من الطرائف التي تروي عن قرية نائية أن لصا استطاع
أن يرتكب يوميا سرقة كبيرة ولم تسلم حتي معزات ودجاج
الحلة منه فقرر الشباب ان يرابطوا لتنتهي أسطورة
اللص الغريب وبالفعل تمكنوا من ضبطه وضربوا الكوراك
فخرج رجل من الصياح من منزله وهو يحمل عصا وكان
يرتدي ملابسه الداخليه فقط وبعد القبض علي الحرامي
قرروا تسليمه للشرطة ولم يكن صاحبنا علي درايه بحاله
فنبهه احد الشباب ياعمنا لو داير تمشي معانا البوليس
امش البس ليك حاجه وتعال وبالفعل دخل الرجل منزله
وخرج وهو يربط في عمامته وبملابسه الداخلية .

سلام عزالدين
عمك ده سرقو هدومو كلها ولا شنو
الله يكفينا شر الحرامية
الدنيا ليل عندنا نقوم نقفل الباب ده
تشكر ياحبيب

لك التحية اخي عادل عمك دا ناسي نفسو ومتحمس

تلاته مشهورين بسرقه الكفن ينتظرو الميت من ساعه دفنه وينبشو القبر ويسرقو الكفن
واحد منهم ابوه مات وجاء المقابر ولقي القبر منبوش وطوالي مشي للقاضي قال ليهو فلان وفلان سرقو كفن ابويه . واحضرو الي المحكمه وسالهم القاضي وانكرو السرقه وقال ليهم تحلفو انو ما سرقتو واجابو نعم نحلف صاحبهم قال ليهو لا يا مولانا قوليهم انشاء الله كان ما سرقناهو نبقي قضاه القاضي اندهش ليه قال ليهو والله يوم جينا نسرق كفن قاضي لقيناهو ليك اعوذ بالله . القاضي خطي قلمو وطلع ولم يعد الي المحكمه مره اخري.