وريقة صغيرة بمساحة 2×2 سم2 .. وهى جزء من قصاصة كراس مسطر .. !!

وهى لاتمت بصلة ابداً ل (ابوالدقيق ) .. !!

عبارة عن ايصال استلام لشوال الدقيق الذى تسلمه الطاحونة حيث يتم كتابة نفس الرقم على الشوال .. !!

يتم تقديمها عند الاستلام .. حيث لا يجوز ابداً ان تضيع .. حينها سوف يضيع دقيقك .. او عليك انتظار ساعات ..

حتى يأخذ كل صاحب دقيق دقيقــــــــــــــــه .. زى البتتبدل نعلاتو فى الجامع .. !!

وعملية الدقيق تمر المراحل التالية :

1/ نظافة العيش( الذرة) وكيله وتعبئته فى الشوال .. !!

2/ شحدة حمار الجيران .. ويفضل الحمار المسكين عشان الركوب بالضلعات .. !!

3/ وضع اللبدة على الحمار وربطها جيداً .. عشان القربى .. ووضع العيش فوقها .. !!

4/ الركوب بتمهل واخذ العصاية وانتظار قروش الدقيق وبعض التوجيهات التى تتمثل فى :

أ - الدقيق دا غدانا فوقو خليهو يدققوا ليك سريييع .. !!

ب - القمح دا اوع يدققوا ليك فوق عيش كلمو كدى سمعتا .. !!

ج - الحمارة دى حقت ناس اربطا كويس ما تعير منك .. انت فااااااالح .. !!

د - ورقة الدقيق ختا فى جيبك اوع تطير منك .. !!
5/ الوصول الى الطاحونة وانزال العيش فى الصف والانتظار .. !!

6/ عند وصول الدور وضع الشوال فى الميزان ثم عمل الماركة والرقم ومن ثم تحرير الايصال وهو ورقة الدقيق .. !!

وعندها اصبح الشوال فى عهدة الطاحونة .. واحياناً يكون لديك باقى قروش يكتب لك بظهر الورقة .. !!

واذا كانت الطاحونة بها كميات كبيرة من العيش يمكنك الذهاب الى البيت والرجوع بعد ساعتين او ثلاثة .. او لو طاحونة التعاون مليانة

تمشى طاحونة ودالسمانى بالسوق .. او الذهاب للحلة حيث طاحونة مهدى خالد والتى كانت سابقاً طاحونة السيد خالد .. !!

وبعد اتمام عملية الدقيق تقوم باحضار الورقة وتتم عملية التسليم والتسلم .. وترفع دقيقك وتمشى البيت ظافراً منتصراً

وترجع الحمارة لاهلها وتربطا كوييييييس محل ليقتا عشان المرة الجاية يدوك ليها .. !!

بالله شوووووووووووووف .. !!

برغم صعوبة العملية إلا انها ممتعة جداً .. ومسلية جداً .. ويتم التسابق من اجل الظفر بهذه المهمة .. !!

والحياه فى ذاك الزمن برغم قسوتها وشظفها الا انها كانت جميلة ولذيذة .. !!

تحياتي وليد وانت تسرد لنا حكايات لن تعود وهل من عوده ثاني ولاننسي عمنا المرحوم الحبيب ربنا يتقبله برحمته ويجعلو من اصحاب اليمين يعمل بهمه ونشاط وعمنا الامين ودالنمير ربنا يديهو طولة العمر طبعا الاول في طاحونة والسماني والثاني في طاحونة التعاون وطاحونة مهدي خالد عمنا عبدالرحمن ودالسراج ربنا يرحمو ويحسن اليه يعمل بتجرد ونكران ذات ولاننسي والدقيق يملا ملابسهم وحتي الوجه لايسلم من الدقيق ايام زمان كانت ايام ياسلام

التعاون اصبحت مصنع ثلج
ود السمانى غايتو اليومين ديل
شايف حركة رملة وطوب وتكسير
لمسرح الطاحونة
بالمناسبة ياوليد انت نسيت فى سردك الدرامى
اللذيذ دا ان توصف الطاحونة من الداخل
حيث انك بعد ما توزن العيش فى الميزان
وتستلم الورقة ترفع الدقيق على مسرح
الطاحونة واحيانا تكون ممتلئة وتقوم تخليهو
تحت المسرح الا ان ياتى دوره ويرفع فى المسرح
بدون اى محسوبية

عزالدين حسن محمد كتب:

تحياتي وليد وانت تسرد لنا حكايات لن تعود وهل من عوده ثاني ولاننسي عمنا المرحوم ربنا يتقبله برحمته ويجعلو من اصحاب اليمين يعمل بهمه ونشاط وعمنا الامين ودالنمير ربنا يديهو طولة العمر طبعا الاول في طاحونة والسماني والثاني في طاحونة التعاون وطاحونة مهدي خالد عمنا عبدالرحمن ودالسراج ربنا يرحمو ويحسن اليه يعمل بتجرد ونكران ذات ولاننسي والدقيق يملا ملابسهم وحتي الوجه لايسلم من الدقيق ايام زمان كانت ايام ياسلام

نعم ياعزالدين .. زمن جميل .. ليته يعود ..

نسأل الله الرحمة والقبول لعمنا الحبيب .. وعمنا عبدالرحمن السراج .. !!

وعمنا ودالنمير ربنا يدعو الصحة والعافية .. كان يستقبلك عند المدخل ويؤشر لك بان تسرع .. فى حال ان الطاحونة خالية من الدقيق ..

وحينها تسمع صوت الحجر .. !!

وللدقيق الذى يملأ الملابس والوجه طرفه .. يحكيها ناس سراج الفاضل :

يقولون ان احدى الجارات صاحت بفوق الحيطة لوالدة ناس سراج حاجة ام سلمة ..

يا ام سلمة ادونى دقيق .. قالت ليها : والله ماعندنا .. إلا اشيل عراقى الفاضل احتو ليك .. !!

عوض خيارى كتب:

بالمناسبة ياوليد انت نسيت فى سردك الدرامى
اللذيذ دا ان توصف الطاحونة من الداخل
حيث انك بعد ما توزن العيش فى الميزان
وتستلم الورقة ترفع الدقيق على مسرح
الطاحونة واحيانا تكون ممتلئة وتقوم تخليهو
تحت المسرح الا ان ياتى دوره ويرفع فى المسرح
بدون اى محسوبية

ههههههههههههههههههههههههههههههههههههه

ياعوض دى سياسات داخلية للطاحونة ما خشينا فيها .. !!

ولا يهمك يا ملك
داير تخش خش
ماداير ما داير
انت ما سيد الورقة

عوض خيارى كتب:

ولا يهمك يا ملك
داير تخش خش
ماداير ما داير
انت ما سيد الورقة

سيد الورقة دى زى سيد الكفر زمان ..يصفر نهاية التمرين وبداية التمرين وفى النص .. ما سيد الكفر ..

ههههههههه
عمك لقى متشكلين فى الكورة
الدافعين والما دافعين
قال ليهم خلاص جيبو ليكم
كورتين واحد للدافعين والتانية
للما دافعين

عوض خيارى كتب:

ههههههههه
عمك لقى متشكلين فى الكورة
الدافعين والما دافعين
قال ليهم خلاص جيبو ليكم
كورتين واحد للدافعين والتانية
للما دافعين

عمنا محمد مدثر له الرحمة له معنا موقف طريف :

حيث كنا حينها صبية صغار نلعب كورة بالقرب ميدان الاتحاد .. وكان ابنه معاوية اصغرنا .. !!

وكالعادة كان يقف حارس مرمى ..

وصادف ان جاء عمنا محمد مدثر قادما من القسم ورأى ابنه معاوية واقف حارس .. وقال له : خش اللعب جوه ..

مالك بوقفوك حارس .. ما دافع زيهم ..؟؟

هوى يا اولاد هوى على الطلاق تانى توقفوه حارس الا ادقكم .. !!

وليد انت كنت وين طبعا من اجمل الجلسات كانت في مكة قبل شهرين انا وعثمان هلال في منزل اخونا فتح العليم من العقدة وعثمان شعرو بقي ابيض وعصام ياسين وكانوا يقولون لي انت ماشاء الله ياعزالدين شعرك اسود قلت ليهم نحنا اولاد متين ةانفجروا ضاحكين

مره برضو كده كنا في الثوره الحاره الثانيه انا واخونا الطيب الكامل ومعانا النذير الباقر وتقريبا مهدي ودالجبل من شرفت واطرش قريبهم من الثوره ح 17 المهم قلنا نكته
وضحكنا جنس ضحك والاطرش خشمو ملان بالاكل وانفجر ضاحكا وافسد علينا حلاوة الاكل طبعا دشر في الاكل حلوه دشر دي ياوليد مش

عزالدين حسن محمد كتب:

وليد انت كنت وين طبعا من اجمل الجلسات كانت في مكة قبل شهرين انا وعثمان هلال في منزل اخونا فتح العليم من العقدة وعثمان شعرو بقي ابيض وعصام ياسين وكانوا يقولون لي انت ماشاء الله ياعزالدين شعرك اسود قلت ليهم نحنا اولاد متين ةانفجروا ضاحكين

معليش يا عز مشينا الفطور معزومين برة .. والله جنس مرارة .. احححححح .. !!

التحية للاخ عثمان هلال مدافع اهلينا العملاق .. وفتح العليم عبدالهادى .. وعصام يس (العتامنة) .. !!

ولك ياعزالدين حارس مرمى فريق السلام والخماسية المشهورة .. !!

ههههههههههههههههههه

آى صاح انت ود متين .. !!

عزالدين حسن محمد كتب:

مره برضو كده كنا في الثوره الحاره الثانيه انا واخونا الطيب الكامل ومعانا النذير الباقر وتقريبا مهدي ودالجبل من شرفت واطرش قريبهم من الثوره ح 17 المهم قلنا نكته
وضحكنا جنس ضحك والاطرش خشمو ملان بالاكل وانفجر ضاحكا وافسد علينا حلاوة الاكل طبعا دشر في الاكل حلوه دشر دي ياوليد مش

تحايانا للاخ النزير الباقر .. وتمتد للاخ الطيب الكامل .. مروراً بمهدى الجبل وحتى الاطرش الذى دشر الشر .. !!

ياي ياعزو ياي ..

دشر .. ؟؟ ايه يعنى دشر ..؟؟