نقيطي نفر
-
-
-
مرات الواحد لمن مايكون عارف المواصلات بركب غلط عادي
تكون ماشي بري تلقي روحك ركبت الجرافه
انا شخصيا حصلت لي قلت ماشي الحاج يوسف ركبت سوبا شرق
الناس بفتكروك متخلف ولا اهبل
بس مرات الراس بكون ضارب
ومرات زي البتهيألك كده
زي البسمع الكمساري بقول بري بري بري
اوهام بس
عشان كده الواحد ما يتعقد من روحو ويقول انا جنيت
لا لا عادي القصه دي بتحصل حتي الكوره
في واحد صاحبا كان كل ما يباصو ليهو الكوره
يجري يشوتا في قونو
لما يسالو يقول ليك كنت فاكرو قون الفريق التاني
ماقلت ليكم عادي
واحد تاني رسلوهو السوق بجيب بامية وسلطه
رجع جاب ليهم رز وعدس
طبعا عشان اقرب ليكم المثال اكتر واكتر
الكلام ده طبعا بحصل كتير عند الدكاتره
تشتكي ليهو من الملاريا يديك حقن تتنس
المهم الواحد يكون مركز شديييييييد
ويعرف هو ماشي فيييين وراكب ياتو مواصلات
ويقرا اسم الدواء جيدا قبل الاستعمال
عشان بعدين مانبقي في دواء الاسهال
اصلو الاسهالات اليومين حاإاإاإاإاإاإاإايمه
كل ماكان تركيزك عالي كل ما قدرت تركب صح
لو عاوز تتاكد اكتر واكتر اسأل السواق
علي فييين ياسطه
الشنقيطي نفر
انا نازل اخر محطه عليك الله
اصلووو ماشي (الثورة) وما لاقي مواصلات
لازم تحددو انتو ماشين وين للسواق او الكمساري
البلد بقي مافيها ضمان
الايام دي بقيت الحالات الزي دي كتييييييرا
الناس كلها بقت تركب ( الثوره)
الماشي جبل اولياء بقي يركب ( الثورة بالنص)
بعد مايصل يبقي يفتش لطريق الرجعه مابعرف
الناس بقت تركب ساإاإاإاي من طرف
ميه مرة قلنا ليكم اتاكدو اول
ماممكن ياعالم
بالمناسبه قبل ماتركب (الثورة) اتاكد البنزين بوديك وبجيبك
اصلو البلد بقي مافيها طلمبات
ماتسألوني مشت وين
زي الجيش العراقي
في زول هسي عارفو مشي وين
صحينا الصباح لقينا البلد بدون طلمبات
ولقينا الزلط بدل ما يشتغل مواصلات
غير مهنتو
بقي الزلط شغال حرق لساتك واسبيرات
البلد بقت تحصل فيها جنس حاجات
المواصلات كلها اشتغلت ( الثورات) ياعيني ياعيني
تركب بس من طرف
تحرق لستك تحرق طلمبه وانت راكب
واحد بسال صاحبو القاعد جمبو
هو مش البص ده ماشي (الثورة بالنص)
رد وقال ليهو والله ماعارف لقيتو متحرك وركبت
اها عليكم الله شوفو جنس ده
دي بلد يعملو فيها مواصلات
لحدي هسي تم حرق 11 بص
تماإاإاإاإام ميه الميه
كده انتو راكبين صح
اوعه تنزلو
واصلو لاخر محطة
عارفين اخر محطة ويين
اكيييييييييييييد عارفين
لانو دي ماعمائل زول ماعارف
دي عمائل بتبودينا في ستين داهيه كلنا
كلنا مسؤلين من اللي بيحصل ده
من رئسنا لغفيرنا
قفل النت ماعلاج ولا الفتنه علاج
الحسم ممكن يهدي الاوضاع
بس الفي القلب في القلب
الكبار والصغار
بقي اي واحد شائل كبريته ولافي
لو كنت تاجر كبريت حتبقي ملياردير في الايام دي
ده غير مليارديرات ناهبي الصرافات الاليه باسم الشنفيطي نفر
حراإاإاإاإاإام والله البتعمل في البلد دي
بالجد كفايه كفايه كفايه
ابييييييييييييينا بس ما ابينا البتنادي للدمار والتخريب
ابينا مابنخرب ما بندمر مابنحرق مابننهب
ابينا ماطالعين
ابينا ماعاوزين ثورتكم
ابينا مادايرين نبقي قطاع طرق
علي كل حال اهو العاوز يركب صح
يعرف روحو راكب وين وماشي وين
والعاوز يركب من طرف يبقي يعرف طريق الرجعه

سلامتك ياوطن
ازمة وبتعدي

سلام حسن اسماعيل
ربنا يكفي البلد بالجد شر المشاكل والفتن  وحرق الطرمبات
وقتل النفس التي حرم الله
وربنا يولي على الشعب السوداني خيارهم الذين يقيمون العدل ويبسطون الامن
عشان الناس تعبت من الفقر وليس لان البلد لاتملك مالا هذا جزء بسيط جدا من المشكلة
ولكن الفقر نتيجة سؤ ادارة لما هو موجود واستغلاله اسوأ استغلال وعدم الاستفادة من استثماره على الوجه الامثل
ودونك اثيوبيا دولة فقيرة ولكنها تنهض الان بقوة الصاروخ
اذن ليس المشكلة مادية ولكن المشكلة ادارية وسؤ نية
وعدم توزيع عادل لما هو موجود فمن غير العدل ان يكون تعضاء البرلمان رواتبهم وعرباتهم تبني مدرسة
واطفالنا يدرسون في ضل الجامع
اين العدل
الناس كلها راكبة صاح وح يوصلو للمحطة ان شاءالله مسالة زمن ياحبيبي ليس الا
خليك جنب المساري وجنب الباب

اخووونا عادل لمن تركب اكييييييد حتنزل صح
بس لمن تركب غلط مهما فعلت فالغلط لن ياتي بالصح

راكب مالك ما تتصل بالتلفون وتجيك وسيلة المواصلات لى بيتك
انت عارف يا حسن انت عايز ليك ثورة دليفرى
لمن ركب فينا عمر البشير ركب فينا بالتحنيس ما ركب رجالة ولسة راكب رجالة
ولا عمر البشير ركوبه صاح والثوار حتى محاولة ركوبهم يتصدى لها ابواق عمر البشير
كانك يا حسن عايش فى حتة غير السودان لمن تنتقد ناس لا حول لها ولا قوة فقط يريدون تغيير هذا البلد الى قدام ويضحون بحياتهم من اجل هذا الهدف
عايزيهم يحنسوا عمر البشير ولا يقيفول ليهو طابور ويضحك فيهم
ياتو يوم الكيزان سمحوا بى مظاهرة سلمية ولا اصلا استمعوا لى مواطن
افتح التلفزيون السودانى العميل لى عمر البشير تلقى بتكلم زيك كدة
الناس بتموت من اجل البلد دى بى شرف واحترام فلابد من احترامهم وليس لك عدو الا عمر البشير ومساعديه والمخدوعين والموهومين