب والقطعان $بتاعة الزراعة بقولو عليها رسوم مستخدمى المياه يعنى موية بالقروش زى الموية بالجاز ف الشمالية ودى ناس الضرايب ماعندهم معاها شغلة ولاعلاقة ، العتب والقطعان من اختصاص الوحده الادارية المجلس سابقا وبرضو الضرايب ماعندها علاقة معاها ، الكلام دا بودينا لى فرق بين الضريبة والرسم ، الضرايب تعتبر ضريبة غير مباشرة عائدها غير مباشر تمش المالية وتخش غالبا الفصل الاول المرتبات وبتكون اتحادية او ولائية والمواطن بتجيهو لكن بى لفة ، اما الرسم او الرسوم فهى محلية بجدول وعائدها مباشر للبلد المتحصل منه وهى نسب مقسمة حسب علمى وممكن عبر المتابعة من المسوولين والشعبين تقدم تنمية كتيرة

والضريبة ف اللغة مال يؤخذ قسرا وهى مسالة بسيطة ومامعقدة ذى الناس مافاهمة وهى ع الزول العندو دخل كبير بمقدار معين وفيها عدالة كبيرة جدا وحسب تقرير المراجع العام حاليا ممكن تكون انضف مؤسسة نسبة الاختلاس فيها لاتتعدى ال١٪ وكل الون الطيف بتتساوى ف دفع الضريبة حسب دخولهم وتشمل حتى موظفي الضرايب انفسهم مرات تصل ضرايبنا قدر تاجر اجمالى ف سوق الهدى لكن مابتشعر بيها بطريقة علمية وحسابيه ساهله ومريحه ، يمكن اكون بالغت شوية لكن ف خلط كبير جدا بين الضرايب ورسوم المحليات ودا بسموهو الازدواج الضريبي .

[quote="مبارك النعمه النعيم"]ناس الضرائب ديل يا صديق لاحقننا في عوض العليم
ضريبه العيش
ضريبه العتب
ضريبه المواشي
وبعد ده كلو اكان مشيت قلته ليهم المدرسه وقعت في الخريف والله ما تلقي منهم حاجه
عشان كده قنعنا من دعم منهم ؟مدرستنا وقعت الخريف الفات ما ادونا مليم واحد وبي سواعد
الشباب الان بنبني في الفصل الرابع
ما ح تلقي جواب
وما ح تعرف الضرائب مشت وين





تخريمه بره الموضوع ؟يامبارك تتبارك الفرق بين ناس الضرايب وغيرهم من متحصلى الايرادات انو نحن ماعندنا حاجه اسمها مصروفات جبت تاشر مليون و الف و٣ قروش تورد ها بى ضبانتا مش تدى ناس عوض العليم ٥ مليون تقول اديت ١٠ ،الضرايب ايرادات فقط المالية مباشرة يعنى نحن تخصص جمع بس الطرح عندو ناسو !!! ارجو اكون وفقت ف توصيل الفهم &

يعنى ياحبيب صديق مابتوزع مباشرة من المكتب للمنطقة دافعة الضرايب عشان كدا بقولو غير مباشرة لازم تصل عبر رقم حساب معين الى وزارة المالية وهناك الوزارة بتوزعا حسب المواعين المحدده اذا تنمية او رواتب اومشروع تنمية مدرسه جامع وممكن ناس الهدى يصادف ينالم حظ ف زلط او مستشفى او تعليم فبتكون جات باللفة قروش الضرايب للهدى اما الضريبة حسب الدخل الممول والمكتب بصلو فيها حل ولازم اتعاونو بالمعلومة الصحيحة والصدق ؟وبعد شوية الناس حاتصل مرحلة التقدير الذاتى وهى انو الزول يعرف ضريبتو ويقدرا قبل ماتجيهو يعنى مرحلة الرضا من الناس ع الضرايب.

الضريبة مبنية ع اساس معلومات او ايجازي اذا انت عندك فواتيربيع وشرا وشغلك واضح فماعلى مامور الضرايب او المكتب اولجنة التقدير الا انو تاخد بالدفاتر واذا ل الحاجات دي ماعندك يبق حاتتقدر ايجازي لكن بعد س وج وتحري

والاخلاء يومئذ بعضهم لبعض عدؤ الا المتقين
صدق الله العظيم

تشكر ياخال وانشاءالله ماتخيب ظنك

نحن جاهزين اي حاجه بنعرفا بنفيدكم

والاهم ف الموضوع انو لازم نهتم بموضوع

النفايات الوحده الصحيه مهتمه بالنظافه لكن

محتاجه مجهود الشباب والشعبين من كل

الوان الطيف ف الهدى؟

الاخ كباشي
بعد التحيه
ماذكرته معلوم ولاكن القصد ان تدخل البوست وترد علينا
ليست هنالك خدمات في المرافق العامعه مقارنه بالضرائب المتحصله من المنطقه
اذا هنالك مشاريع نفذت اذكرها لنا
وواصل
[quote="كباشى خيارى"]

مبارك النعمه النعيم كتب:

ناس الضرائب ديل يا صديق لاحقننا في عوض العليم
ضريبه العيش
ضريبه العتب
ضريبه المواشي
وبعد ده كلو اكان مشيت قلته ليهم المدرسه وقعت في الخريف والله ما تلقي منهم حاجه
عشان كده قنعنا من دعم منهم ؟مدرستنا وقعت الخريف الفات ما ادونا مليم واحد وبي سواعد
الشباب الان بنبني في الفصل الرابع
ما ح تلقي جواب
وما ح تعرف الضرائب مشت وين





تخريمه بره الموضوع ؟يامبارك تتبارك الفرق بين ناس الضرايب وغيرهم من متحصلى الايرادات انو نحن ماعندنا حاجه اسمها مصروفات جبت تاشر مليون و الف و٣ قروش تورد ها بى ضبانتا مش تدى ناس عوض العليم ٥ مليون تقول اديت ١٠ ،الضرايب ايرادات فقط المالية مباشرة يعنى نحن تخصص جمع بس الطرح عندو ناسو !!! ارجو اكون وفقت ف توصيل الفهم &

الطرح ناسو منو
كباشي الوجع شديد
فاض بينا الصبر
المستشفي حدث ولا حرج
المدارس الله اكون في العون
الزلط الزلط