نعم سأحكيها وليس من الخيال بل واقع
عايشناه ونحن صغار الوالده ربنا يطول في
عمر اعطت الخال محمداحمدالحلاوي 50
قرش لشراء غنمايه حتي نرتوي من لبنها
وذهب الخال الي السوق وتم شرائها من
عمنا امام ودابوشنب ويقولن انها سلاله
امريكية وكانت تلد ثلاثه في كل ولده وكان
نشرب لبنها صباح ومساء يعني انتاج حقيقي
وكان حجمها كبير وفي الطول ايضا طويله
المهم كل مانربطها كانت تقطع الحبل مهما
كانت متانته يعني ريحتنا في شرب اللبن
بس عذبتنا مع الجيران والبدايه كانت بالبيت
اولا نقفل باب المطبخ بالمفتاح كالون بس
بنترك المفتاح علي الباب وكالعادة لاستخداف
المطبخ علي طول كانت والله ياجماعه بدخل
قرنها في فتحة الفتاح وتقضي علي الاخضر
واليابس عجين خماره ودقيق ومابجيها اي
شئ كانو بطنها مصفحه وطبعا بعد داك
قبلت علي الجيران تدفر باب حوش الجيران
برائسها ولو كان مقفول من الداخل بترباس
تدفر الباب لما يفتح معاها وتتوجه علي
المطبخ يعني ليها اساليب لصوص بالجد
والشكوي تجي من الجيران بعد مرات
الوالده البجي يشكي ليها تديهو كورة دقيق
وحبة عجين مر من الخماره وطبعا اساليب
غنمايتنا دي عرفناها من تصرفاتها في بيتنا
تجي من الراعي وتدق باب الحوش برأسها
كانو ضيف وفي الاخر نجدها غنمايتنا
المهم واحد من الجيران اتسلط عليها
وسمموها وارتحوا من شرها

بي اي ذنب قتلت
لن ترتكب جريمه عقابها الموت
لن تقتل احد
لماذ حكم عيها بالاعدام
كان من الممكن ان يذبحها وتكون حلال للجميع
فقتلها وحرمكم من دررها وحرام عليه فعل ذلك
عليه بالاستقفار
اجبر الله كسركم وعوضكم الله غيرها

ههههه لك التحية اخي مبارك زمن ولي وانتهي الظاهر انها عذبتهم وجوعتهم

يا عزو مساء الخير

الغنماية الشليقة دى ما كان تودوها لود المبارك كان بجيها ليكم .....

والله تمسك الدرب عدييييييل وتشرط جوازا الامريكى وتطلع رقم وطنى سودانى ....

لك التحية الاخ وليد دي حيرتنا بتحرك المفتاح بقرنها لفتح واصلا كنا بنسرحها مع ودالمبارك بس ماجاب فيها خبر

سلام عزالدين ياعجوز
غنماية بي 50 قرش ياخي بالغت
غنماية مدربة على السطو المسلح
ياخوي المرحومة دي غنماية ولاكلب بوليسي
على كل الجاتك في غنمايتك سامحتك

تحياتي لك ودخياري مااعجز منك الاتكون اصغر من ياسر واشكرك علي المرور ياغالي

تحيلتي عز الدين
غنماية مميزة كان تودوها مركز شباب عشان تستفيدوا من امكانياتها دي.
اخونا عادل خياري
شنو العنصريه دي مما قالوا غنماية امريكية تداخلت.

ممكن نقول دي غنمايه ف الذاكرة
صنعت تاريخ بنفسها وبقت حكايه
وكتير غنم مشهورات بقصص
وحكايات بالذات مع قلوة
البن

وياعزالدين ف ناس عندهم حكايات
مع الكلاب واي زول عندو كديسه
صاح ول ما صاح

تحياتي الاخ الهادي ودمت ياغالي الا مركز شباب الربيع طبعا عمنا عبدالرحمن خياري ربنا يطول في عمرو برضو كان مشارك في شرائها

تحياتي اخي كباشي وربنا يكرمك ياغالي تحياتي للاهل جميعا

بس ياكباشي الكلاب دي حكايه وبالذات كلب عمنا حسين اليماني اتعبنا شديد انسي بس

الغنمايه دي ممكن تدفتر باب البيت الابيض...وتخش ولا حقاره بالابواب السودانيه...؟

الامريكان ديل غنمهم حقارات
لذلك تم استهداف هذه الغنماية
والقاعدة تعلن انها قامت بالاستهداف

تحياتي استاذ الصادق وتحياتي استاذ عوض خياري داشنو ياناس