الثقافه عندنا في الاكل متعدده
ناس الوسط ثقافه الاكل عندهم مازي ناس الاطراف ما زي ناس العاصمه
كل منطقه جغرافيه تتميز بنوع معين وباكلات معينه تميزها وتختلف عن بقيه المناطق
الصينيه ومحتوياتها تتنوع مابين الفول والطبائخ والسلطات
ونحن بدمع العين بكينا
بس في حركه كده مشتركه بين كل السودانين
الواحد لو ما عملا ما برتاح
مابحس بانو اكل اصلا
اتخيلو معاي الصينيه فيها لحمه ولحدي هنا عادي
بس الماعادي انو يكون فيها عضم مقرشه
ده اهم من الوجبه ذاتا
لازم تتجدع وتتخلق في كل الناس اللي حواليك في الصينيه
اول حاجه بعد ما تكمل اللحمه حوالين العضم
لازم ولازم جدا تضرب العضم بطرف الصينيه
قال عشان ايه قال عشان المخ يطلع
هههههههههههههههههههه
والله انت شكلك الماعندك مخ
المهم بعد الخلع دي كلها
تجي مرحله الشفط بالهواء
واحلي احساس في الشطف ده صوووووت ( المخ ) وهو بتشطف
الكلام ده كلو وانت لسه ما قلت بسم الله الرحمن الرحيم
ما قلت ليكم ثقافتنا في الاكل غير
احلي حاجه عندنا في الاكل عضم المقرشه
اها بعد الشطف والقشط والدق تجي المرحله الاخيره
مرحله القرمشه والقرقشه
امتع مرحله في العضم ابو مخ
طبعا الحركه دي بعملوها الناس اللي ماعندها مخ اكيييييييد
ههههههههههههه
استمتاع ما بعدو استمتاع لاي سوداني يلقي في الصينيه عضم مقرشه
في ناس كمان شواطين طينه مبااالغه
بجمعو ليك العضامه جمبهم
لحدي ما يكملو الاكل تب
في النهايه يقبلو علي القرمشه
ماقلت ليكم نحن دون الغير في الاكل
صوت العضم وهو بتقرمش ولا احلي
الواحد تلقاهو ماجايب للعالمين خبر
بس عشان معاهو عضم مقرشه
ده العضم الوحيد المشترك بين كل مناطق السودان
في المناسبات بتختلف القصه شويه حيث لا توجد قراميش
او احتمال الناس تعمل خجلانه
لكن برضووووووووو في ناس عينا قويه
ممكن تعمل اي حاجه ولا تفوت العضم المقرشه
ممكن تخجل في اي حاجه الا العضم المقرشه
في الصينيه ممكن تقوم حروووووووب من اجل الظفر بالعضم العجيب ده
شفتو نحن بنحب القرمشه ازاااي
اي حاجه مافيها قرمشه ومقرشه ما بنتكيف ليها
بنشوفا ليك زي المافي
بنتجاهلا
شفتو كيف
عضمنا ده عند باقي العالمين مافي
عضم حصري علي الصينيه السودااااااااااانيه

ههههههههههههههههههههههههههههههه

سلامـــــــــــــــــــــــــــــــــــــ يا سحس ـــــــــــات

قرمشنى وتفنن زيد عذابى ..

اقرأ هذا الكلام وكلى حسرة ومغصة بسبب الم الضرس ..!!

قلت بالله حسن دا ما حقار ؟؟ ..

دا وقت يكتب فيهو كلام زى دا ؟؟ ..

طبعاً يا سحس مرحلة شفط الهواء دى مرحلة مهمة جداً ..

وتحتاج لميزان هايدروليك ..

قول لى ليهههه ؟؟ ..

لانو لو ما وزنت سرعة هواء الشفطة مع مساحة مقطع العضمة مظبوط .. !!

يمكن المخ على طووول يروح ليك فى حلقك وكدا يكون مافى نصيبك .. !!

لأنك كدا ما استمتعت بالتلمظ بتاع المخ ..!!

شفت كيف ..!!

وبعدين الناس الشفوت والشواطين البلمو العضام جنبهم للمراجعة بعديين !!

ديل فى اللغة اسمهم الهدافين .. بمتازوا بجودة المضغ وسرعة البلع ..!!

ديل لو فى طريقة ما تقعد جنبهم فى اى مناسبة .. بضيعوووووك .. !!

بعدين حركة لم العضام دى بسموها ( تطش مووف ) .. !!

هبشة بس ويشوف غيرو .. ما خلاص بقى محجوز .. !!

ونلتقى فى الحلقة القادمة مع الكوارع ..!!

ههههههههههههههههههههههههههههههههههههههههههههههههههههه