جدى النعيم ود العباس ود عبدالرحيم
زول طويل بلحيل عملاق خلاس ..مابتكلم كتير .. هادي ورزين
صوتوا اجش رخيــم ..
تلفاه دائما في عصرا كبيــر ..
قدام دكانو قاعد في هبابي صغير ..
جنبو مصلاتو ،، ابريقوا في أيدو سبحة ، وحنكولوا ،، وجنبو حبات حصى صغير ..

اصلوا كان وقعت هو بحلقكك .. وبرفعك ، وكان أكلت الطين بموس بفصدك ..
وكان غلطت وجابوك ليهو يدخل اضانك بين الحصى ويقرصك .. قرصة تتوبك
ها المطموس بتسوى كدى تاني ..
لالا والله تبت ياجدي ،، مابسويها تاني ..