يا ناس الادارة
السلام عليكم و عيدكم مبارك
بعد ما تكملوا شربوت عادل خياري ده كبروا لينا الكتابة دي اصلو معانا ناس عواجيز دايرين يشاركوا في المنتدى لكن ما قادرين يقروا كتابتكم دى.
انا طبعاً ما منهم لكن متضامن معاهم

سلامي الهادي الطريف
كلً عام وانت بألف خير والعيد الجايي كل امانيك في خانة الممكن
وحمدا لله على سلامة طلتك من جديد ونتمنى الديمومة والصيرورة
أنا بعرف زول في الادارة ممكن اكلمو ليك لكن ورينا انت
العجائز ديل منو عشان تطمئن على روحنا

التحية يا العزيز عادل
انت اولهم طبعاً، واكبر دليل العمة المغطية الجلحات دي - ما دايرين نقول صلعه - و الشيب المالي الراس.
انا ما عجوز لكن عندي بعد نظر ما بقد اقرأ الكتابه الصغاره دي.
والله من اسباب عذوفي عن المشاركة عدم و ضوح الكتابة.

العزيز صديق الماحي
لك التحية
انت الشخص الوحيد البتقدر حالتنا و بتكتب بحروف كبيرة.
انت مش عجوز حالص زي ناس عادل لكن برضو ما طالع منها، انت و عادل بنطبف عليكم القول (الفي راسو بطحة يطبطب عليها )،
يعني انو الوحيدين الدايرين تنفوا صفة العجزنه.
انا بهزر معاكم ، ربنا يخليكم لشبابكم - عمر الشباب قالوا رفعوه للخمسين - اسوتاً بزيادات رفع الدعم.
تحياتي

الاخ عادل
شنو ما كلمت لينا صاحبك عشان يكبر الخط.

alhadi mohd yahya كتب:

الاخ عادل
شنو ما كلمت لينا صاحبك عشان يكبر الخط.

سلام ياحارسنا وفارسنا
انت يالهادي بقت عليك حكاية عمك المشى يعمل كشف نظر قام الدكتور قال ليه
الحروف دي مقبلة على وين
قال ليه ياتو حروف ياولدي
قال ليه الحروف الفي اللوحة دي
عمك رد ليه هي اللوحة وينها زاتها
غايتو بعد ده لو قلت ماشايف الا نمسسك الحروف تتحسسها في يدك
الله يكون في عونك

الاحباب سلام
الكبر ما عيب عيب الكتابه الصغار
والله انا اسي بكتب بي نضاره قرايه لكن نمره واحد يعني من اضاءة الشباك بس لكن في البيت كان ولعت النور مشكله الاولاد بضحكو علي وكمان المدام .......