السلام للجميع
و عيد مبارك علينا و عليكم
وربنا يجعل الاعياد القادمة اكثر رخاءاً
انحنا قبيلة المتغربين بنسمع بالعيد ده سمع
نفس برنامجك اليومي ما بتغير ما عدا صلات العيد و بقية الايام نوم ده لو ما كنت شغال، يعني العيد ده بنشموا قدحة.
ربنا يرد كل مغترب لاهله سالم غانم - ودي مهمة -

ربنا ارد غربتكم
وافك كربتكم
وكل سنة والجميع بخير

كل سنة وانت طيب نتمناها لك رغم العيد التعيس وربنا يرد غربتكم سالمين غانمين
خواطرك هذه مشاعر صادقة تنوب عن ملايين اقسروا لمغادرة الوطن الحبيب الا قاتل الله الكيزان والحكومة حاج عمر البشير الذى يريد ان يخادع الله بحج ولكنه يخادع نفسه .. حج ايه اللى انت جاى تقول عليه .. تحج الى جهنم باذن الله ياحاج عمر البشير

لك التحية الحبيب الهادى محمد يحيى
وكل سنة وإنت طيب
وإن شاء الله السنة الجاية معيد وسط الأهل والحبان
والغربة والبعد عن الوطن حرم الناس أشياء كثيرة ..
وهي ضريبة يدفعها ويعاني منها كل المغتربين البعيدين عن الأهل والأحباب
ولينا الله .. ونشمو قدحة زي ماقلت ..
الله كريم ..
وإن شاء الله ربنا يرد غربتنا اجمعين .. سالمين غانمين .. ومانرجع زي رجعة عمك
محمد حسن كنة .. الجاي بعد غربة 50 سنة قضاها في بريطانيا ..

الاحباب
رد الله غربتكم سالمين وغانمين
والله كنت موثق ليكم العيد في الهدي وقت الصلاه وبعدها من باقي عمري
ناس تبارك شوارع مليانه تعيد علي دي وابتسامات متبادله قضينا ثلاثه ايام جميله والله حرمنا النت من توثيقها لكم يوم العيد .الشبكه اشربكت .كان شفتو العيد الفي امريكا يا بكي ولا جاء عيد معانا ..وربنا يلمنا ....