نسمع في بعض اغنياتنا ..حلات بلدي وحلات ناسا و (ناسا ) وكالة فضاء امريكيه هذا تدخل سافر (سافر) محطات الوداع ضجت قدامك وراك...ومن قبل ما تسافر كنت... قلت القاك في خيالي وبيكا احلم (بيكا ) قريه من قرى الجزيره ..لذلك عود وتعال تلقانا نحنا يانحنا ...(عود ) آله عزف تستمتع حين تسمع بها : .الوسيم القلبي رادو...(رادو ) شركة او ماركة ساعات ..وساعات بحب اغنية بلالي بلالي بلالي والساده واناري انايا....انا ارى ان كلمة (الساده ) ليست في محلها فلوكانت بي لبن يكون تمام ...وتمام ياعوض دكام ...وتمام الساعه تسعه...وعمرك تسعتاشر سنه...ومرت سنه وعادت سنه وانا يازمن زي (زي مدرسي) ما انا...وانا مساهر في
عز الليل ...والليل ياقلبي...ياقلبي المتيم ما كنت خالي ( خالي ) اخو امي ...ويا يمه الله يسلمك...!
سمعت ان كلام البشر كل البشر بما فيهم ناس بلدى موجود في الاثير فوق . الكلام سمعته قديم جدا وقالو اكتشفته ناسا...انا سمعت بس والان سؤلت عنه قالو تذكر زمان قلت كيت وكيت قلت لهم الله اعلم لو كان قلته بكون موجود في الاثير حتى الاغنية البتسمعو فيها الان ...كانت اغنية ود اللمين : من يوم ما شفتك قلبي للدنيا ابتسم....الله عليك يا ابو اللمين .
السوال مطروح لناسا....ناس الاغنيه...ههههههه

سلا م عكاشة يامبدع الحروف والتلاعب بالكلمات
سؤال
في علاقة بين الموضوع ده واموضوع اللخبتة ولا ده ملخبت من نفسو ?

في علاقه ياخياري : عقاب ملايا ..ههههههه