الاحباب الاعزاء
متعكم الله بالصحة والبسكم ثوب العافية ..
تسترجع الذاكرة ..مواقف طريفة
واخرى حزينة
وثالثة قوية
واخرى ضعيفة
تتباين المواقف
فى رحلتنا الجميلة
من فصل الى فصل
ومن مرحلة الى مرحلة
ودائما ما تطل هذه الذكريات
فنتمى ان تعيدنا الايام
الى ذلك الزمن الجميل
هنا نحاول ان نسجل
المواقف التى مررنا بها
او عايشنا من مر بها
فربما نجدفيها
بعض العبر
وبعض الدروس
فانتم مدعوون
الى هذا البوست
بكل الاريحية
وكامل الشفافية ..

فى الذاكرة
مشهد اصابة التلميذ عبد الله
وهو من الدبيبة
عندما كنا فى الصف الاول
فى مرسة الهدى الابتدائية (ا)
عندما اخطا عبد الله فى الحساب
وحاول استاذ عبد الله
ان يعقبه
بمؤخرة عود ملود كان موجود فى الفصل
فاصابه فى الراس وسال الدم
وكان عبد الله متماسما
وتم الذهاب به الى المستشفى
وتم اسعافه
استمرت علاقتى بعبد الله حتى اليوم
فالتحية
الى الاستاذ عبد الله اينما وجد
والى التلميذ الاخ عبد الله
من قرية الدبيبة

من الذكريات الجميلة ايضا
كنا بعد نهاية الحصص
نلعب كورة فى المساحة
الواقعة بين المرسة ونهاية فريق
الحلاوين كما كان يسمى فى ذلك الوقت
وكان الكباتن البشيلو الكورة
مصطفى البخيت الحسن
وعادل عبد الرحيم
الشهير بعادل ود الشايقى
وكان طلعت حسن فكى محمد
من افضل حراس المرمى رقم الاعاقة

لك التحية الحبيب ابومحمد
وأنت تعود بنا بالزمن الى الوراء .. وتجتر الذكريات الجميلة
عن المدارس وايامها البرئية الجملة
وطبعا يازيادة نحن كنا وسطكم صغار وإنتو ماشاء الله عمالقة
وطبعا دائما أنا كنت محرج جدا ..لأنو طولي ومن مثلي يحتم علينا الجلوس
في المقاعد الأمامية ..
ولا أنسى بأن هذه دائما تسبب لي الحرج
حيث تجاورك واحدة من الزميلات ..
ولاأنسى مجاورتي لواحدة من الزميلات .. وهي أشطر مني
ودائما تجيب درجات أعلى مني ..
لها التحية اينما كانت
وطبعا مشتركين الكتب مع بعض ..
ومرة كنا في الحصة في كتاب المطالعة . وفجأة جاءتها وفي غفلة منها عطسة كبيرة
تناثرت .. وتطايرت .. وشىء جاء على وشي .. وخليها على الله

سلام ابومحمد ياذكريات
طولنا من ذكرياتك ياحبوب
وماشاء الله عليك وعلى ذاكرتك بتاعة اولى ابتدائي
موضوع يبحت في الذاكرة
بنحت ونرجع ليك
حبينا نسلم ونحي فيك الابداع

ود المامون ..طلتك بهنا ليها طعم خاص جدا
وانتم ايضا كنتم عمالقة فى تعاملكم الراقى وحسن اخلاقكم
كنتم عمالقة بخدماتكم للفصل بمسح السبورة واحضار الطباشير
وكنتم عمالقة ايضا فى المرسال لاحضار ( السوط)ههههه
يظهر الاحباب العملاقة فى الصف الامامى
طارق مامون
خالد الشريف
المرحوم عبد الغفور محمد نور عليه الرحمة وله المغفرة
زاكى الدين خالد
المرحوم عبد الرحمن محمد الشيخ له الرحمة والمغفرة
الصادق احمد عيسى (الصادق حريكة)
وطبعا كان بزعل جدا واحمر عينه وانفخ نخرته وربما يكفكف ايديه هههههه رجل يمتلئ بالطيبة والابتسام
واذكر ايضا فى الصف الاول فى المتوسط
يا طارق كنتو انتو القدام ضحايا
العقاب العشوائى لاستاذ حسن حمدان
فهو يعتبر الحالة واحدة
ولو غلط اى واحد فى الفصل
يصب جام غضبه على الناس القدام
التحية للاستاذ القامة حسن حمدان
والتحية لكل ابناء دفعتى
والتحية لك ابو وضاح الحبيب

يا جماعة عشان نكون واضحين معاكم
نحن دخلنا المدرسة فى عام 1968
وكلنا الابتدائى 1973
وكملنا المتوسطة والتى كانت تسمى الثانوية العامة 1977
وكملنا المدارس الثانوية العليا فى مارس 1980 ....
دى طبعا من الذاكرة القوية
...اها الناس البعدنا معروفين
والناس البعد البعدنا معروفين
مافى زول يعمل فيها رايح

الاخ الحبيب والجار الصديق
الماحى الشيخ الحبيب كان شاطر جدا فى الرياضيات
وقد احرز ونحن فى الصف الثالث الابتدائى
اعلى الدرجات فى الامتحان
التحية له

وعلى فكرة المرحوم احمد الشيخ الحبيب الله يرحمه
كان دفعتنا فى سنة اولى بس تاخر
ونحن حصلنا الماحى فى الصف الثالث

ونحن فى الصف الثانى
جابو لينا استاذ نضيف وظريف
وشاكى البنطلون طوالى
وكان بدرسنا مادة الطبيعة
ذلك هو الاستاذ عبد الباقة عبد الله
الذى اشتهر باسم ( كت يا زول )
واحيانا ( كت يا حمار )
وكت هى اصلا اسكت
ولكنه يقوم بحزف السين
والاستاذ عبد الباقى
له ميزه غريبة جدا
فهو فى اثناء ما بيكتب فى السبورة
له حاسه قوية جدا بمعرفة
الذين يشاغبون او يتحدثون من خلفه
فكان ان يقول
فلان خليك واقف يا حمار ...
وكان له تعبير جميل جدا للناس العائدين
عندما يخطئون فيقول له
يا فلان
تاكل معانا خرفين
وما بتعرف الاجابه
التحية للاستاذ الفاضل جدا
عبد الباقى عبد الله
وهو من منطقة 77 ود اللبيح

عندما اكملت احنتوب الثانوية
دخلت معاينة لتعيين معلمين بالمرحلة المتوسطة
وتم تعيينى بمرسة الهجرة بالهدى
واذكر ان مديرها الاستاذ حسن
وعندما دخلت الصف الثانى
فى اول حصه
وجدت فى الفصل طالب
كان زميلى فى الصف الاول الابتدائى
رجل طيب جدا
ومحبوب جدا
وكانت بيننا مودة ومحبة
فكنت اتعاطف معه جدا جدا
لانه من ابناء دفعت
وهو ايضا من ابنائى
فله التحية

سلام ياجدو
لقيتك جدو بالجد لكن قلت لي

اقتباس :

وكلنا الابتدائى 1973

ماكبير شديد يعني انت اتخرجت من المتوسطة
ونحن دخلنا الابتدائي
كويس روحك شبابية لسه ياعمو
قرررر قرررر

ذكريات يا مربي الاستاذ زياده
ذكريات جميله نحن في سنه رابعه الناظر الفاضل طبعا الكتب مجان والكراسات يوم توزيع الكتب اولا يبدو بالقديمه
بتاعه العام السابق ثم الجديده للبقيه ناس الكنبه الاخيره واخونا الهادي علي زول نكته الكتاب وقع ليهو قديم وبعد ما شاف الكتب الجديده دسه كتابو في الدرج والناظر الفاضل (ابو جدوه) قال الماعندو كتاب منو الهادي رفع يده انا يا استاذ والناظر سريع البديهه ود علي كتابك وينو قال ليهو هدياهو يا استاذ تعال تعال والجدوه في الجيب بدل كتاب جديد سوط في الضهر .

الحبيب عادل خيارى
تحياتى
طوال عملت زغبير
انت بعد صديق اخوك وصديق دفعة
ود الياي وصديق خالد
اها الجماعة ديل ورانا طوالى
يعنى بكونوا دخلوا 1989
واتخرجو من الابتدائى 1974
يا عمو
ورينى انت دفعت منو
وبعد داك نشوف
بنكتب المقالة التاريخية
وتعرف موقعك منو

الحبيب ابو الطيب
خلينى اسبق الاحداث
واخت ذاكرتى فى امتحان
لو ما بخاف من الكضب
اقول انت
دفعة بنات الفاضل عمر
واذا صدق حدثى
فعندما كنتم فى الصف الثالث
كنا نحن فى الصف السادس
اها بعملية حسابية
تكون دخلت المدرسة سنة كم
اها نترك ليك الاجابة
..واضيف ليك
برضو لو ما اخاف الكضب
كان بندهك فى طابور الصباح
اخوى الحبيب
صديق المهل
مع كل تحياتى وشوقى اليه

سلام ابومحمد ياذكريات
ابو التكنلوجيا زاتو

اقتباس :

قول انت
دفعة بنات الفاضل عمر

انت قريت معانا ولا مع ناس طارق ماعرفناك زاتو
ماتخلينا نقشر شوية ونتصوغر جايئ ناطي لينا وكاشف حالنا
والله بوستك ده هيج ذكريات كانت منسية بعض منها فيه شئ من تسلط الالفة
انت عارف كان الالفة بتاعنا في سنة تالتة صديق مساعد متعه الله بالصحة والعافية
وطبعا عندو لستة بتاعة مهرجلين جاهزة كان اتكلمت كان ماتكلمت عامل تغطية لي نفسو لو الناظر جا ولقى الفصل جائط طوالي يطلع ورقتو
ومرات كتيرة الحصة فاضية ومايجي الناظر يقوم قريب نهاية الحصة يوقف المهرجلين قدام السبورة ويقول
اكفتكم ولا اوديكم الناظر
واخير كف الالفة من كف الناظر
وهاك ياكفيت بالدور يلا امشي تاخد الكف يلا امشي
وح نجيك لذكريات الحاجات ستات الفول والتسالي
تشكر يابومحمد

نحن دخلنا المدرسة فى عام 1968
وكملنا الابتدائى 1973



لمن كملتو الابتدائي انا يا داب عمري 3 سنين
من الليله نقول ليك عا عمو زياده

ياحليل زمن التعليم كان تعليم
جيل السبعينات وجيل التمانينات وبداية التسعينات وتانى زادوووه موية

حقا كان جيلا محظوظ بمعنى الكلمة على كافة الاصعدة بالذات فى الاكاديميات والبيئة الدراسية النقية
والاستاذ كان رسالى وصادق ومخلص
وكانت الجمعيات الثقافية والامسيات الادبية والدورات المدرسية
وكان جيل كما تراهم اليوم يتربعون على كثير من المجالات


نهاية التعليم بداة مع نهاية التسيعنات وتغيير السلم التعليمى

اما التعليم اليوم ركاكة فى اللغة وووو
كبر عليه اربعة لوفاته

اها يازيادة دي كتبنا مش زي بتاعتكم ديك
حمد والذهب

[ندعوك للتسجيل في المنتدى أو التعريف بنفسك لمعاينة هذه الصورة]

الحبيب مبارك غالى التحايا
نحن اتكلمنا بلغة الارقام
ما تعمل لى زى عادل خيارى تتحاوم حول الحمى
هسى بتقع فيه
اها ورينا انت دخلت المدرسة متين
امكن تضرب معاك واطلع جدو
ههههه

عملنا شكلة كبيرة قدام المدارس ونحن قى الثانوى العام
وناس اتصابت كتيرة مما ادى الى تدخل البوليس ولسؤ حظ البوليس كان بتاع الحركة
خلينا الشكلة وشاكلنا البوليس كلنا
انت قايلنا عربيات
البوليس اخد دقة ولما جا البوليس الجد جد ما لقانا
فكينا الخريت

يا حليل الطلبة البخوفوا البوليس
ويا حليل زمنهم

التلاميذ المقبولون بمدرسة الهدى الاولية
للسنة الاولى للسنة الدراسية
1968...1969
41/حيدر محمد سليمان
42/ عبد الله محمد بابكر من الدبيبة
43/احمد الشيخ الحبيب
44/ذو الكفل مهدى البشير
45/ادمو محمد احمد البشير
46/محمد احمد عبد الرحمن البشير
47/عوض رحمة المولى عجيب
48/عبدالرحمن الجبار
49/محمد فتح الرحمن
50/الهادى عبدالرحمن

الاستاذ الحبيب زياده ازاده عمرك وحببك بين الخلق وانت تنثر اجمل الذكريات
جميل ما نثرته من اسماء دفعتك وانت فريد متعك الله بالصحه والعافيه
يا صاحب الحرف الراقي

حروفك حلقت كفراشة ..

لقلمك عطر فريد

مهما بحثنا عنه سنجدة دائما

من بين سطورك واوراقك..

دمت مبدعا..
و

دمت فارسا للكلمة وللابداع..

أمدالله في عمرالأستاذ:بله محمدحسين الجعلي.
قدجلست معه بضع ساعات لمدة ثلاثة أيام /بحلة حمدببحري /لتوثيق التعليم في الهدي.ضمن فاعليات الاسبوع الثقافي لنادي الإتحاد (زمان)وقدأفادني كثيرا
أمافي الكورس الصيفي الذي كنانقيمه(برضو زمان) كتبت ذكريات عن مدراءالمدارس والمعلمين والخفراء!
نسيت ..!
لأنوزمان!!!

عفوا فاتنى ايضا
ان اذكر اسم الحبيب محمداحمد الشريف
ضمن التلاميذ المقبولين للسنة الاولى بمدرسة الهدى الاولية
للسنة الدراسية 1968.....1969والحبيب محمد رجل دائم الابتسامة
ورجل خلوق جدا وطيب جدا كانت وما زالت تربطنى به صداقة ومما زحات جملية
يعمل الان بمحطة ابحاث الضان
بالهدى وهو ابن عم الحبيب الدكتور خالد الشريف