زمان كانت الهدي مشهورة بالكوش (النفايات) و كلما كانت النفايات اكبر فهي تدل علي عظمة المجاورين لها
اغنياء او ميسوري الحال - مثل كوشة ود الخليفة و كوشة حاج حمد التويم - رحمهما الله - زمان كنا بنلقط
منها العلب لصناعة العربات (علب النيدو و الفورموست ) و مرات كده سفنجتك تكون مقطوعة تلقي فيها سير
كارب و مرات ما بتلقي الحبة
دي ما المشكلة
.....................
...............
في كوشة كبيره تقع في شارع النص بين حي التعاون و المدارس و الشارع ذاتو
لما بقي لافي (يعني بقت ذي الصينية ) و مساحتها عرض شارع النص + ركشة
طبعا المسئولية الاولي علي عاتق المجاورين و شباب الحي و الثانية علي
الوحده الادارية - الصحة و ربنا يكون في العون

يا دكتور بقيت تبارى الجداد ولا شنو ...... ؟؟

ههههههههههه

برجع ليك بعد ريقى ينبل شوية .. !!

والله انا اكتر واحد متضرر منها بشوفها مرتين في اليوم و بجيني وجع ( وش + ضهر ) مرتين
انت عطشان في الدمازين ام مطرا ما كضب ؟

والله يا صلاح اليوم مطرة من 5 صباحاً ولحدى الان 5 مساءاً .. !!

الشمس غياب دائم منذ اكثر من شهرين .. !!

رطوبة عالية جداً ..

لكن يا خوى تقول شنو ؟؟ النسى جرستو تاه .. !!

استفز شباب النادى يا دكتور وامشى اديهم محاضرة وخليهم يعملوا نفير نضافة
واستغل قعدتك فى الهدى ولف على جميع النوادى لو عرفت وجيب لينا اسماء رؤساء النوادى فى الهدى عشان ننسق معاهم ورؤساء النادى ممكن يجى منهم احسن من ائمة المساجد

عمال الصحه فاقدين الصحه
هل تعلم بان عمال الصحه اكثر من 20 عامل بصرفو مرتبات
والبلد فاقده صحه

حسب معلوماتي
تمت الاجابة العاجلة
التحية لك
ولمن لب النداء

سلام ياصلاح
ورمضانك كريم جدا
والله تعجبني جدا مواضيع الساعه ومناقشتها وحلها هنا ان امكن وحتى ان استعصت الان قد تجد من ياتينا بالحل غدا
نحس ان المنتدى لب النداء ايضا وحرك بعض الركود هذا حسب كلام عوض الله
هنا

اقتباس :

حسب معلوماتي
تمت الاجابة العاجلة

بس عايزين نعرف نحن برضو كيف?

عادل خياري كتب:

سلام ياصلاح
ورمضانك كريم جدا
والله تعجبني جدا مواضيع  الساعه ومناقشتها وحلها هنا ان امكن وحتى ان استعصت الان  قد تجد من ياتينا بالحل غدا
نحس ان المنتدى لب النداء ايضا وحرك بعض الركود هذا حسب كلام عوض الله
هنا

اقتباس :

     
حسب معلوماتي
تمت الاجابة العاجلة    

بس عايزين نعرف نحن برضو كيف?

كيييييييييييييييييييييييييييييييييييييييييييييييييييييييف ؟

هى وساخة وحا تنشال ولا تقعد فى محلها كمان عايزة ليها زول يجيب الطلب ومعلومات كأننا بنحارب اسرائيل
ما تقولوا لينا الحاصل بكل شفافية ولا

 
موضوع النفايات فى الهدى اكثر التضررين منه هم جيرانها واعنى بذلك دكتور صلاح والزعيم حيدر ادريس الذى يؤم منزله عشرات الاشخاص يوميا فلو قام المستوصف وجيرانه المدرسة وحيدر ادريس باستئجار عربة كارو لتم الامر يا دكتور ولكن تاتى التوعية بان لا ترمى اوساخ مرة اخرى فى هذا المكان !!!

شكرا استاذنا : زاكي الدين
يوجد بالمنتدي الكثير من ابناء حي التعاون والحقيقة هذا الحي كان من اكثر الاحياء اهتماما بالنظافة و التشجير
فعندما نعكس الضرر في اي منطقة هو تنبيه للاهل بضرورة عدم تكرار الخطا (تكرار الردم بالاوساخ هو الذي
اوصل (الكوشة) لحجمها الملفت للانظار) - بالنسبة للمتضررين : المركز الصحي و الجيران مثل حيدر
سوف نلتزم بازالة الوضع الحالي بس يلتزمو بعدم رميها ثانية

سلام يادكتور
حيرتونا عوض الله يقول اتحلت وانت لم تؤكد
الحاصل شنو بالزبط
تخريمة
عند زاويه المدرسة الثانوية بنات هناك حفرة كبيرة قد تؤدي الى سقوط السور وخصوصا الموسم امطار هل في الامكان تحويلها لردم الحفرة وفي النهاية دورة تراب واحدة تكفي
مجرد سؤال?

اتشربكت ما اتحلت انت يا عوض الله شفت البهيمة يحرقوا فيها في راس الكوشة و الريحة طقت و الدخخن وقفت ذي الكماين في نص الهدي - دي ما حلول دي - و النار دي شجعت النسوان و وفرت عليهن تعب الحريق و جابوا مخلفات زياده و الحكاية دايرة وقفة من ابناء الحي - الحمد لله هسه البهيمة نجضت - و بعد شوية المطرة بتجي و السليقة ح تجهز و يا جماعة ما تكتروا الاكل في -

سلام
توش
رمضان كريم
اه اه اه
الرقم انتهي ولي لسه
الموضوع واضح هنالك 3 ضباط صحه اسي ياجماعه 3ضباط ما بقودو معركه خلي كوشه + اييك اييك من وظيفه الملاحظ هو مو لا حي ظ اي حاجه
يعني ضابط صف + مساعد مو شايف اقصد ملاحظ صحه كم وكم + عمال نظافه والله الواحد ما تعرفو اي يجيب ليك استماره تامين صحي
ياخي انت شغال وين والله تعينت لي 3 سنه مع ناس الصحه .
وفي فضيحه تانيه كان عوض الله اداني الكاميرا ومشيت علي السلاخانه عوووووووووووك والله الا نفرمط المنتدي
مرتبات عمال وموظفين الصحه اخر الشهر تشتري وابور وترله ويبقي تاني باقي عمال .زي الرئيس مساعد مولا ح ظ

هاك يا محليه عيني لي الزول دي
ان شاء الله يتعايش بها الزول دي
قريبي والله ود اختي عينوهو لي
ودي شقيقي عينو لي انا بلقا لي
حته تانيه اطلع مصروفي
عينو لي عينو لي عينولي الزول دي
كان الله يرفعو لي الزول دي

الاخوة بالمنتدى اخبركم بانى التقيت صباح هذا اليوم بالاخ بحبى عبد الله وهو الضابط المسؤول عن الصحة بالهدى كوحدة ووضحت له كل مايخص هذه الكوشة وموقعها الاستاتريجى وقد امن على كل ماقلته وذكر لى ان التراكتر يؤجر بمبلغ 170 جنبه فى اليوم وهذا للسوق فقط !!! واتفقت معه على اعطيه الجاز وياتى بعماله . ولكنه تراجع وذكر لى ان هناك حملة نظافة عامة الاسبوع القادم . واذا تمت النظافة الان ستتم نظافة البيوت قبل العيد بيوم وتعود الكوشة فى اقل من اربعة وعشرين ساعة !! المهم اقترحت عليه ان يتصل بالاخ حيدر ادريس وهو جار للكوشة ويطرح عليه الامر

وانا التقيت اليوم بالزعيم : حيدر و اتكلمنا كلام موضوعي و قلنا الشارع حق الحي و ايدي الحي هي الراح تصنع ما الوحدات الادارية
و اتفقنا نلم شباب الحي و نبدا حملات التوعية
         
        شكرا للاخ يحي ود اب ضهر
[size=24]الله يهونها