انه العالم الساحر ..
أدهشني بجماله وسرعة تواصلوا
الحاجات دي جديدة عليّ طبعا .. لأني متخلف رغم أن الزوجة والأولاد سبقوني بسنين ضوئية في هذا المجال ..
فقلت ألحق نفسي أشوف العالم المدهش .. وإتفتحت أمامي مواقع ..مواقع ثقافية .. وأخري سياسية .. وأخري دين ودنيا .. وأبناء عمومة ..
وماقل ودل .. غايتو عالم تسرح وتمرح .. وكل يدعوك لإستضافته والدخول فيه
عالم ساحر جميل حقا .. لايكات .. وكمونتات .. وصور آخاذة .. تسحرك بجمالها ودردشات وونسات
وفي خضم هذه الزخم .. وجدت نفسي أبتعد شيئا فشيئا عن منتادانا الحبيب ..
وأعلم تماما بأن المنتدى .. هو الحوش الكبير والبيت الكبير لابد من الرجوع اليه مهما طل الترحال والسفر
اقدم جليل إعتذاري لغيابي .. وأعدكم بأنه سوف لن يتكرر مثل هذا الغياب
تحياتي لكم جميعا ...

لك التحية
الاخ طارق المامون البشري
فياااااامرحب
وكل الامنيات
ويااااامرحي

لك التحية الحبيب طارق طالما الغياب بفائدة لاضرر في ذلك فانت دوما من مبدعي هذا المنتدي يارائع

سلام ابووضاح
جيتا جيت
وح نعمل ليك سلطة اسود
مع شطة وطماطم لفتح الشهية

والله يا طارق لمن اخش فى الفيس ود الذين دة وأشوف كميات من اولاد الهدى بيتفشخروا بى غادى وسايبين المنتدى بحس بحرقة واتخيل نفسى انا لو كنت مدينة الهدى وام لكل هؤلاء لدخلوا النار عدم عفو بس منى
والله فى ناس مفتكرة الفيس اهم وانا فى رأئى هروب من المنتدى ويا حسرة على بعض ابناء الهدى الذين غرهم الفيس ونسوا الهدى وتنكروا لها

تحياتي لك يا ابو وضاح
انت من اعمدة المنتدى ومن غيرك ناقص بهارات.
تعريجه
يالاخ عادل زول ده ما قال ليك بقي اسفيري شنو صلطة الاسود دي. خليك مع مكرونة تسابيح خاطر.