يعني شنو حتوه قرض والعلاقة بين الحت الف المثل
والحت العندنا شنو ومتين نقول الناس وصلو مرحلة
الحت ??? دي ونسه قرضيه مع الزملاء ونحن ف
سوق امدرمان مرينا بالقرض وامثالو!!!!!!

ما فاهم اى حاجة انا

كباشى خيارى كتب:

يعني شنو حتوه قرض والعلاقة بين الحت الف المثل
والحت العندنا شنو ومتين نقول الناس وصلو مرحلة
الحت ??? دي ونسه قرضيه مع الزملاء ونحن ف
سوق امدرمان مرينا بالقرض وامثالو!!!!!!

سلامات كباشى ورمضان كريم .. تصوم وتفطر على خير ..

ايواااااااااااا .. سألتنى .. !!

الحت يعنى التساقط .. موسم تحات الاوراق عند الاشجار هو تساقط اوراقها .. !!

والحت يعنى المبالغة فى الرقيص .. حتو حتو .... او حتى حتى .. حتو حت او حتو قرض .. !!

والحتحتة تعنى المبالغة فى الاعتزار لمن لايقبل العزر .. الزول دا اتحتحتا ليهو كدا ما قبل عزرى اعمل ليهو شنو .. !!

وبرضو حت الجيب .. يعنى مرحلة الافلاس .. ودى مهمة جداً اعلانها للزوجة .. وتخليها تحتحت جيوبك عشان تقتنع .. !!

قالت طقم فايبر .. قالت ..؟؟ ههههههههه .

.. اها ان نسعلك يا كبش .. جيت مارى بى سوق القرض عافية .. ولا برضو دخلتوه فى اللستة .. ؟؟

لكن غايتو ناس سوق القرض بكون حتو معاكم قرض .. !!

تحياتي كباشي ورمضان كريم وتصوم وتفطر علي خير طبعا المثل بقول اسال مجرب ماتسال طبيب ووليد قام بالازم

سلام اخونا كباشي
حمدا لله على سلامة الظهور ومع ظهور الهلال
يبقى شوفتك مهمة نتمنى ان نراك على صفحات المنتدى على الدوام
رمضان كريم

صديق الماحي سلام ورمضان كريم القرض عندنا صيدليه متكامله وهو من الشجر البحت براه .كتير
يعني لما الناس وصلو ف الموضوع قريب القبقبه والكلام يكمل يكونا حتوه قرض سلام وتحيات
ليه قرض مايقولو حتوه نبق مثلا ووليد هبش لب الموضوع

التلب رمضان كريم لكن القرض قوي دخل ف كتير من الامثال عشان كده
دارين ندخلو المظله بعدين مافيهو مصاريف لقيط بحت براه يعني االزول
يخم ويودي السوق يعني شوالات فاضيه والسوق!!!!!

ودخياري عادل تصوم وتفطر ع خير قلنا رمضان فرصه للتواصل نحاول
ندردش شويه مع الناس وانشالله ماننقطع سلامنا للحجاج حمدالله ع
سلامتم وبختك رمضان بي مزاج مع البركة والبركات سلم عليهم

ودخياري عادل تصوم وتفطر ع خير قلنا رمضان فرصه للتواصل نحاول
ندردش شويه مع الناس وانشالله ماننقطع سلامنا للحجاج حمدالله ع
سلامتم وبختك رمضان بي مزاج مع البركة والبركات سلم عليهم

اول حاجه هن اتنين رمضان كررررررررررررررررررريم والحتي القرض دي بكون جداع ما شاء الله زي روعة المنتدي .

تخريمه
حتي حتي البلاء
حتي راجل المراء

وبرضو يقلو ف المثل التسوي كريد ف القرض تلقاهو ف جلدا
كريد الغنمايه تمسك شجرة القرض تكدكد فيها لمن اللحا يبقى
ابيض وتقرض القرض قرش وبتتكيف القصه دي لكن القرض
بدفنا ليها بعد يضبحوها ويجيبوبها ليهو للدباغة بجيها جبهة جد

وبرضو يقلو ف المثل التسوي كريد ف القرض تلقاهو ف جلدا
كريد الغنمايه تمسك شجرة القرض تكدكد فيها لمن اللحا يبقى
ابيض وتقرض القرض قرش وبتتكيف القصه دي لكن القرض
بدفنا ليها بعد يضبحوها ويجيبوبها ليهو للدباغة بجيها جبهة جد

ودالطيب سلام ولي لكل ناس الهدى عبرك ورمضان كريم والله متمنين انشالله
يومين نصومن ف الهدى تحياتنا لناس
المستشفي واحد واحد وماتحتوه ف رمضان
شديد ??

عزالدين حسن رمضان كريم ماشالله منور الشاشة وليك التحية مليونيه ف الشهر الكريم والاسرة الكريمة

هههه
خالك اشرح ليو بلغة الكوشتينة
وحت الاتو وكدا
وحتو قرض معناها حتوه للاخر
وهذا اللفظ دائما يطلق ع المتخاصمين
وهو بمعني اي واحد فيهم كيل للاخر
وحتوه نبق دي تطلق علي الراقصين

عوض خيارى كتب:

هههه

وحتوه نبق دي تطلق علي الراقصين

النباقــــــــــــــــــــــــــــــــــــــــــــــــــة ظهروا ............ !!

هههههههههههههههه

عوض الله جاب الطبق وحت النبق ..... !!

ما ممكن نقول : اولاد بتول حتوه قرع ..؟؟

قرع والقرض
نقطع ضنب اي واحده
تبقى ع ض تقولوا
اولاد جزار!!!

انت قطعت راسا ولا ضنبها
اسي دا كلام
مالك يازول دايرنا نحتو معاك

قرع قرع
قرعتنا
اقرعك القرعي