رواد المنتدى الاعزاء
تحيةً واحتراماً
شاهدت في الاسبوع الفايت مباراة فرق بايرميونخ ودوتموند ضد العملاقين برشلونة و ريال مدريد.
ينتابني احساس غريب عندما ارى فرحة الجماهير عند كل هدف.
سألت نفسي ليه ما يكون فريق زي ده يديني احساس بالزهو بانك انت بتنتمي ليه ويفرحني دائماً.
بالمعنى البسيط داير اكون مشجع محترف بدل انا حاصر نفسي في التعوس و خايب الرجاء( الهلال و المريخ )اللذين اشبعونا احزاناً و امراضاً.
ليه اشجع فرق تخوفك قبل المباراة لكنها بتاكد ليك بان خوفك في محله بعد المبارة وتخليك تنوم بدون عشاء.
ليه اشجع لي فريق بتطور الى الوراء، يلعب في النهائي والعام البعده يخرج من ال32 من افقر الفرقونفس اللعيبة.
ليه اشجع لي فرق ما عندها احساس بالمسؤولية تجاه مشجعيها البموتوا عشانها.
ده زمن الاحتراف اشوف لي فريق بيعمل حساب لجمهوره.

سلام ياحارسنا ويافارسنا
والله انت لسه فعلا راجل طيب
انت لسه بتشجع حاجة اسمها هلال مريخ ممكن تتابع اخبارهم زيهم وزي
ينوي ضابط مدينة الله ادانا بالتصديق بطاحونة في الحي الغربي
وعلى كل متضرر التقدم بشكوي في مده لاتتجاوز الشهر من تاريخ هذا الاعلان
لكن ماتحرق دمك
خليك في باير ميونخ حقك ده
نسيت اسلم عليك
تحياتي

لك التحية عملاق وحارس منتخب الهدي زمنكم ولي وانتهي ولن يعود ياخي ماتعمل لنفسك ضغط ساي انسي هلال مريخ وشجع مصارعة اهلنا بالحاج يوسف احسن والله من وجع القلب دا انا لما اقول قدم بس بطني بطم بس يااخوي ماتطول الغيبة اطال الله عمرك

اسأل نفسك بينك وبينها بى اصرار

alhadi mohd yahya كتب:

رواد المنتدى الاعزاء
تحيةً واحتراماً.
ده زمن الاحتراف اشوف لي فريق بيعمل حساب لجمهوره.

بالعملة المحلية ولا دولار ههههههههههها

الهادي تحياتي ..
دي حاجاتنا .. ودي أشياءنا .. والله غالـــــــــب .