تشكر حبيبنا المضوى على التوضيح

المعلومة التى تصحح للمواطن معرفة حقوقه

لكى لايجد اصحاب الاطماع الشخصية فرصة لاكل اموال الناس ظلما

لابد لمواطن المنطقة ان يتعرف على مايدور حوله وتكون هنالك توعية بذلك

ولابد ان يكون عمل اللجنة فى الضوء ويكون هنالك اعلام فى المساجد والموسسات وان توضح اللجنة كل خطوة مقدمة عليها لكى تبعد عن نفسها الشبهة والشكوك ومن اتقى الشبهات فقد استبرا ووالظلم ظلمات يوم القيامة

لك التحية
الحبيب مهند الامين
نحن ننتظر
ردود الاخوة
المفروض ان يكون العاملين
لاستخراج الرقم الوطني
جميعهم يتبعون للسجل المدني
ولا يتبعون للجان الشعبية
علي حسب فهمي البسيط
اي انهم شرطة لا غير
ولا ما كده

سلام استاذ مضوي صاحب القلم المصادم
حمدا لله على سلامة الطلة ومرحب بيك وبمواضيعك الهادفة التي تصب في مصلحة وتنبيه المواطنين لما لهم من حقوق والعاجبني في مواضيعك دغري لا لبس فيها ولا تلميح ولا تجريح لاحد
اتمنى ان يكون هناك توضيح من اعضاء اللجنة المنوط بها هذا العمل حتى يعلم مواطن الهدى ماله وماعليه حتى لايتهم احد زورا وبهتانا او يظلم احد جورا وظلما لذا يجب التوضيح لصالح المواطن ولصالح اللجنة
ويجب على المواطن الا يسكت عن السؤال والاستفسار عن تلك المبالغ التي يدفعها من عرق جبينه ومن قوت اولاده اهي دُفِعت بوجه حق ام من غير حق
انت عارف انا شخصيا مريت بموقف استهبالي في مطار القاهرة وانا جائي من الكويت على القاهرة وبعد مامريت بكل الاجراءات من تفتيش وجوازات وانا طالع من الصالة في بوابة الخروج موجود عسكري قال لي هات القواز بتاعك يابيه
اتفضل ده الجواز بتاعي
قال لي انت قائي من فين
قلت ليه من الكويت
طيب ياعم هات 10 جنية
ليه ادفع ليك عشرة جنيه
ده النظام كدة يابيه لازم تدفع 10 قنيه عشان تخرج
والله يامضوي زعلت ليك من العسكري وقلت انت بتستهبل ولا شنو انت فاكر الناس دي مابتعرف
ماحصلت قبل كدة كيف انا بعد ماخلصت كل الاجراءات ادفع فلوس ليه
قلت ليه طيب انا ح اروح للضابط اللي عمل لي الخروج واسألو كيف يعمل لي خروج وادفع فلوس هنا انت خليك هنا انا رايح للضابط المسؤل
والله تشوف صاحبك خاف كيف قال لا لا ياشيخ تعال خلاص روح روح
ما يستفاد من هذا الموقف
ماتدفع فلوس من غير ماتعرف السبب
لازم تطالب وتسأل من حقك والا ضاع عليك
في امكانية اي مواطن شريف يمشي يستفسر من الجهة المعنية لمعرفة حقيقة هذه المبالغ المدفوعه
والله من وراء القصد

الرقم الوطني الحكومه عاملاهو مجاااااااااااااااااانا الا رسوم استخراج البطاقه فقط

عادل خياري كتب:

ما يستفاد من هذا الموقف
ماتدفع فلوس من غير ماتعرف السبب
لازم تطالب وتسأل من حقك والا ضاع عليك
في امكانية اي مواطن شريف يمشي يستفسر من الجهة المعنية لمعرفة حقيقة هذه المبالغ المدفوعه
والله من وراء القصد

لك التحية
الاخ عادل خياري
دا المطلوب
ان نعرف حقوقنا
وكمان
واجباتنا
تجاه البلد
وتسلم

حسن اسماعيل كتب:

الرقم الوطني الحكومه عاملاهو مجاااااااااااااااااانا الا رسوم استخراج البطاقه فقط

مظبــــــــــــــــــــــــــــــــــــــــــــــوط
ياحسن

تم استخراج 6 الف رقم بي 12 الف
يعني بالرياضيات كدي النشوف اخرتها
6000×12000=72000000ج
يمكن ان تبني اربعة فصول
لمدرسة حي الصفاء
ولا ما كده يا محمدالطيب

اقتباس :

يمكن ان تبني اربعة فصول
لمدرسة حي الصفاء
ولا ما كده يا محمدالطيب

_________________________________________________

دي تبني حله يا استاذ لكن التماسيح ديل بخلوها
كان كان كان قلنا خدمات ويني الخدمات الا رحم الله الوطن الذي اصبح رقمه تجاره الله يستر من ان يتاجرو بينا
تيم الرقم الوطني معروف من توزيعهم علي المناطق كل ضابط والتيم التابع له لديهم نثريات كامله من اكل وشرب وايجار السكن .

[quote="محمد الطيب ابراهيم"]

اقتباس :

تيم الرقم الوطني معروف من توزيعهم علي المناطق كل ضابط والتيم التابع له لديهم نثريات كامله من اكل وشرب وايجار السكن .

الله يستر
من ناس
ديل
لازم تعرفوا من وين عليك
والحق في ساحة مجزرة
والنصر للفاس
ياريت لو كان استخراج الرقم الوطني رسومه تذهب خدمات
كان ندفع اكثر من ذلك
بس نشوف حاجة
للهدي
ما بتكون هناك وجعة
فليصح الكل

مين المسعول غى الهدى عن الموضوع دة ؟
زلماذا لا يذهب له زول فى مكتبه ويستفسر منه ويكلمنا بى رده ؟
الموضوع خطير جدا وعايز من الناس الموجودة فى الهدى شوية حركة وستكون تاريخية
لا تسكتوا عن الحق
واتمنى ان يطرخ هذا الموضوع فى صلاة الجمعة وفى الجامع الذى يذهب له المسئول عن جباية هذه الاموال
أقسم بالله لو قاعد فى الهدى لقطعت لى الامام خطبته وفتحت الموضوع دة وما اطلع من الجامع ولا اخلى واحد من المصليين يطلع الا يرد علينا المسئؤل ختى لو فيها موتى
الهدى كلها قدر شنة عشان الناس تخاف ما تونق المسئلين فيها
التحية لك استاذ مضوى ولو تميت جميلك ومشيت للزول دة فى المكتب ستكون بطل قومى باذن الله وتعلم الناس الجبنناء ان لا غضاضة فى السؤال

لك التحية استاذ مضوي قلة الشغله يااخي مضوي بتعمل اكثر من كده ديل عزبونا الله يعذبهم بس انتظر ليهم يوم وديل اصلا أكل الحرام اتعودوا عليهو طبعا اكيد دفعوا لناس الرقم الوطني حق الاكل الدسم وبكشيش وناموا بالباقي وناس اللجان بعتبروا قدموا خدمة للهدي لكن والله ديل دمروا الهدي الله يدمرهم ونشوف فيهم يوم وحقنا بنشوفوا في الدنيا دي قبل الممات

تاني يا استاذ مضوي
مصدر جديد اسمو التغليف بعد ما يسلموك الدباجه
يا حليل عم الطاهر المخزنجي كان يمرك الرقم 52في شوالات المكتب كلو مجان

اخي صديق انا معك بس اقول ليك انت كفرد من الهدي لايخدم غرض لانو لو مشيت اي جهه مسئوله حيقولو ليك انت بصفتك شنو وابسط شئ حيقولو ليك امشي اشتكي طيب انا بقول الدور يقع علي أئمة المساجد زي ماقلت قبل كده اخي صديق انا اتمني الناس في من ائمة مساجد ومعلمين ومواطنين يذهبوا المحليه ويجلسوا مع ضابط المحلية وان غض الطرف عنهم يذهبوا المناقل ومنها الولايه ومنها الخرطوم وبعدها احتجاجات ومظاهرات وبعدها احسن ندمر الظالمين ديل بكل السبل اما اللجان تاني انسوها ديل مافي رجاء منهم الله لاوفقهم دنيا واخره

رجاءاً يا اخواني وزملائي الإنتباه لكل ما يدور حولنا ونوضح لمن لايعرف ... لكيلا تذهب هذه الاموال ليستفيد منها شخص واحد ، يجب ان تذهب هذه الاموال للخدمات العامة كالمراكز الصحية ورياض الاطفال ومراكز الشباب

مصدر اخر
ذكر ان الارقام التي تم استخراجها
7000 الف رقم امسك الحساب
7000×12000=84000000
اربعة وثمانون مليون جنيه
يعني يا محمد طيب بتبني كم فصل
لمدرسة حي الصفاء

عزالدين حسن محمد كتب:

اخي صديق انا معك بس اقول ليك انت كفرد من الهدي لايخدم غرض لانو لو مشيت اي جهه مسئوله حيقولو ليك انت بصفتك شنو وابسط شئ حيقولو ليك امشي اشتكي طيب انا بقول الدور يقع علي أئمة المساجد زي ماقلت قبل كده اخي صديق انا اتمني الناس في من ائمة مساجد ومعلمين ومواطنين يذهبوا المحليه ويجلسوا مع ضابط المحلية وان غض الطرف عنهم يذهبوا المناقل ومنها الولايه ومنها الخرطوم وبعدها احتجاجات ومظاهرات وبعدها احسن ندمر الظالمين ديل بكل السبل اما اللجان تاني انسوها ديل مافي رجاء منهم الله لاوفقهم دنيا واخره

الأخ عز الدين
دى المشكلة ذاتها منو البقدر يقول ليك بصفتك شنو ؟
وتانيا بصفتى مواطن وبسأل عن حقه ...
وتالتا لمن تقفل باب الجامع وما تخلى زول يطلع الا يجاوبوا ليك على السؤال دة احسن من المظاهرات ذاتها
ورابعا لمن تزنق المسئؤل قى بيت الله الناس كلها بتقيف معاك لأنك بتتكلم فى صالحهم
وبعدين السكوت لى متين ؟
عايزين تسكتوا أسكتوا انتو اخرار لكن انا لو فاعد على اليمين ما أسكت
وشباب الهدى لو زنق المسعول دة بكرة بتشوف نتيجة كلامى دة
لكن نحن عندنا جبن لا يعلم مداه الا الله

مصدر اخر
ذكر ان هنالك ارقام تستخرج
لغير السودانيين بواقع 150-200ج
بالله شوووووووووف
كيف يذهب الناس
من اجل المال
عزانا الوحيد
اننا سوف نعري
هؤلاء في هذه المساحة
لانه اليوم لا يمكن
محاسبة الفاسدين
يمكن ان يتم تحفيزهم
علي هذه الاحترافية

والله يااخي نحن في سبيل الهدي ممكن نضحي باروحنا اخي مضوي وليس هناك جبن لانو صبرنا كثير خلاص كفايه كده وانا اقصد من كلامي مافي قانون برجع ليك حقك والساكت عن الحق شيطان أخرس بس لانو الهدي مستهدفه من زمن وبلد ليها تاريخ لكن اندثر بالطيبه ودا عمي ودعمي واخوي وكل اللجان بالهدي تعينها بالترضيات وانا كنت في لجنة حي البان ايام السكر والرغيف بالتومين وكنت بحتج علي اي لجنه بالحي غير صالحه وحاكتب ليك الموضوع دا بالتفصيل لحالو اخي