الملاحظ ارتفاع سن الزواج للجنسين على حد سواء
وكل ذلك مرجعه الى ارتفاع تكاليف الزواج والمباهاة والمحاكاة في اعراس الاخرين
دون مراعاة ظروف كل انسان واصبحت البنت بايعاز من امها
ليه انت اقل من بت فلانة في شنو خليه يجيب ليك كم وكمين وشيلة كدة ومهر كم وكمين
والشنطة فيها وفيها
مما يسقط في يد الشاب الذي لاحول له ولاقوة بكل هذه الطلبات المرهقة والمكلفة ويضطره الى تاجيل
الزواج مرارا هذا ان لم يغير رايه في الزواج من يده
اما البنت المسكينة المغلوبة على امرها ستكون حالتها
هكذا بعد فوات الاوان

[ندعوك للتسجيل في المنتدى أو التعريف بنفسك لمعاينة هذه الصورة]

من موقع النيلين
اها ياالامهات اسه الاولاد بقوا ههم البطالبوا يكون عندكم قروش رايكم شنو ده كلامي

اقتباس :

PM
ربما مثل (الزواج) اليوم هاجساً للكثير من الشباب وجعل الغالبية العظمى منهم يصرفون النظر عنه ربما لأسباب اقتصادية تعاني منها البلاد ككل، إلى جانب نظرة بعضهم إلى الموضوع باعتبارا أنه (مجازفة) غير مأمونة العواقب، إضافة الى نهج الكثير من (العزابة) في التفصيل للموضوع لاعتبارات أبرزها أن (الواحد ماقادر يشيل نفسو..يقوم يجيب ليهو شيلة تانية)، وبين هذا وذاك برزت الكثير من المطالبات للشباب بضرورة الارتباط ربما بفتاة (تسند) الزوج، وتمتلك المقدرة على دعمه (مادياً) في الحياة، وذلك على طريقة الأغنية الشهيرة : (ابني عشك ياقماري..قشة قشة).
شريك قادر:
الطالب الجامعي (ابراهيم حسين) أطلق ضحكة قصيرة عندما سمع الموضوع قبل أن يقول وبسرعة: (يا اخوانا انتو يادوب اكتشفتوا الحاجة دي) ويضيف: (أنا شخصياً لن أتزوج إلا بفتاة وضعها المالي ممتاز وليس جيد، وذلك لأن الزمن بصراحة صار يحتاج لشريك قادر على إدارة البيت معك).
خمسينية وكدا:
وعلى ذات السياق يضيف (عمر التوم) أعمال حرة أن الظروف والوضع الاقتصادي الراهن يحتم على الشاب البحث عن شريكة حياة تسنده وتمتلك المقدرة على الصبر عليه الى جانب دعمه، وقال: (لدي صديق يبحث منذ سنوات عن مثل هذا الخيار ولم يجد حتى الآن)، ويضحك قبل أن يضيف: (صديقي هذا كان يشترط أن يكون سن زوجته في العشرينات وبعد سنوات تحول للثلاثينات والآن ربما لا يمانع في الخمسينات إن توفرت فيها الشروط المادية التى ينشدها).

لك التحية ودخياري ربنا يسهل الحاله بقت صعبه خلاص

فى مصر بس حالة طلاق كل 9 دقائق

الحبوب عادل
دي زاتو الجاب البوره نقه ام العروس والله فلانه ديك جابو ليها كدا وكدا
قال ليكم بنتي بايره ليكم .
والمسكينه ما عارفه حاجه تغني ساي
تعال بالعندك ابوي بسندك
تعال بي قميصك ابوي بعيشك
يالله تجيب الزول انا يامي الزول انا براي بجيب الزول انا
وما عارفا امها خربت عليها احلامها .

صديق الماحي كتب:

فى مصر بس حالة طلاق كل 9 دقائق

سلام ودالماحي
خليهم يعرسوا اول حاجة بعدين الاجاويد والواسطة وكمان لو بقى فيها عيال
بستمروا
بس عرسوا

عزالدين حسن محمد كتب:

لك التحية ودخياري ربنا يسهل الحاله بقت صعبه خلاص

سلام عزالدين
اي نعم الحالة صعبة
لكن اقلهن مهرا اكثرهن بركة دي موجودة لكن بس الناس مصعبة الموضوع
ربنا يوفق

اقتباس :

لكن اقلهن مهرا اكثرهن بركة

_________________________________________

للكن بعدين النقه بتكتر