حينما كنا صغار نستخدم مفرده (حندوكه) تعبيرا عن .....(انتو عارفين المعني مافي داعي للجرره)
المهم انا لي زمن لم اسمع بها ....ومتمني اقولها لكن ما عندي الشي البحندك بيه واحندك منو ؟!
ورايت فيها نوع من الانانبه ...لكن براءة الطفوله ...وشقاوتها حللت تلك الانانيه.
لذلك لو وجدت الشي البحندك بيه تىفض الاخلاق.. !
والطفوله لا تخضع لقوانين الاخلاق...!
يكون ده السبب في جمال الطفوله...!
ما في مسؤلية..!
مافي حساب...!
مافي معايير اخلاقيه...!
وكل تلك الاشياء جميله..اذن فالنسحب تلك الاشياء الجميله لكي تصبح الدنياء جميله ونبطل البكاء علي ألطفوله(ونحندك) الناس.

سلام ياماضى ولد ايليا
ماتحندكنا بالزمن الجميل
بمناسبة الزمن الجميل دي
وانت من الزمن الجميل كمل جميلك كملو قلب البريدك سلمو
معانا على الخط اصحابك علاء السني وحسبو الخزين والاستاذ زاكي الدين
والحمد لله متلمين في الخير وفرحانين بي خبر الفصلين بتاع حي الصفاء والمدرسة الثانوية
للبنات وسوف يبدأ العمل حسب اتفاقنا مع زاكي الدين ح يبدأ العمل بكرة ان شاءالله والحمد لله برضو وتاني تبرع اهل الخير بالف بمبلغ الف دولار تم ارسالها الى السودان
يلا همتك معانا كما عودتنا شوف الناس المعاك وانت وعايزين نكمل الفصلين مع بعض

ربنا يجأريكم خير علي جماليكم وبصراحه حندكتونا ....لكن ان بحندكك بصوره اخرى انا مسافر السودان ان شاء الله

ونحن زي ما قال الحبيب ابو الطيب
بحندكك بي بدايه البناء للفصول حندووووووووووووووووووووووووووكه

الصادق عكاشه كتب:

حينما كنا صغار نستخدم مفرده (حندوكه) ...............................................................................................................................................................................................................................
المهم انا لي زمن لم اسمع بها ....ومتمني اقولها لكن ما عندي الشي البحندك بيه واحندك منو ؟!

يا عكش زمان كانوا بحندكونا اولاد المغتربين ........................!!
وانت اليوم مغترب .........!!
الان انت فى موضع الحندكة .........!!
حندك بي مزاجك واخلص قديم وجديد ............!!
تعال ماشى بيت ناس جدك بجلابية بضاااااااااااااااااء ونضيييييييييييييييفة وشبشب جديييييييييييييييييييييد
وبخاخ ريحتو من الصهريج يعرفوك بيها .............!!
وحندك حندك يا محندك ................!!
وخلى الناس تتغامز و تقول : ياربى ود عكاشة دا جاء مرطب ولا عاصر على الصابونة ساى !!

حن (دوكه)
مصلح مليان حنية
لذا بدا بحروف الحنين
وشكرا لك اذا انك حننت لهذه
العبارات المملوة براة
والدوكة دى ما دايراة ليها تعريف
لكن السؤال هل جيل اليوم بعرفها؟