[ندعوك للتسجيل في المنتدى أو التعريف بنفسك لمعاينة هذه الصورة]

الحمد لله الذي بنعمته تتم الصالحات نشكر كل من ساهم في تشيد هذ الصرح التعليمي ونشكر الحبيب عادل خياري الذي ظل يوميا بالاتصال عن سير العمل معوقاته
اولا "

المبلغ المستلم 3810جنيه من الذين تبرعو للحبيب عادل اتت عن طريق المنظمه+ مبلغ 200 جنيه من الحبيب غازي خياري =4010جنيه

المنصرف::
:البناء 11يوم ونصف في 210جنيه = 2400 جنيه
:
بناء العقد مقاول+ 4طلب في 240جنيه =720جنيه
: 5 دور رمله بناء في 175= 875 جنيه
:شراء 110 صفيحه خرصانه للبيم في 4ونصف جنيه =495جنيه
: شراء 6 سيخه في 43جنيه =258ج
:شراء 2الف طوب +ترحيل في 300 =600ج
: ايجار سقايل +فرم لمده 3 ايام 700ج
:كسر طوب الخفجه 180 صفيحه في 1=180ج
: لحام سيخ علي الكمر مبلغ 130ج
:نصف دوره رمله بيضاء +40 صفيحه 240ج
:مجاري مياه 5 في 12=60 ج
:ترحيل مواد سقايل +فرم =150
:شراء30كيس جير خفجه في 5=150
الجمله                    ______________

                            7118 الف جنيه
متبقي العمل يومين خفجه + طليه بالاسمنت 420ج

المبلغ الكلي 7538جنيه والمبلغ المستلم 4010الف جنيه
والمطلوب مني ديون = 3528جنيه دي كلها دين التزمت بسدادها
ونرجو منكم المساهمه حتي اتمكن من تخليص المبلغ العلي عاتقي
وعشمي فيكم كبير والله لايضيع اجر من احسن عملا
وربنا يجعلها في ميزان حسناتكم
وهذا شهاده ببراءة ذمتي .

الاخ / محمد الطيب .

نحيك على المجهودات العظيمة والسعى الدائم لخلق بيئة دراسية تنشئ اجيال الغد بالطريقة المثلى ..

ونحيى فيك روح الشفافية ..

ولا يهمك واثقين منك ..

وانشاء الله سوف تصلك مساهمتنا .. ونسأل الله ان يتقبل منكم .. ويثقل موازينكم ..

الهميم محمد طيب
نسال الله العظيم رب العرش العظيم
ان يتقبل
وجعلها فى ميزان حسناتك ومزان كل من اسهم
فى بناء هذا الفصل

سلام محمد الطيب
هي ليست إقرار ذمة لأنو ذمتك ماعايزة إقرار كلنا مقرين ومعترفين بذلك
بقدر ماهي شهادة يعتز بها أبناء هذا الجيل والأجيال القادمة ان أناسا شرفاء كهذا الرجل
اقتطعوا من وقتهم ومالهم ليشيدوا لهم هذا الصرح التعليمي ويبقى ذلك دليلا وشاهدا لك
ليت اللجان الشعبية وتحذو حذوك وتحاسب نفسها في العلن فوق الأرض قبل ان تحاسب تحت الارض

ليت اللجان الشعبية وتحذو حذوك وتحاسب نفسها في العلن فوق الأرض قبل ان تحاسب تحت الارض كتب:

___________________________________________________________________________

الحبيب عادل خياري
جزاكم الله خيرا علي هذه الكلمات التي يعجز التعبير عنها
اما اللجان الشعبيه لايهمها من فوق الارض وناسين حساب تحت الارض .
والمواطنين يقولون خلوهم حسابهم عند رب العالمين

الاحباب عوض الله والباشمهندس وليد
جزاكم الله خيرا علي المرور

تحياتي محمد الطيب ان شاء الله يوم شكرك مايجي انت تقدم مالك ووقتك وجهدك دون من او اذي وفي ميزان حسناتك يارب فسر وعين الله ترعاك وتعجز الكلمات عن وصفك اعمل مايحلو لك والماعجبو خلي يشرب من البحر

معقول من امس لا الزاكى ولا عوض خيارى ولا مضوى عشان نمشى للخطة البديلة
52 مشاهدة مافيها زول يفتح خشمو

ولا الليلة

التحية والاحترام لكل من ساهم فى بناء هذا الصرح التعليمى
والشكر موصول للاخ محمد طيب
باخصوص المشاركة المادية فى انهاء الديون انا جاهز للتبرع
بس ورونا مين ندى ومع مين نتكلم

بشرى كما عهدناك دائما اول السباقين بس اقتراح يوم الجمعة دة فى المسجد ما عارف الناس خجلانة منو ليه وما عايزين يعقبوا مافى زول حايشيل قروش لى نفسه دى مدرسة وانا واثق ناس الهدى عارفين قيمة المدرسة دى
ولو ما نجحت ىحكاية يوم الجمعة دى والمساجد المفروض لعمل الخير وللاسف حتى متعلمينا بقوا زى ائمة المساجد
انا معاك يا بشرى وشوف عدد المتبرعين ونقسم اجمالى المبلغ عليهم وبالتساوى حا ندفعه
ويعوضنا الله فى عوض الله

سلام محمد الطيب والاخوة المتداخلون والمنفعلون بالقضية
كلكم جزاكم الله خير
والدنيا رمضان والاجور والحسنات مضاعفة من احب ان يتبرع اهلا وسهلا وربنا يعوضو عن ما دفع اضعاف مضاعفة ببركة هذا الشهر الكريم
يامحمد الطيب ماتخاف وراك رجال وقسما بالله لن نتركك وحيدا
ومادفعته يرجع وكفايا جدا وقفتك المشرفة
ياجماعه اللي عايز يتبرع يكتب هنا تبرعه ومساهمته كم
واذا لم يكن متبرع من المنتدى او من الهدى فانا عادل عبدالرحمن خياري متكفل بالباقي ح اعمل جولة وطواف وسعي لبعض المعارق وانا متاكد من جمعي هذا المبلغ او المبلغ المتبقى هذا دين على ووعد مني
بس نشوف اهلنا ح يدفعوا كم وانا على الباقي
ابشر يا محمد الطيب ليس فخرا والعياذ بالله ولكن ثقة في اهل الخير الذين اعرفهم
اكرر انا ملتزم بارجاع المبلغ للاخ محمد الطيب في خلال هذا الشهر الكريم ان شاءالله

احبابي رمضاااااااااااااااااااان كريم
ربنا يجعل كلماتكم في هذا الشهر في اثقل موازينكم
حبيت اوضح الحساب وفي نفسي قلت بسم الله نبداء العمل كما نشكر الحبيب ابو الطيب الذي شجعني بقوه حتي صديت ضربة الجزاء من اللجان الملجنه
وعند البدايه حتي اليوم لم اخف من مال قلت هوي انا ورايه رجال يسدو قرص الشمس ومارقين لي عمل الخير ما هم مارقين للشكره .

الؤخرك علينا شنو كتب:

___________________________________________________________

ابو وحيد
رمضان كريم
اول حاجه هرشته عينت يمين شمال اكوس لي عزر
مسكت مكرفون المسجد برت نفسي فيهم كدي مش احسن من عوض الله
ههههههههههه

والله كان تعملها انا متاكد فى ناس فى الهدى ما عارفين ذاتو انت عملت شنو
لم اكن متوقع ان تدفع الناس ولكن للعدالة لابد من ان نخبرهم على الأقل
وانا لمن اخترنت التلاتة ديل كان لهدف سامى ولى قدام لكن خسارة حتى ولا واحد عنده شجاعة الرد

ابشر يا عادل معاك اهو انا وبشرى وشوف عدد الناس البسجلوا اساميهم هنا واقسمها علينا بالتساوى
لكن يا محمد بغض النظر عن موضوع الدين لابد ان يعرف كل مواطنى الهدى ما فعلته
والجهة الوحيدة هى المسجد والموضوع دة ما عمل خير وحسب بل واجب نحو وطتك وكواطنيك وانت قمت به خير قيام
ناس الهدى لازم يعرفوا لازم يعرفوا واى زول بقدر يقول ليهم فى الجوامع يمشى يقول ليهم عشان ما مشحودين على واجباتنا

صديق الماحي كتب:

ابشر يا عادل معاك اهو انا وبشرى وشوف عدد الناس  البسجلوا اساميهم هنا واقسمها علينا بالتساوى

نعم ابشروا ونحن معكم .. والامر لكم .. لكم الاشارة .. ولنا تلبية النداء ..