بلدا كان ما بلدك امشي فيه عريان ...!
هل خدمك هذا المثل الشعبي في الغربه اي غربه حتى لوكانت داخل السودان ؟!
هل طبقته واستفدت منه وان كنت مجبر؟!
هل تشعر انك محتاج اليه ؟!
متى تستخدمه ...ماهي المواقف التي تستدعيه ؟!
هل يطبق في اي بلد ؟!
الا ترى ان في هذا المثل فيه نوع من عدم المبلاه وانه تعكس به صوره سيئه عن موطنك وثقافتك ...؟!
هل شعرنا ان هذا الاجنبي يطبق هذا المثل في بلدنا..؟!
ربما يكون في هذا المثل نوع من حسن التصرف لكي لا نظلم امثالنا الشعبيه .

بالعكس بلدا ما بلدك اتستر فيها

لك التحية استاذ الصادق بلدا مابلدك استر نفسك وبذلك تعكس الوجه المشرق لك ولبلدك وللمثل مدلولات اخري وعدم مبالاه .

بلادي ان جارت عليه عز يز أ
وأهلي وان ضمو عليه كرا مو

سلام عكاشة بيه
انت عارف موضوعك ده ذكرني واحد معرفة كان في زيارة لتركيا في منتصف التمانينات
الود قاشر والدنيا صيف شاكي البنطلون ومضيقها على الاخر وفي ضيق البنطلون ده قعد في الواطة قعدة ماياها
وعينك ماتشوف الا النور البنطلون ضرب اتفتق من وراء حاجة كبيرة ومابتضارة تب
وماكان منه الا قال كما قلت بلدا مابلدك امشي فيها عريان ملص البنطلون وقال اصلو الدنيا صيف
الناس تقول ده رداء والخواجات عادي بلبسو ارديه في الصيف
وبعدين العارف ده محمد ابراهيم من سنار منو
لكن السترة واجبة ياخوي

السسته واجبه ياخوي...!
بنطلون استاذ معانا ضرب سسته عملنا له اسعافات اوليه(جبنا سلكه )وربت علي كتفه مواسيا بلدا كان ما بلدك....