معليش غبنا شويه...ومشتاقين طبعا..
الان باكل في زلابيه اقصد لقمات..
رأيت الفرق بين الزلابيه واللقيمات الاتي:
الزلابيه من دقيق فيني او فيك!
اما اللقيمات من دقيق استرالي او استرالك..

سلام حبيبنا ودعكاشه الهواء ضربك اللقيمات فارقتها فراق الطريفي لجملو اركز بس بعد دا اي واحد اقول ليهو الصادق جاء السعودية ماصدق لك التحية ياغالي .

سلام يا عكاشة
حمدا لله علي السلامة. بالجية
لو كلمتنا باللقيمات دي كان عملنا ليها شاي بي لبن كارب
أو كلمتنا بالزلابية برضو ح نعمل ليها شاي لكن سادة مقنن
تحياتي لك اين ماكنت عزيزي

الاخ الصادق
شنو مرة لقيمات ومرة شاي لبن، شكلك اتعصرت بقيت تفتش ليك لاجواء سودانية تنسيك الغربة، قالوا الجماعة الصعوبه كلها في العشرين سنة السنة الاولى الباقيه ديك بتمر بسهولة، اركز.

الاستاذ الصادق : الصادق و لا تصادق غير الصادق
ذكرتنا بالايام الجميلة و الشاي المسائي الجميل (قدام باب حوشكم ) او المنتزه
و الشلة التي تلتقي يوميا و ان اختلفت الاوجه بتغير الظروف
كان كل شئ عندنا جميل حتي عدم الشي نفسه يجمعنا
الذلابيه و اللقيمات و غيرهن من بنات (نعش)
والحياة ما زالت جميلة لكن لن نجد من يزين هذا الجمال حولنا
..............................
و نتلاقي تاني و نعففف الغنماية و نشرب الشاي و نردد تاني :
يعيش الحاج مكي . .

ياود عكاشه والله جبت لينا زول طول غيابو اخونا صلاح يازول كنت وين حبابك

اتو الصادق دة جدع البوست دة ومشى ولا شنو كم رد ومارجع تانى لمن اللقيمات ذاتها بردت ولا الكفيل مطلع عينو