للعيد فى الهدى طعم ومذاق خاص فهو مناسبة يترقبها الناس
بشوق ولهفة وفي العيد تقوية العلاقات الاسرية واشاعة المحبة
وروح التسامح بين اهل الهدى
تتوافد الاسر التى تقطن خارج الهدى لقضاء العيد مع الاهل وتفتح الهدى مثل هذه الايام احضانها لتستقبل ابناها الذين تفرقت بهم الحياة
تبدأ فعاليات العيد فى واسط الاسر منذ وقت مبكر من شراء ملابس الاطفال
وهى من اولويات كل بيت وخروف الضحية .
صباح العيد يتوجه الجميع الى مصلى العيد ويتوافدون افرادا وجماعات
من كل انحاء المدينة مع ذلك هنالك احياء صلى العيد فى مساجدها
ام الحشد امام مدارس الاساس
وماهى الا لظات يمتلى المكان ياخذ كل مكانه استعدادا لتأدية الصلاة فى جو روحانى لاتسمع الا التكبير والتهليل
وما ان ينتهى الامام من الصلاة والقاء الخطبة
ثم بعد ذلك ينهض الجميع يتعانقون ويهنئون وفى تلك اللحظات تسمع عمنا حمد المقبول اطا الله عمر يصدح بالمديح
وتسمع عبارات التهنئة (كل عام وانتم بخير )(القابله على
على عرفات)(العيد بخيت وسعيد- القابله على منى ) ثم بعد ذلك يتحرك الجميع وتعج الطرقات بالناس غادين ورائحين افرادا
وجماعات والايادى متشابكة والابتسامة على الاوجه مجموعة تدخل هذه الدار
ومجموعة تخرج من تلك الدار هكذا حركة دائمة حتى صلاة الظهر
وتستمر المهرجانات بصورة مختلفة وبعدذ لك تسمع اصوات المايكروفونات تجوب شوارع الهدى بدعوات الزواج
شمس التهانى اشرقت انوارها ونسيم ..............
واحيانا تكون هنالك مباريات بين (اتحاد ونهضة )* او بين الفرق الاخرة
وربما تشهد حفلا غنائيا او عرض مسرحى كما عودتنا فرقة الهدى المسرحية
او مناسبة سعيدة لاحد افراد مجتمع المدينة يسمر فيها الجميع
وهكذا تستمر المناسبات لليوم الاول والثانى والثالث بل والرابع
العيد مبارك عليكم مقدما
وماتكتروا فى المرارة والشربوت
ودمتم تأمين ولامين

ما اجمل العيد وما احلاه فى الهدى

لكن يا شيخ مهند ناس الغربة حالهم كيف مع هذى المشاهد التى زكرتها .. الواحد الا يجهز من هسى كوم مناديل .. ( وانا عارف قلبو الرهيف ما بيحمل حنين)!!
فى زمن الطفولة الجميل كنا ونحن راجعين من ساحة العيد نختار البيوت اختيار .. بيوت الدانقيل .. بحثا عن الشكولاتة والله نلف الحلة من ادناها لاقصاها دون كلل

وليد التلب كتب:

ما اجمل العيد وما احلاه فى الهدى

لكن يا شيخ مهند ناس الغربة حالهم كيف مع هذى المشاهد التى زكرتها .. الواحد الا يجهز من هسى كوم مناديل .. ( وانا عارف قلبو الرهيف ما بيحمل حنين)!!
فى زمن الطفولة الجميل كنا ونحن راجعين من ساحة العيد نختار البيوت اختيار .. بيوت الدانقيل .. بحثا عن الشكولاتة والله نلف الحلة من ادناها لاقصاها دون كلل

سلام شيخ مهند , والحبيب وليد , المشاهد دى كانت زمان هسع من الجامع واى زول لى بيتو أختفت تلك المشاعر وانهزمت أمام ايقاع الحياة السريع ,

اما العيد في الغربة يا وليد ما تشيل هم مرحلة المناديل دى الناس تجاوزتها زمان هسع المناديل بقت حاضرة لحال السودان و ماآل اليه أذن المناديل لنا كلنا بس خائف ما تكفي بحر الدموع لوطن كـــــــــــــــــــــــــــــــــــانـــــــــــــــــــــــــــ
أسمه الســــــــــــــــــــــــــــــــــودانــــــــــــــــــــــــــــــ
الله يجازى السبب ناس المشروع الحضاري وناس (..................)الضيعوا البلد

الشفع ياشيخ مهند_في كل الدروب ينططوا بجمال وبهجه تخلب العقول_يخيل لي الاطفال يوم العيد ربنا بديهم بريق خاص__بكامل الاناقه ومنتهى البراءه وأجمل اللعبات والطلق الناريه والإبتسامات النقيه التي تظهر أسنان صغيره بعضهم ناقصة أسنانه في المقدمه(شروم)_والعطور تكمل اللوحه_العيد شفاعه وشفع وشيه

احبابنا
لكم التحية بطعم العيدية
وتشكرو على المرور
وكل عام وانتم مهرولين

الحبيب أبو براءة زي مازكرتا العيد في الهدي ليهو طعم خاص حتا الناس الغربا البجو الهدي معاأبناء الهدي الفي الولايات الأخري عشان أزوقو الطعم بين أهل الهدي وهدي
الهدي _المحنا_التعايش_التأخي _التسامح_التراحم_التعافي _الخ___
مثل جديد لنج الماعندو خروف ماعندو جلد___
لك ودي وإحترامي

حقيقة الهدي بها طعم للعيد لا يقارن بالكثير من البلاد

كل عام وانتم بخير

القابلة مهرولين

والما متاهلين يتأهلوا

عيد سعيد وربنا يحقق احلام الجميع

وعساكم من عواده

عيد سعيد
وربنا يتقبل مننا ومنكم
وكل عام وانتم بألف خير

عيد سعيد
رسلت ليك رسالة في الخاص
في انتظارك قبل ان تسافر الهدي
سلامي لي كل ناس البيت
وبي الاخص .
العم الامين عبد النبي والوالدة الحاجة بت العمدة

منذ مدة ليست بالقصيرة .. إفتقدنا احساس العيد وسط الأحبة والأهل ..
حتى شكل الفرحة تغيير بالنسبة ليّ
لا أذكر آخر مرة عيدت فيها بالهدى .. ومنذ عام 1980م .. وهو العام الذي سبق إغترابي خارج السودان منذ ذلك التاريخ وأنا لآ أتذكر شكل العيد .. تبلد حتى الشعور عندي .....
يايوم العيد دمعات اماتنا على أماتن في العيدين ماكفن
افراح الناس .. ماكفن
اللبسة .. اللعبة .. الدهشة
الكل .. إتبلل يوم العيــد

عيد سعيد .. وعمر مديد .. وكل عام وإنتم بألف خير ...

كل سنة والجميع بخير وعيد مبارك عليكم جميعا ونحن نبكى بس
زمان واحد جارنا من الثورة حضر معاى عيد فى الهدى
السنة الجاية انا ما جيت وهو جا عيد فى بيتنا

عيد سعيد وعمر مديد احبابنا