في سنه2000 بوم 3 من شهر 6 ونحن على عتبات التخرج من الجامعه قال لي زميل هس بعد ما نتخرج نمشي وين ما احسن لينا السجن ده ؟! قلت له اي حته ... !
وحينما دخلت الي الداخليه خرجت هذه القصيده .
عاوز اسافر اي حته
ما البلد بي ضاقت
وانا من نيرانا ضقت
عاوز اسافر عاوز اهاجر
من ديار ما بحترم شخصي حتى
ما هي عارفه وهي داريه
فيها عشت واتولدته
كنت دايما ليها بعمل
وليها كم عانيت سهرته
ما اصلي بحب دياري
واجمل من دياري ماني عارف
وما عرفته
وما سمعته
زولا ساب ديارو
حاشى تب ما سمعته
الا انك يا دياري بقيتي ظالمه
وبقيتي قاسيه في شهر( سته )...!

هسسسسس سسسس سسسس

سلام ياعكاشة
لك التحية وانت تبدع في كل كلماتك التي تخطها

اقتباس :

عاوز اسافر اي حته

صادفت يامين
تراكا سافرت

اي حته دي خاشه فيها امريكا...ان شاء الله برضو تصادف ياميييييييييين ...
لك التحيه ....كل النحيه.

لك التحيه اخى عادل وانت تؤكد لنا حبك وولاءك للوطن رغم الصعاب حاولت الهجره فى الخيال وانت تتدفق طموحاً فى ريعان الشباب ولكن الواقع اكد لك حب التراب .. وبعد ذلك وللاسف تحركت عجلة الزمان فاصبح المكان لا يطاق فلزمتك هجرة التعسف فضربت بالوطن عرض الجدران .. ولكن مازال الحنين فيك ينبض وانك خيار من خيار فيا حفظك الله ورعاك

ابداع يا استاذ .. لكن بيني وبينك ما ندمت على السفر

الغريب عن وطنو مهما طال غيابو مصيرو يجيب مصاريفو لاهلو واولادو