هجرة عصافير الخريف

عدد المساهمات : 1242 تاريخ التسجيل : 27/05/2010

الهجره من الاقاليم الي العاصمه القوميه اصبحت ضروره قصوي تقتضيها متطلبات الحياه
ومن أهم الأسباب التي ساعدت على تدفق المهاجرين الي العاصمه الخرطوم
الحروب الأهلية التي تندلع بين فتره واخري في كل جزء من السودان.
هذا بالإضافة إلى عدم التوازن في التنمية الإقليمية الذي لازم البلاد والذي يمثل اهم العوامل في انتاج النزوح او الهجره الجماعيه المتصاعده والمتسارعه
الأمر الذي أدى إلى تفاقم المشكلات من اقتصادية واجتماعية وصحية.
فاصبحت الخرطوم تحتكر كل سبل العيش الكريم من تعليم وصحه وسهوله مواصلات مقارنه بباقي الولايات التي تفتقد لابسط هذه السبل فلا صحه ولا مياه ولا كهرباء في اغلب مناطق السودان
كما أن تزاحم هذا العدد الكبير من السكان على الخدمات أدى إلى تدنّ كبير في كثير من الخدمات الضرورية فاصبح السودان باكمله موجودا في العاصمه الخرطوم وماتبقي منه فقط ينتظر فرصته للهجره اليها
وقد تتضح أبعاد المشكلة إذا علمنا أن نصف هؤلاء السكان يعيشون فيما يعرف بالسكن العشوائي الذي ينتشر حول العاصمه وقد سبب هذا الوضع العشوائي مشاكل امنيه تهدد المواطن بصوره مزعجه بالاضافه للتهديده للامن القومي كلكل
فاصبحت الجريمه المنظمه وغير المنظمه تنتشر بصوره لم يعتادها الشارع السوداني من قبل ... كما ان انتشار البطالة يشكل كارثة اقتصادية كبري ..
فهل تعلم ان ثلاثة ارباع سكان العاصمة هم من الاقاليم ,
والدليل علي ذلك لاحظ هجرة المواطنين خلال الاعياد الموسمية
فالخرطوم خلال فترات العيد يكاد يعشعش فيها الطير فتصبح كالمهجوره قبل تعاد اليها الحياه مره اخري بعوده المسافرين من شتي بقاع الولايات
مالم ينصلح الحال وتتلفت الحكومه بالرجوع الي تنميه الولايات تنميه شامله كامله فان استمرار مثل هذا الوضع في المستقبل القريب قد ينزر بما لاتحمد عقباه
فقد اصبح السلاح والمخدرات والبطاله وغيرها من العادات السالبه نتيجه لهذا النزوح المبرر جدا تنتشر في كل ارجاء العاصمه
ولكن في الاتجاه المقابل نجد ان الولايات اصبحت خاويه علي عروشها وانعدمت فيها مشاريع التنميه التي تشجع علي الاستقرار.

والله من وراء القصد

اقتباس :: فاصبحت الخرطوم تحتكر كل سبل العيش الكريم من تعليم وصحه وسهوله مواصلات مقارنه بباقي الولايات التي تفتقد لابسط هذه السبل فلا صحه ولا مياه ولا كهرباء في اغلب مناطق السودان

_______________________________________________________________

سلام حسن تراوري
اصبحت العيشه طارده في الاقاليم واتفق معك لا صحه ولا تعليم وتدهور صحه البئيه نتيجة لسوء الاوضاع المعيشيه واصبح الشباب في هجره مستمره خارج السودان اكثر من داخله لكسب سبل العيش .
واصبحت المخدرات والخمور تسيطر علي عقول اغلب الشباب نتيجة البطاله لاتوجد ابسط مقومات الحياه
للانسان واصبحت ظاهرة السرقات علي عينك يا تاجر وفي العام السابق من شهر يونيو حتي ديسمبر موسم الهجره خارج السودان حوالي 66الف من خيره ابناء الوطن من اطباء واساتذة جامعات وحمله الشهادات الجامعيه
ونسال الله ان ينصلح الحال وتعود العصافير.

عدد المساهمات : 4004 تاريخ التسجيل : 25/04/2010

سلامات سيد حسن
ليك التحية ومواضيعك المهمة

اقتباس :: مالم ينصلح الحال وتتلفت الحكومه بالرجوع الي تنميه الولايات تنميه شامله كامله فان استمرار مثل هذا الوضع في المستقبل القريب قد ينزر بما لاتحمد عقباه

لو الحكومة خلت ايرادات الولايات لتعمير الولايات لكفتها
ولكن الحكومة تاخد ايراد الولايات وتجعلها خاوية الخزينة وبلا خدمات
فكيف لانسان الولايات ان يعيش في الظل ويرى غيره يتمتع بخيراته
كيف مواطن الاقاليم يرى اهل العاصمة ينعمون بكهرباء ومياه صالحة للشرب
ومستشفيات وشوارع زلط
وكمية جامعات لاتحصى
وفرص عمل رغم المحسوبية اكبر من الولايات
اقعد احرس في الولايات شنو اللهم الا كان الولايات المتحدة الامريكية ح احرسها ليكم
لكن اقعد في منطقة وانا جيت الخرطوم وكملت الجامعة امشي اشتغل شنو هناك
والاقتباس الفوق ده
انسى وعيش واقعك

الا اطلع بترول في الاقاليم بنسبه 500 الف برميل في اليوم لي كل ولايه
بعد داك نفكر نرجع السودان .الخرتوم ذاته مافي رجعه ليها؟؟؟؟؟

اقتباس :: لا اطلع بترول في الاقاليم بنسبه 500 الف برميل في اليوم لي كل ولايه
بعد داك نفكر نرجع السودان .الخرتوم ذاته مافي رجعه ليها؟؟؟؟؟

___________________________________________________________

تان تي تاه ما ديت يا مبارك
دايرنا نحلم ولاشنو يا عمي

عدد المساهمات : 3466 تاريخ التسجيل : 25/04/2010

فى حاجة غلط فينا وفى الحكومة
كسرة //
ادارة منتدانا ماعايزة تشيل الصور ولا تكبر الخط

البلد طار(ده)
إن شاءالله يطير داك.!
صباح الطير وين وين البلد ركت ...!

سلام استاذ حسن بس أقول ليك حاجه والله حياة الخرطوم جحيم ولاتطاق الريف حلو بالجد خاصه مع جبنة العصريه وشاي لبن المغربيه
ونديها لفه اقول ليك حاجه زلابية الخرطوم مسيخه

ذكرت اس المشاكل
في السودان
سؤ توزيع
الخدمات
سلاااااااامات
ياااااااااحسن

» عصافير الخريف
» عووووووووووك الخريف
» حل مشكلة التصريف..فى الخريف...

هجرة عصافير الخريف

هجرة عصافير الخريف

مواضيع مماثلة

مواضيع مماثلة