بسم الله الرحمن الرحيم ... نحكي مرات عن مشاكل والحياه والله عارفين ياما فيها صعاب وزحمه .. وياما فيها ظروف رهيبه في زمن مافيهو رحمه .. والسعاده بقت طفيفه واحتمال مانلقي بسمه .. والامل مرات بيضعف زي خيوط العنكبوت @@@ كل حاجه بقت فظيعه والقلوب من غير وئام .. وياما ناس بينم مشاكل منعدم بينم كلام .. ولو سنين فاتت عليهم برضو معطونين خصام .. والمشاعر فاضله قاسيه لا تحايا ولا سلام .. والعمر مرات قصير جايه لحظات السكوت @@@ الدموع مرات تعبر في عيون انسان بيندم .. والشموع يوم مابتضوي في قلب يوم ماحيرحم .. والرجوع بي اعتذارات برضو احلي ومين حيفهم .. واصلو حال الدنيا فايته وكل انسان حي يموت @@@ التسامح غيمه حلوه وفي سماها رزاز طبيعي .. والبشر فيهم احاسيس زي ورود في جو ربيعي .. والعواطف تبقي جنه والفه من نبض المحنه والكلام يفضل معانا فيهو اسرار البيوت ... خواطرلا بد لها من خروج
وكل سنه وانتم طيبين وتصوموا وتفطروا على خير .

ود العمدة سلام
حبابك وحمدا لله على سلامة الطلة البعد غيبة

اقتباس :

والسعاده بقت طفيفه واحتمال مانلقي بسمه

السعادة بقت وهم والحلوة من غير طعم
برضو صدق

يا هلا بودخيارى وبسمتك فى وجنتك هى كل الغناء دمت بكامل صحتك ورمضان كريم

اشكرك صديق الماحى وطلتك هى اجمل طباعه لكروت الدعوه ومن احسانك المجمل وزائد روعه انك وزعتها للاحباب باناملك على الكيبورت بكل طيب خاطر ملئ بالصفح والتسامح والتعانق والالفه لاناس بالفعل نريد منهم الالفه وخاصه نحن فى ولوج العشره الاواخر والعتق من النيران فاجعل البسمه والتسامح والصدقات ترطيباً لجو هذا العتق فنسأله قبول الصيام والقيام آمييين يا رب ..

هذه التفعيلة مصدرها القلب
وتحمل الكثير
من القيم الراقية
والحمد لله
ان مجتمعنا يتسم بها
التسامح والعفو
و(معليش) هذه المفردة
حصريا علي مجتمعاتنا