الحنان في الدنيا حبـة ..
والـقــسـاوة كتـيـرة خـالـص
السعادة دروبها قاسية ..
والاحزان فـي كـل مـجـالس
النعيم والخير تكوسلو ..
والـشـرور تأتـيـك تـكـابـس
الـخـلائـق ديمة هامة ..
لـي الـمـعـايـش والـمــلاـبس
في البلاد والدنيا عامة ..
كــل زول لـي رزقـو كايس
الا بـس الدنيـا ظالـمـة ..
وفـيـهـا اصـل الطيبة لايـس
في المحنة قلوبنا صارمه ..
والجمـيـع لـمـشاعرو دايـس
القلـيـب والكـبـدة وارمـه ..
مـن امـريكا وكـونـدا رايـس
ما دارين بي ناس مجارمه ..
في القصور قاعدين فطايس
ديمة نار الحرب ضارمه ..
الـوزيـر والـغــيــرو عـايــس
فـي بـلـدنا فـوضه عارمه ..
وفـي نيفاشا الـنـاس تسايس
سياسه ابداً ماها سالمه ..
لا جــمــيــلــة ولاهــا نـايس
دام اطرافها ماها عالـمـه ..
يـبـقـى امــر الـفـرقـة جـايـز
وما راضين بالفرقة أصلاً ..
بــس نـقــول امــر الله نافذ

بس نقول الله امرو نافذ
الفتن في كل حته
والضغينة والدسائس
والضعيف قلب في امرو
والكبير فينا عائس
الصدق راح خلاص
والكضب لي توبو لابس
والنفاق في كل فجة
تلقي سوقوا هايس
وبالقليل تبيع اخوك
اصبح في شرعنا جائز
بس
نقول
الله
امرو
نافذ

تحياتي وليد دائما مبدع وفقك الله

ابدعت يا عوض

انتم من ساق وصاغ الابداع
فانا كمن وجد الطين مخمرا
وبجانبه القوالب فصنع
طويبات (بلغة ناس الكمائن)
ههههههههههههههههههه
الحقيقة اعجبتى موسيقاك اعلاه
فاستعرتها والقافية معا دون إستذان
اذا اضحت سرقه
ان لم تاذن فانا سارق
هههههههههه

عزو الإبداع في طلتك يا راقي

عزو الإبداع في طلتك يا راقي

وما راضين بالفرقة أصلاً ..
بــس نـقــول امــر الله نافذ
تسلم الاخ وليد دائما مبدع

عوض الموسيقى موسيقتك والقافية قافيتك .. وسمح التلاعب بالكلمات .. لك التحية عوض خياري

تسلم يديك العافية آ محمد طيب